السلام عليكم حبيباتي اليوم حبيت نشارككم غذاي اللي نمووووووووووت فيه !!!!
والمرة الجاية حندير باااازين ونصورهولكم
إنتظروني
|
للبحث في شبكة لكِ النسائية:
|
وهج العطاء لركن المعجنات "مُبدعة صيف 1430هـ"
السلام عليكم حبيباتي اليوم حبيت نشارككم غذاي اللي نمووووووووووت فيه !!!!
والمرة الجاية حندير باااازين ونصورهولكم
إنتظروني
آخر مرة عدل بواسطة SwEeT BeBa : 16-11-2008 في 01:28 AM
زهرة لا تنسى
تسلم الايادي
بس يا ريت لو تعطينا المقادير لنتعرف عالوصفة أكثر
وهج العطاء لركن المعجنات "مُبدعة صيف 1430هـ"
كتبت بواسطة ●•°BaSmA°•●
شكرا لمرورك الطيب
مشكلتي اني مصورتش مراحل طبخها للأسف ولكن نعطيك المقادير : رشدة جاهزة
*للمرق:
لحم خروف
زيت زيتون _ملعقة سمن
بصلة صغيرة مفرومة
فلفل احمر مرحي -بزار - عود-ملح - قرفة-
طماطم معجون
لتر ماء أو أكثر
*البصلة البرانية :
4-5 روس بصل كبار شرائح
كوب صغير حمص
عود قرفة
*الطريقة :
بالنسبة للرشتة في اللي يعملها في البيت بماكينة خاصة ونظراً لانها تأخد وقت فنشروها جاهزة طبعا تحل من بعضها وعلي فكرة هي شبيهة بعجينة الكنافة بس علي اغلظ وتبوخ علي البخار في الكسكاس بكميات صغيرة حتي تنتهي .
وفي التبويخة الثانية تجهزي لحم الخروف (الضأن) حسب عدد الاشخاص تحطي في الطنجرة زيت الزيتون والسمن ورأس بصل صغير مفروم ومعاه اللحم وتحطيه علي النار يقلي وردي بالك يتحمر هلبة وبعدين تحطي الطماطم المعجون والفلفل الاحمر المرحي والبزار والملح وعود قرفة وتقليهم شوية وتصبي عليهم ماء لتر تقريبا وتتركيها علي نار هادية .وفي الاثناء تكوني حاطة الحمص في ماء يغلي علي النار حتي يستوي وتصفيه وماءه ممكن إضيفيها للمرق . ولما يغلي المرق تحطي الرشتة المبوخة في الكسكاس فوق الطنجرة وما تغطيهاش وخليها تبوخ هاذي التبويخة الثانية وبعدين تنزليها في صحن واسع وتحليها من بعض وخودي بالك لانها سخونة وبعدين انردها في الكسكاس ونضعها فوق المرق ونتركها حتي تستوي (بدون غطاء).
تو نجوا *للبصلة البرانية :في الأثناء نشرحوا البصل شرائح( طرنشات) ونحطه في طنجرة علي نار متوسطة ومعاه الحمص ونحركه كل شوي ولما نحسة ذبل نحط عليه ملعقة سمن ونقلب وبعدين الملح ثم نأخذ من المرق ونصب علي البصل حتي يتغطي تقريبا ولازم تتبقي عندي مرق ليستوي اللحم تماما وباش انحببوا بيها الرشدة بعدين ،وممكن انزيدوا فلفل وبزار وطماطم معجون علي البصل كان لون المرق خفيف ونتركها حتي يستوي البصل تقريبا .
وقبل ماتطفي علي النار غطي الكسكاس في الأخير لفترة بسيطة ثم إطفي علي النار.
*التقديم : حببي الرشدة بشوية سمن ومرق اللحم حتي يتوحد لونها وتشرب المرق والتحبيب بالأيد طبعا وبعدين نوزعها في الاطباق ونحط عليها البصلة واللحم وترش بقرفة مرحية حسب الرغبة وتقدم مع صلاطة خس
وبالهناء والشفاء
إن شاء الله أكون أفدتك حبيبتي
طباخه ماهره "لمسة إبداع"
تسلم ايدك سويت على الرشتة الجميلة
أنا أشتري الرشتة جاهزة ولكن كنت أضع لها الحليب الساخن والسكر
أول مرة أعرف انه ممكن أطبخها بالصلصة واللحمة
شكلها رائع
تسلم ايدك
وهج العطاء لركن المعجنات "مُبدعة صيف 1430هـ"
شكراً علي طلتك الحلوة هادي الاكلة الفرست عندنا في ليبيا يعني تتقدم في المناسبات المهمة
شن رأيك تجربيها وتقوليلي
أكيد حتطلع حلوة من تحت إيدياتك
النجم الفضي
تسلم ايديك واضح انها لذيذة
لكن اية هي الرشتة؟ يا تري هي اللي شبه الاسباجتي في الصورة ولا هي شئ اخر
وهج العطاء لركن المعجنات "مُبدعة صيف 1430هـ"
حبيبتي الرشتة عبارة عن عجين مكون من دقيق وملح وماء وليه ليونةخاصة وتنحل بماكينة الرشتة او الباستا .
هذي صورة الرشتة
وهذي ماكينة الرشتة
وتسلمي علي الإطراء الحلو
النجم الذهبي
ياعيييييييييييييييييتي على الرشيييتة غير ياريتك اتصوريها كاااااااااملة مرة تانية والله اتهبببببببببببل اتهببببببببببببببل
تسلم الايديات
وهج العطاء لركن المعجنات "مُبدعة صيف 1430هـ"
تسلمي حبيبتي علي مرورك
أني مصورة الوصفة بدون خطوات لكن الصورة صار فيها خطاء وتوا عاودت تنزيلهم.
ولعيونك مرة ثانية انصورها كاملة
وهاذي أقرب
عضو نشيط
تسلم الأيادي روووووووووووووووووعه
أعضاء قرؤوا هذا الموضوع: 0
رد مع الاستدلال
الروابط المفضلة