مع زحمة الالتزامات اليومية استبدلنا ادوات كتير في مطبخنا بحاجات احدث واسرع
يعني الهووون مثلا بدلناه بالكبة والفوود بروسسور
بس بصراحة اوقات بحن لاستخدامه يا تري مين زيي؟؟
والغريب بحس ان طعم اكلي بيه اجمل ؟؟
ياتري مين لسه بتستخدم الهووون ؟؟ وياتري ايه الادوات التانية اللي قربت تختفي من مطبخنا رغم مكانتها واهميتها في مطبخ امهاتنا ادعوكم للمشاركة و التعريف بهذه الادوات اللي اصبحت من تراثنا وذكرياتنا الجميلة

اومستنية الردود الحلوة المفيدة

اختكم ام مريم

والله موضوعك لذيذ

احنا لحد دلوقتي بنستخدم الهون كتير وخصوصا في دق التوم وخصوصا لو بالكسبره للملوخيه و السلق للقلقاس ، والهون بقي مكانه دلوقتي الكبه ، وتقريبا من الحجات برضه الي الناس ممكن تستبدلها المخرطه للملوخيه بقو يعملوها في الكبه اسهل مع ان المخرطه حاجه تانيه ، في حجات تانيه زي الاطقم الميلامين في كتير دلوقتي مبقوش يجبوه وبقو يستبدلوه بالاركوبال والصيني وغيره انا شايفه انه مهم جدا في البيت وخصوصا لو في اطفال وبيبقي عملي جدا وكمان في العشاء بيكون مختلف عن الصيني وكده

بجد موضوعك لذيذ وياريت الكل يشارك وليا رجعه تاني علي الموضوع ان شاء الله للموضوع

تسلمي

nonamooعندها حق وانا بقرا رسالتك جه في بالي الهون والمخرطة واهي سبقتني وقالتهم وزيدي عليهم المبشرة اليدويه الفود بروسيسور بقي ليه ملحق بشر
مين يزود؟؟؟؟؟؟؟؟؟؟؟؟؟؟؟؟؟؟؟

موضوع جميل
فعلا في أدوات كتير استبدلت بأدوات حديثة لكن بعض الأدوات القديمة ممكن تكون أفضل
و في حال انقطاع الكهرباء وانا باطبخ لا غنى لي عن استعمال الأدوات القديمة

بالنسبة للملوخية أنا مازلت اخرطها بالمخرطة ولا احبها أبدا بغير هذه الطريقة



أما الهون فالثوم المدقوق فيه بيكون أفضل في حالة تتبيل السمك
وتقلية المولوخية لكى تندمج الكسبرة مع الثوم بصورة أفضل



أما مصفاة الطماطم فما زلت أستخدمها ولكن ليس للطماطم ولكن للعاشورة كمام في الصورة وأحيانا لتصفية الفول المدمس وشوربة العدس بتكون لذيذة جدا واحلى لما اصفيها بهذه المصفاة



أما الغربال فكانت امي وجدتي يستخدمونه في عمل الكسكسي
أما الأن فنستخدم الة الكبة




الشىء الوحيد اللي أبدا ما استخدمته هو بابور الجاز وبصراحة البوتاجاز طبعا أفضل منه

موضوع حلو ما شاء الله

صحيح احنا وصلنا للدرجة من التطور وبدا يفقد الهون استعمالاته السابقة بس بصراحة انه الطعم به الذ خصوصا التقليات لبعض الاكلات متل الملوخية البامية و للسمك متل ما قالت روزا واحنا عنا بفلسطين بنستعمل هون فخار و بندق فيه سلطة خضراء وبيعطينا طعم رهيب وانا متل روزا ايضا الملوخية بدون مخرطة عادية ... ما بتدخل مزاجي ... ممكن تكون لذيذة بس الشكل والقوام و الطعم غير اكيد لو عملناها يدوي و تكون تقلية التوم ايضا يدوية .... علشان كدة اكلات جداتنا نكهتها غير و طعمها لا يعلى عليه

كان بينهم وبين الهون ... غزل ... صحيح متعب بس لذيذ ههههههههههههه

تقبلي اختي الكريمة مروري والف شكر حبيبتي

موضوع جميل عزيزتي أما عني فلا زلت أستعمل يد الهاون كما نسميه في دق الثوم والبهارات وحتى في واحد مخصوص عندي للمكسرات أجده أسهل لي من الآله الكهربائيه

وكماذكرت الأخت روزا لازلت أستعمل المخرطه للملوخيه وكذلك للبقدونس والنعناع للتبوله

جزاكم الله خيرا جميعا علي ردودكم الحلوة

شكرا عالموضوع الجميل ده ان هنا اهو في كندا وعندي الفود بروسيسور لكن جبت الهون
وما زلت استخدمه خاصة للتتبيلة السمك مش حلوة من غيره وكمان تنظيفه سهل لانه صغير الحجم وكمان لو هاستخدم فصين توم بس للطحينة مثلا مش معقول هاستخدم الجهاز الكبير
اكيد الهون اسهل وباستخدمه في طحن الكزبرة الناشفة او الكمون لما اكون عايزاها نصف سليمة مع اني عندي مطحنة
اما المخرطة اكيد اتفق معكم الناس ما زالت تستخدمها والملوخية بها اطعم

كمان مفرمة الطعمية واللحمة القديمة فاكرينها الفود بروسيسور حل مكانها الا في تشكيل بسكوت العيد اللي بالنشادر ما زالت ماما بتستخدمها في عمله

يا تري اية تاني ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟