السلام عليكم ورحمه الله وبركاته

انا جايبالكم النهارده طريقه تنضيف الحبار بالصور وان شاء الله تكون واضحه وتعجبكم لان دى بصراحه اول مشاركه ليا ويارب تعجب الجميع ....

يالا نبدأ

اولا::: بتجيبي الحبار وتقومى فاصله الراس عن الجسم زى ماهنشوف فى الصوره اللى جايه دى وتشدى الراس لبره



ثانيا:: تمسكى بأه الراس اللى انتى طلعتيها لواحدها وتقطعى الاطراف بتاع الراس لواحدها بسكينه وتفصليها عن باقى الجزء اللى فى الراس ودا بيكون من فوق العين بتاع الحبار وطبعا تاخدى الاطراف دى معاكى على جنب وترمى باقى الراس زى فى الصوره دى



ثالثا::: دلوقت نشتغل على جسم الحبار نفسه ,,, تمسكى الحبار وطلعى من جواه انبوبه فى ضهره شفافه موجوده بطول الحبار ودى طبعا ترميها بعد ماتطلعيها .. زى ماشايفين فى الصوره دى





رابعا ::: تطلعى القشره اللى موجوده على جسم الحبار من بره ... بس انا بافضل قبل ما اعمل كده باسيبه منقوع شويه فى الماء لمده ربعم ساعه علشان اعرف اشيلها بسهوله وبسرعه لانى باتخنق بسرعه ههههههههههههههه ...بس هى اصلا كده كده بتتشال بسهوله بس اللى مش بحب اتعب نفسى زى الصوره دى





خامسا::: تبدائى تقطعيه حلقات بالسكينه او بالمقص انا باقطعها بالمقص عرض الحلقه بيكون حوالى 1,5 سم او زى ماتحبى



وبعد ماتخلصى كل دا تقومى حاطه كل اللى الحاجات دى اللى هى الاطراف والجسم فى ماء مع خل وملح وتسيبيهم مده نص ساعه ودايما تغيرى الماء لغايه مايكون لون الماء شفاف

وتبداى تطبخيه بالطريقه اللى انتى تحبيها انا اعرف 3 طرق لعمل الحبار(الطاجن والمقلى والمحشى ) ممكن اقولهالكم بعدين لان الولد بيعيط ويارب يكون عجبكم موضوعى وتكونوا استفدتم وياريت اعرف ارائكم علشان اتشجع واضيف مواضيع تانيه كتير سلام

مشكورة حبيبتي على الإفادة

بتصدقي ما كنت بعرف كيفية تنظيف الحبار

بارك الله بك

مشكوره عزيزتي جوزيتي كل خير

شكراً حبيبتى جزاك الله كل خير

شكراً حبوبة الله يعطيك الف عافية
وننتظرك دائما بكل ما هو جديد ومفيد

شكرا لك أختي " ميرو" وجزاك الله كل خير

ومنتظره الوصفات بتاعتك

تقبلي مروري

وكل عام وانتِ بخييير..

شكرا ياميرو بس انا هرفع قضية عشان اخدتي اسمي دي ملكيه فكرية هههههههه
ياريت طرق طبخه هستناها

كتبت بواسطة مس ميرو

شكرا ياميرو بس انا هرفع قضية عشان اخدتي اسمي دي ملكيه فكرية هههههههه
ياريت طرق طبخه هستناها

وليه بس كده مانحلها ودى احسن وبعدين عارفه لو رفعتى قضيه انا اللى هكسبها علشان دا اسم ايميلى من سبع سنين .. بس لو انتى عاوزانى اغيره علشانك اغيره حتى مابقاش ينفعنى لانى متجوزه من سنه ونص هههههههههههههه
وشكرا لمرورك ياميرو واكيد هكتب موضوع جديد عن طرق طبخه

كتبت بواسطة توتا القطوطه

شكرا لك أختي " ميرو" وجزاك الله كل خير

ومنتظره الوصفات بتاعتك

تقبلي مروري

وكل عام وانتِ بخييير..

اهلا ياتوتا دى تانى مره نتواصل فيها سوا وشكرا لمرورك والحمد لله ان الموضوع عجبك

كتبت بواسطة ماما الاء

شكراً حبوبة الله يعطيك الف عافية
وننتظرك دائما بكل ما هو جديد ومفيد

عفوا ماما الاء دا اقل واجب على فكره انا بحب اسم الاء دا جداااا وان شاء الله لو ربنا رزقنى ببنت اسميها الاء ...