السلام عليكم....
انا اول مرة اكتب مشاركة هنا و يا ريت افيدكم
الطريقة دي حلوة اوي و طعمها حلو و سريعة:
هاتجيبي فرخة و تقطعيها اربعة لو صغيرة و لو كبيرة ممكن تقطعيها تمانيةوطبعا تتغسل كويس و تسيبيها في مصفاة تنزل دمها
تجيبي علبة زبادي و تحطيها في صينية و عليها 4 ملاعق خل و ملح و فلفل و بهارات دجاج و ملعقة روزماري(لو مش موجود مش مهم بس هو بيدي طعم حلو و متوفر في كل السوبر ماركت)و ممكن تحطي زعتر اخضر وسماق وتخلطيهم كلهم مع بعض كويس و بعدين تجيبي الفرخة وتحطيها حتة حتة في الخليط من الوش و الضهر و بعدين ترصيها في نفس الصينية و تحطيها علي نار عالية في الاول لحد ما تغلي شوية و بغدين توطي عليها وتقلبيها لحد ما تستوي ولو نشفت من غير ما تستوي ممكن تحطيلها شوية ماء صغيرين لحد ما تستوي و تتحمر شوية وتطفي عليها وتقدميها و الصوص بتاعها بيبقي حلو اوي و بالهنا و الشفا
يا رب تعجبكو بس يلريت اللي تجربها و تعجبها تعرفني بس.......باي
الروابط المفضلة