مساء الجمال عليكن حبيباتى
من كام يوم نزلت الغاليه ام شادى صينية قرنبيط تحفه على الرابط ده:
http://www.lakii.com/vb/showthread.php?t=500853
بس انا لقيت ان طريقتى مختلفه حبتين صغننين فقلت انزلها برضه للإفاده وعلشان اورى الغاليه ام شادى شطارتى .....
الأول سلقت القرنبيط عادى جدا فى ميه وكمون


وبعدين حمرت شرائح بصل


وبعدين حمرت القرنبيط من غير ماحط عليه ولا حاجه وبعدين ضفته على البصل


وبعدين قطعت طماطم مكعبات وضفتها وكمان عصير طماطمتين وحطيتهم عليهم


وزودت ميه وماجى وقلبت كويس وهوب على الفرن


واكلناها هم هم مع رز أبيض


وبس كده
فيه اسهل من كده ؟

لا طبعا مفيش لا احلى ولا اسهل من كده
روووووعه يا كوكو تسلم ايدك

كتبت بواسطة noorelhoda

لا طبعا مفيش لا احلى ولا اسهل من كده
روووووعه يا كوكو تسلم ايدك

تسلمى انتى ياقمرايه يارب .... كلك ذوق والله .....

حلوة اوي وسهلة جدا يا كارمونة يا قمرة
بس انا بخاف من القرنبيط قوي عشان بيخرب بطني
بس طريقتك حلوة اوي بس خايفة تكون تقيلة على معدتي اوي
انتي ايه رايك انا بثق في ذوقك عشان لو كده هعملها علطول لان شكلها فوق الوصف ورائع

ايه الجمال ده حبيبتى
فعلا تحففه وانا بحب القرنبيط جداااااااااااااااا
تسلم الايادى يا قمرايه
وبالنسبه لاتنفاخات البطن من القرنبط
حطى ملعقه صغيره كمون وانت بتسلقيها يا رويدا
وان شاء الله كوكو تفدماااااااااااااااا

جميله جدا بس خايفه من وجع البطن

تسلم ايديكى يا جميلة
هو شكله حلو
بس للاسف




















































































ماليش فى القرنبيط خالص مش بحبه
بس من ايديكى حلو وحاكله اوعى تاكلى نصيبى

فكرة حلوة
والشكل شهي
تسلم الأيااادي

والله صينية تهبل ماشاء الله تفتح النفس وعلى فكرة حلوة اوي تحمير القرنبيط قبل وضعه في الصينية يتماسك ويديله طعم تسلم ايدك ياجميلة

radwa1981 ...... بصى ياجميله .... زى ماقالتلك شخبوطه وزى مانا قايله فى الأول عن سلق القرنبيط ... حطى ملعقة كمون مع مية السلق وكمان صفيه كويس من الزيت بعد القليه وكمان الطماطم مش متسبكه ماتقلقيش ان شاء الله تكون مش تقيله ولا حاجه وتعجبك .... والف هنا وشفا مقدما عليكى .....



شخبوطه الجميله .... طب مش كنتى جيتى اتغديتى معانا .... ماكنتش اعرف انك بتحبى القرنبيط اوى كده .... خلاص المره الجايه اجيلك زيارة بقرنبيطايه بدل بوكيه وردددددددد .......




marhba ...... ان شاء الله مافيش وجع بطن ولا حاجه .... والأكله حاتعدى بسلام .... بس زى ماقلت معلقة الكمون فى السلق وصفى الزيت كويس وماتسبكيش الطماطم قبل ماتحطيها على القرنبيطوالف هنا وشفا.....



جنى 23 ..... ياشيخه ..... فيه حد مش بيحب القرنبيط برضه .... اوعى تقولى كده قدام أحمد لا يطلع زيك .... ...




مصرانيه اصيله ...... تسلمى انتى ياغاليه يارب ..... بتسعدينى بكلامك....


تورتاية بالكريز ....... ياحبيبتى انتى اللى تهبلى بكلامك وصباحك السكر .... وفعلا التحمير قبل التسوية بيديله طعم مختلف تماما ..... والف هنا وصحه وعافيه عليكى مقدما .....