₪طبق متميز₪اول موضوع ليا.. رول الفيليه بال
بسم الله الرحمن الرحيم
السلام عليكم
طبعا بقالى زمن متابعاكم بس دى اول مشاركه ليا
يا ريت تعجبكم
اول حاجه حنحتاج
سمك فيليه باسا ابيض
( النوع دا كويس خالص او اى حاجه المهم تكون الشريحه بطول السمكه )
جمبرى صغير مقشر
البهارات :
1 ) كارى . زعتر مطحون . كمون حب . و خلطه بهارات بستخدمها ف اغلب اكلى( فلفل اسود- كزبره- ورق لورى- حبهان- زعتر - زر ورد- جوزه الطيب - كبيبه صينى- كارى- روز مارى )
ودول مقدار معلقه صغيره
و ربع معلقه فلفل احمر شطه و جنزبيل و سكر
2 ) روزمارى و زر ورد
نص راس توم او زى ما تحبى
معلقه و نص كبيره قشطه
زبده او زيت زيتون
الخطوات
على النار فى حله حطى زيت الزيتون يسخن شويه صغيرين و ضيفى المجموعه الاولى من البهار
مش وقت كتير اول ما الريحه تبان يعنى مش حيكمل دقيقه
و ضيفى الجمبرى
و يتقلب خمس دقايق
انا كان مجمد فنزل ميته و ممكن تزوديله نص كبايه ميه
اول ما يغلى تضيفى القشطه و الملح طبعا و اربع فصوص توم مهروسين و ربع معلقه السكر ( بجد بيظهر طعم الاكل)
و يتقلب كويس و يتساب 10 دقايق على نار مش عاليه
فى العشر دقايق دول
تحطى شريحه السمك بين كيسين و تدقيهم بسيط لبره علشان متبقاش غليظه و تتفرد شويه و نرش عليها كلها شويه ملح
بعدها نجيب الجمبرى اللى حيكون لسه فى ميه حنستخدمها بعدين
و نحط شويه قد معلقتين كبار و نلف شريحه السمك زى الرول
كل دا على و رق فويل او الومينيوم مدهون بزيت زيتون او زبده
و عليها من بره نحط توم مهروس و روز مارى سليم ( ساعه الاكل شليه من على الوش قبلها ) و الورق بتاع زر الورد و رشه بسيطه كمون مطحون
و يتلف فى الفويل
و فى صينيه مدهونه بشويه زيت ضغيره تحطيها
و فى الفرن 20 دقيقه
بعد كده تفكيها من الفويل بعد ما تهدى شويه
و حطيها فى الفرن و شغلى الشوايه علشان الوش يحمر و تجف شويه
و بعدها قطعيها شرايح
الصوص اللى كان فيه الجمبرى سبيه على النار يغلى شويه و بعدها ممكن تحطيه على السلطه او على الشرايح نفسها
كل طبق حطيت فيه الشرايح كده و بطاطس محمره و سلطه عليها الصوص
و نسيت اصورها
و بالف هنا و شفا
رد مع الاستدلال
كتبت بواسطة MARWA M
الروابط المفضلة