صباح الجمال ياجميلات
ماما الاء اختنا العزيزه كانت طلبت تشوف عمايل الممبار وكباب الحله
وانا طبعا ماقدرش اقول لأ احسن تزعل .....
ولجل عيونها وعيونكن جميعا عملت الإتنين
وحابتدى بكباب الحله ....
الأول جبت لحمه بتلو يعنى لحمة عجل وقطعتها مكعبات متوسطة علشان تستوى أسرع
وجبت بصل كتييييييييييير وقشرته وغسلته
وقلبت اللحمه الأول على النار فى السمن لحد ماحمرت شويه نزلت عليها بالبصل
وفضلت اقلب لحد البصل مادبل وابتديت احط ميه شويه شويه وكل ماتشرب الميه ازودها
ولغاية ماستوت تماما حطيت الملح والفلفل والف هنا وشفا
نيجى للممبار وكان فيه موضوع حلو اوى عنه اعتقد ان اللى كانت منزلاه ياإما الزينب ياإما أم شادى ....
بس انا حاقول على طريقتى
الممبار اهو متنظف وزى الفل وهو طبعا بيتكحت بالسكينه من جواه علشان كل اللى جواه يطلع وبعدين يتنقع فى ميه وخل وملح ويتقلب تانى بس انا خالتى بتنظفهولى ......
وآدى الخلطه بتاعتى اللى انا كالعاده باحط عليها ليه
وآدى وانا فاتحه الممبار وباحشيه
بس اهم حاجه انه مايتمليش علشان الرز بتمدد وعلشان يبقى شكل الممبار حلو مش تخين
وآدى بعد ماتحشى
وبعدين سلقته عاااادى جدا وحمرته
وآدى شكله بعد التحمير
والف هنا وشفا
الروابط المفضلة