بسم الله الرحمن الرحيم

والصلاة والسلام على رسول الله سيدنا محمد وعلى آله وصحبه وسلم

بما أنه الأكلة اسمها عيشة خانم

رح أحكي على طريقة حكواتي حارات الشام القديمة

كان يا ما كان في قديم الزمان

وفي سالف العصر والأوان

الست عيشة خانم

كان بينضرب فيها المتل

وبينحكى عنها بكل المجالس

هيدي عيشة خانم ومين أدها

عيشة خانم اللي دوخت كل أهل الحارة

وكانت مطلب كل رجال وأولاد الحارة من ست البيت تعملها

لك هيدي عيشة خانم ومين قدها

حسب ونسب وأصل وفصل

لكن شو

هيدي عيشة خانم والاتكال على الله

عيشة خانم طلتها بهية

عيشة خانم ريحتها شهية

عيشة خانم طعمتها مية مية

عيشة خانم بأيام الشتاء أحسن دوا

وبأيام الصيف تنويعة طبخ معتبرة ومفتخرة

عيشة خانم الكل شافها والكل حكا عنها والكل حبها كمان

بس اللي داء طعمها ما قام عن السفرة لحتى

اختفت عيشة خانم من أدامه وصارت ببطنه

لكن يا شباب هيدي عيشة خانم

ولأنه الطبخة عيشة خانم كان بدها كل هالبداية والمقدمة

لأنو برجع وبقول

هيدي عيشة خانم ومين قدها

ولأنو قصة عيشة خانم ما بتنتهي وكل ما فاتت على البيت

بيصير البيت بيضوج وبيلوج لحتى تنطبخ

فقررت محسوبتكم أنها تطبخها لأنو كل ما فتحت خزانة المطبخ

وشفتها مخباية بتزقزق معدتي عليها وبقول بكره بدي

أنشر ريحتها بالبيت وحطها على السفرة أدام العائلة الكريمة

وبلا طول سيرة يا سادة يا كرام يلا خلونا نبلش فيها:

عيشة خانم هي تسمية متعارف عليها بالشام لحبوب الفاصولياء العريضة

البيضاء، ويكثر طبخ هذه الطبخة أيام الشتاء نظراً لما تمد الجسم من طاقة

وحيوية كبيرة

حبوب الفاصولياء العريضة تأتي يابسة لذلك يجب نقعها ليلة كاملة قبل طبخها

ويجب مراعاة أن لا تكون حبوب الفاصولياء مكسرة أو متقشرة القشرة

تنقع حبوب الفاصولياء بواسطة غمرها بالمياه بوعاء عميق

وكلما نقص عنها الماء يصب عليها المزيد حتى تبقى مغمورة

تقريباً تحتاج لـحوالي 14 ساعة نقع

تصفى حبوب الفاصولياء وتغسل جيداً

نقوم بتقلاية البصل على النار مع الزيت النباتي

ونضع الملح والبهارات

نضع قطع اللحم مع البصل ونقلبها معه حتى يتغير لونها

ثم نصب فوقها مرقة اللحم التي جهزناها مسبقاً

يتم غلي الجميع لمدة عشر دقائق تقريباً على النار حتى تستوي اللحمة قليلاً

ثم نضيف فوقها حبات الفاصولياء العريضة والجزر المقطع

نستمر بغلي الجميع على النار حتى نتذوق حبوب الفاصولياء بأنها قد أصبحت طرية

بصراحة أنا بترك الطبخة كلها على النار الهادئة لمدة ساعتين إلى ثلاث ساعات

حسب سرعة استواء الفاصولياء ولكن يجب الانتباه لكمية المرق بأن لا تنقص

عن حبوب الفاصولياء واللحمة والجزر بل يجب أن يظل الجميع مغمورين بالمرق

عندما تستوي حبات الفاصولياء نقوم بوضع الكمية التي نرغب من معجون الطماطم

فهناك من يرغب بأن يكون المعجون قليلاً وهناك من يرغب بأن يكون أكثر

وهنا يجب الانتباه إلى أن إضافة معجون الطماطم يكون بعد استواء حبوب الفاصولياء

وليس قبل الاستواء لأن معجون الطماطم يمنع الفاصولياء من الاستواء بسبب حموضته

يتم تقديم عيشة خانم مع الرز الأبيض المطبوخ بالشعيرية

وهيك بتكون خلصت حكاية عيشة خانم على خير وسلامة إن شاء الله

وتفضلوا صورها للخانم عيشة خانم

ولا تنسوا الإضافات: فجل - فليفلة خضراء - بصل أبيض

وكلمة أخيرة بحب وجهها لعيشة خانم

نحنا أدك وأدود يا عيشة خانم
وتوتة توتة خلصت الحتوتة

يااااااااااااعيتي ياعييييييييييييني ياريتني انا اسمي عيشة ومن ادي ههههههههه

تسلم الاياااااااااادي انا بحبها هلللللللللللللللبة

تحياتي

تسلم دياتك عالطبخة الطيبة والقصة اللي بتاخد العقل
من يومين طبخت فاصوليا حب وهي بتشبهها كتير للعيشة خانم
إن شاء الله بدي اطبخ عيشة خانم بعد كم يوم لأنو شهيتيني ياها بهالموضوع الحلو
يعطيكي ألف ألف عافية غاليتي أم محمد

يسلمو يا عسل كثير بتشهى باب الحارة الجزء الرابع ههههههههههههه

يعطيك العافيه حبيبتي كثير روعه

جزاك الله كل خير

تسلم يدكِ غاليتي على الأكله الطيبه والشهيه وعلى طريقة السرد الشيقه

تسلم ايديكي
بس انا اول مره اعرف انه بينحط معها جزر بنطبخها لوحدها احنا مع لحمة وبس بالصلصه

ممممممممم ما اطيبها انا بحبها بس زوجي مابيحبها
ببقى اعزم حالي عندك يا حلوة
يسلمو هالديات

يسلمووووووووووووووووووووووووووووو

يسلموا دياتك اختي عاشقة الحلويات

شهتيني, ان شاء الله بجربها وبحكيلك كيف طعمها

شكلها مرة لذيذة ولونها من غير الصلصة احلى نقدرمانحط الصلصة