*طبق متميز*خلطة ريجيمية ابداعية...هههههههه طبق من تنفيذي واخراجي
السلام عليكم اخواتي
طبعا اني بديت ريجيم قبل تقريبا 3 ايام ومن يومهة واني دااسوي اشياء غريبة وعجيبة خلطات من بلاد الواق واق هههههه بي المهم ميكون بيهة اي دسم عموما بوحدة من تجاربي اكتشفت تبسي بس للامانة طلع طعمة شهي جدا وحبيت انقلة الكم وهوة كالاتي:
المقادير:
كل انواع الخضار الي موجودة ومتوفرة اني استعملت :الفلفل.البصل.الشجر(الكوسة).البتيتة.الطماطة.فليفلة خضراء حارة.جزر
فلفل اسود.ملح.مستاردواي صوص عندك اني استعملت صوص هاواي جامايكي طعمة طيب كلش.شوية زيت زيتون
اصابع كباب او كفتة وهي عيارة عن لحم مفروم وفلفل اسود وملح واضفت قليل من البقصماط والصوص
هنا الخضروات مع الصوص
وهنا الخضرة مع اصابع الكباب او الكفتة
وهاي صورة اقرب
بعدهة ندخلة الفرن لمدة نصف ساعة تقريبا والنتيجة كالاتي:
طبعا اني كنت مسوية جنبه تمن باقلاء لزوجي وطريقة التمن مشروحة من قبل الاخوات العراقيات في المنتدى لكن اضفت الهة كرات اللحم
قدمت ايضا الى جانبة سلطة الخيار واللبن بالنعناع وزيت الزيتون
وهذا الصحن لاول رد والي يتاخر ميحصل شئ هههههههههههه
الف عافية حبيباتي
رد مع الاستدلال
.
الروابط المفضلة