عاملين ايه يا كتاكيييييت
اول يوم العيد كان اكل بحرى ,, كالمارى و سمك مقلى و الكلمارى كان صنفين مقلى و صينية فى الفرن و محشى رز , و الصورة توضح اكتر

السمك فيليه و متبل و بعدين قليته فى دقيق درة صفراء.
و الكاليمارى المقلى طبعا مقطع و متبل و قليته بعد التغطية التالية : نشا و بعدين بيض و بعدين بقسماط.
و طبعا قلى فى زيت عميق. و المحشى عملت له ارز بالخلطة بحرى مع اضافة لوز و زبيب و كارى و كركم و حشيت به وحدات الكاليمارى و عملت صوص طماطم بالبصل و التوم و ووضعته على وحدات الكاليمارى و دخلته الفرن و كان ده شكله النهائى.
اتمنى انه يكون عجبكم .

كل سنة وانت طيبة
ممكن سؤال
الكاليمارى نئ ولا مستوى عند الحشو
وبد الحشو كيف تسوية الرجاء التفصيل
لان شكله رائع للتقديم وفكرة جميلة
وجزاكى الله خيرا

الكالمارى بيكون نى و بعدين بحشيه و بقفله بخلة اسنان و ارصه فى قالب بايركس و اغطيه بصوص الطماطم اللى طبخته لحد ما تقل على النار و بعدين يدخل الفرن و خلاص و لو لسه عندك سؤال انا حاضرة , مفيش مشكله.
شكرا ليكى و جزانا الله و اياكم

ايه الجمال ده كله ماشاء الله

انا مش بحب الكاليماري بس شكله بيفتح النفس اوي المحشي بس جوزي بيحبه ابقي اعملهوله بالطريقه الجديده بس مش عارفه يعني ارصه في الصينيه واقفله بالخله وبعدين احشيه وبعد لما يستوي الحشو مش هيقع؟؟؟؟ ده تقصديه في ردك ولا ايه؟؟

بس عموما تسلمي علي الطبق الشهي الجميل ده

الف صحه وعافيه يا رب على قلب كل حد اكل منه
يسلمووووووووووو حبيبتي

كل سنه وانتي بالف خير يا شوشو وربنا يتقبل منا ومنكم بس ايه الجمال دا كله تسلم ايديك اكلتو زينا سمك احنا كمان اكلنا زي طبق السمك اللي نزلته في المسابقه
بالهنا والشفا عليكم

ماشاء الله حبيبتي منيو رائع ومقدم بفن وشياكة ماشاء الله عليك
الف صحة وهنا وعيد سعيد يارب عليكي وكل حبايبك

تسلم ايدك ياجميله ..... اكله تفتح النفس بصحيح .....

يسلمو اديكي حبيبتي ..
ما شاء الله شهي جدا

تسلمين عزيزتي على الوصفه الطيبه وكل عام وانتِ بخير