الحمدلله والصلاة والسلام على رسول الله وعلى آله وصحبه أجمعين
اليوم حنزل وصفة سههههههلة و طعمها جووووووونااان خخخخخخخخخ
نبدا بالمقادير و الطريقة سوا مع الصور :-
اول شي بدنا نص كيلو كفتة ( لحمة مفرومة مع بقدونس مفروم و بصلة مبشورة و شوية بهارات و ملح)
بنشكلها بالإيد على شكل اسطوانة صغيرة و بنصفها بمقلاية كبييرة بدوووون زيت مراعاة لعدم تدلي الكرووش
بنشويهم و بنحركهم كل شوي لحد ما تنشف ميتهم و هيك بتكون اصابع الكفتة تقريبا شبه مستوية
بعدين بنحطهم بصحن بدون فاين المطبخ لئنو من الاساس ما حطينازيت
بعدين بنقطع حبتين بطاطا كبار لحلقات او انصاف دوائر ( حسب حجم حبة البطاطا ) و بنحطهم بطنجرة و بنحط فوقهم اصابع الكفتة
و بندير عليهم مي لتغمرهم بس مو تكترو كتير عشان ما تسير زي الشوربة
و بنشغل عليهم النار و بنتركهم ربع ساعة لحد ما تستوي البطاطا و تكمل الكفتة استواها
( بهالمرحلة انا ما حطيت خليط الطحينة عشان ازا طولت عالنار
حتنشف كتييير و تتبخر المي و بسير طعم الطحينة مررررر فيفضل انك تخلي البطاطا و الكفتة يستوو بعدين تديري عليهم الطحينة لياخدو نكهتها)
بعد ما يستوو بنحط بالخلاط طحينة ( عادة انا بحط بالنزر تقريبا نص كوب ) و عصير نص ليمونة
(في ناس بحبوها تكون حامضة كتير فزيدو الليمون ) و ملح و سنين توم كبار مقطعين و شوية هيل مطحوون و مكعب ماجي و بنخلطهم
بعدين بنديرهم عالكفتة و البطاطا و بنحركهم و بنوطي النار عالآخر و بنسيبهم ربع ساعة بالتمام مو اكتر عشان ما تنشف الطحينة
و بنطفي عليهم و بنحطهم في بايركس و بنرش عليهم فلفل اسود مطحون
و قدموها مع رز ابيض أو زينا إحنا الفلسطينية بنموووت بالتغميس هههههههههه
إن شاء الله تعجبكم حبيباتي
بنات *رتاج* اسمي في منتدى تاني
*طبق متميز*كفتة بالطحينة على قولتكم جوناااااااان ههههههههه بالصور
رد مع الاستدلال
الروابط المفضلة