ازيكن بنوتات لك
انا قلت اجمع لكن كل الأطباق مع بعضها واخلى الشوربات مع بعضها والحلويات مع بعضها للتسهيل عليكن ( ده اذا كنتن حاتفتحوا موضوع سفرة كارمن تانى من أصله ...... )
حابدأ بالترتيب :

أفخاذ دجاج كدابه وطريقتها كالآتى :
نعمل باشاميل سميك شوية بتسييح الزبد

نضيف الدقيق ونقلب جيدا

نضيف اللبن

نتركه حتى يغلظ قوامه

نقلب بصله مفرومه ناعم على النار فى قطعة زبد

نقطع صدور الدجاج إلى مكعبات صغيرة

نضيف الدجاج على البصل ونقلب

نخلط الدجاج مع الباشاميل ونضبط الملح والفلفل

نطحن كورن فليكس خشن

نجهز الدقيق والبيض والبقسماط

يصبع الخليط على هيئة أفخاذ الدجاج ويوضع بكل قطعة إصبع مكرونة فرن لإعطاء الهيئة وتوضع فى الدقيق ثم البيض والبقسماط

ودى المجموعة كلها

وهنا بعد التحمير مع قطعتين سمبوسك
[/quote]



كسكسى حادق :
والكسكسى أنا باجيبه جاهز من واحدة بتعجنه وأنا يادوب بافوره شوية على قطعة قماشة وحمام مائى

وآدى الكسكسى فى الطبق وعلية رشة سمن وملعقتين شوربة

وآدى اليخنى اللى بيتقدم معاه وهو عبارة عن جزر وكوسة وبطاطس وبصل وعصير طماطم وكله يتسبك مع كله وتوابل ملح وفلفل وعين جرادة وجنزبيل وقطعة ليه لزوم الريحه
[/quote]


للموضوع بقيه استنوا

صينية فراخ على طريقة تغريد:
والمقادير اللى استعملتها ::
فرخة مقطعة
2 بصلة كبيرة مقطعة شرائح
1 فلفل رومى مقطع شرائح
2 حبة طماطم كبيرة مقطعة حلقات
وماستعملتش بطاطس
ملح وفلفل وبهارات وماجى
سمن
كوب ماء

والطريقة :
ادى الفراخ المقطعة فى الصينية

وآدى الخضراوات وعليها الملح والفلفل والبهارات

وادى كله اتدعك مع بعضه كويس علشان النكهة وفى الصينية

وادى بعد ماحطيت السمن والمايه والماجى

ودخلتها الفرن وغطيتها شوية لحد مابتدت تستوى كشفت من عليها الغطا وآدى شكلها بعد ماخرجت من الفرن

وبجد تسلم إيديكى تغريد2007[/QUOTE]




رز أبيض وحاوريكم أنا باعمله إزاى :
الأول باحمر الشعرية فى السمن

وبعدين باغسل الرز واسيبه يصفى شويه وبعدين أحطه على الشعريه وأقلبه

وبعدين أحط الميه فوق الرز تقريبا ب 2 سم ومعاه مكعب ماجى بتاع بهارات الرز

واسيبه لغاية اما يغلى اروح موطيه النار خالص لحد مايتشرب على الهادى ويستوى

وبالهنا





عملت صينية بطاطس
المقادير :
2 حبة بطاطس كبار
1 بصله شرائح
1 فلفل رومى شرائح
2 طماطم وسط حلقات
2 فص ثوم مفروم
سمن
ملح وفلفل
ماء وماجى

الطريقة :
الأول حطيت شرائح البطاطس مع فصين الثوم المفروم فى السمن وهات ياتقليب

وبعدين حطيت الخضار

وبرضه هات ياتقليب فى السمن

وبعدين اما الخضار يدبل خالص نحط الميه والماجى

ونسيبها من فوق البوتاجاز شويه وهيا حاتستوى بسرعه لأننا هريناها تقليب ونروح مولعين عليها الشوايه بتاعة الفرن ونحمر وشها

وكلى أحلى صينية بطاطس ..... يم يم[/QUOTE]

وعملت بفتيك وطريقتى فيه الآتى :
الأول نقعت شرائح اللحمة فى اللبن الحليب والبصل والخل والليمون والملح والفلفل

وبعدين طلعتها وحطيتها فى الدقيق ثم البيض ثم البقسماط وحمرتها



لفائف الدجاج المحشية بسطرمة للأخت كوسة وبط بس كالعادة لازم أخترع حاجه بس طلعت خرااااااااااافة ..... طعمها يهبل ..... أنصحكم بجد تجربوها .... سهلة وشكلها حلو وطعمها يجنن
المقادير زي ماقالت بطوطة فى الرابط ده :
http://www.lakii.com/vb/showthread.php?t=479273
فراخ بانيه
بسطرمة
جبنة مثلثات بس أنا حطيت شرائح شيدر بدل المثلثات
وزودت كمان لحمة مفرومة معصجة بالباشاميل وقطع الطماطم

الطريقه
أنا غيرت فيها شوية وحاقول لكم إزاى
الأول دقيت الفراخ

وبعدين حطيت اللحم المفروم المعصج المخلوط بالباشاميل وقطع الطماطم (والخطوة دى من عندى )

وبعدين شرائح الشيدر ( ودى كمان من عندى )

وبعدين البسطرمة

وبعدين لفيت كويس

نيجى بأه للتسوية
بطوطة حمرتهم وأنا ماكنتش عاوزه أحمرهم قمت حطيت شوية زبد صغننين أوى على الفويل اللى حالف بيه اللفائف

وبعدين لفيتهم كويس ودخلتهم الفرن

وآدى شكلها بعد ماطلعت من الفرن وفتحت عليها الفويل

ورحت مقطعاها من النص بالورب علشان يبان شكل الحشوة

بجد طعمها خرافة وشكلها خرافة.....
تسلم إيديكى بطبوطة[/QUOTE]


للموضوع بقية استنوا

فتة شاورما فراخ ودى عملتها كالآتى :
الأول قطعت حوالى 3/1 ك فراخ فيليه لشرائح رفيعة

وبعدين نجهز خليط النقع اللى هو عباره عن زبادى وخل وليمون وملح وفلفل وزيت

ونخلط الفراخ كويس معاه ونغطيهم ونسيبهم فى الثلاجه قدر المستطاع

وبعدين نطلعهم وعلى نار عاليه نقلب لحد ماينشف كل الصوص نضيف واحده فلفل رومى شرائح وواحدة طماطم كبيرة مقطعة مكعبات

ولحد مايدبل الخضار نروح ضايفين ملعقة خل كبيرة وطافيين النار ومقلبين كويس ومغطيين
وبعدين نحمر عيش

ونحمر مكسرات حسب الرغبة

نجهز الصوص بخلط ملعقة مايونيز كبيرة مع ملعقة طحينة كبيرة

نضيف عصير ليمونه وملعقة كبيرة خل وملح وفلفل وماء حتى يصبح القوام وسط

دلوقتى بأه نحط العيش فى الطبق ونسقيه بالمرقه الساخنة ونرش شوية من الصوص ونغطيه شويه

نضيف الرز

نضيف الشاورما

نضيف الصوص والمكسرات

وكده الفتة جاهزة


محشى مشكل

وطريقته هنا
http://www.lakii.com/vb/showthread.php?t=477772


لسه

مكرونة بيتزا

الأول نعمل صوص البيتزا وانا باعمله بخلط فصين ثوم مهروسين على النار مع شوية زيت لحد مايشقروا اروح ضايفه ملعقتين صلصة وملعقة كاتشب وشوية ميه ورشة زعتر واطفى


نسلق المكرونة حوالى 250 جم

نجهز صوص خلط المكرونة بخلط ملعقه كبيرة من كل من : قشطة ، جبن كاسات ، مايونيز


نخلط المكرونة مع الخليط فى صينية الفرن

نضيف صلصة البيتزا على الوجه وبعدين الجبن المستخدم ( انا استعملت شرائح شيدر وموزاريللا ورومى مبشورين )




نخلط بصل مقطع وطماطم مكعبات بدون البذر وشرائح فلفل رومى وبسطرمة مقطعة مع بعض وعلى النار مع ملعقة زيت حتى تذبل قليلا


نضيف شرائح الزيتون بعد مانرفعها من على النار


نضيف الخلطة على وجه المكرونة


نضيف مجموعة الأجبان ثانية


تدخل الفرن يادوب تسخن وتذوب الأجبان وبالهنا



وعملت كمان رز صياديه
بصل وزيت

ولحد ماحمرت قوى

حطيت الرز المغسول

وقلبت شويه بعدين ضفت الميه فوق الرز بحوالى سم ونص

وحطيت ملح وفلفل وكمووووووووون

وابتدى يغلى

رحت موطيه النار خالص وسبته يستوى على الهادى

وآدى شكله فى الطبق



وبسله بالجزر كالآتى :
حمرت بصلايه فى شوية زيت

وبعدين حطيت الطماطم المعصورة وسبتهم يتسبكوا

وبعدين زودت شوربة وزبطت الملح وحطيت كيس البسله بالجزر وسبته يستوى

يعطيك العافية حبيبتي على الملف الحلو
وان شاء الله بميزان أعمالك....

سمان محشى فريك


وده الرابط بتاعه
http://www.lakii.com/vb/showthread.p...39#post6784039





صينية باذنجان الحقيقة كنت باعملها لأول مره بس طلعت خفيفة ولذيذة :

وده الرابط بتاعها
http://www.lakii.com/vb/showthread.p...76#post6787576


وعملت كباب حلة كالآتى :

الأول قلبت كيلو اللحمه المكعبات مع فصين مستكه فى الزيت


وبعدين قطعت 3 بصلات كبار وحطيتهم عليها وقلبت وحطيت فلفل وبهارات


ولغاية مانزلت ميتها وشربتها ابتديت اسقيها ميه حبه حبه


ولما قربت تستوى حطيت الملح وشويه وغرفتها وكده تمام


معلش حاتلاقوها غامقه شويه علشان البصل اتحمر جامد ( احنا بنحبه كده )

كبسة



http://www.lakii.com/vb/showthread.php?t=489498


صينية محاشى فى الفرن على طريقة تغريد


http://www.lakii.com/vb/showthread.p...30#post6800030


محشى بصل يم يم


http://www.lakii.com/vb/showthread.p...64#post6800064


وكل رمضان وانت بخير يارب

يا عمى إيه الشغل ده كله
ما شاء الله عليكى
تسلمى ومنتظرين الباقى

سلمت يداكِ عزيزتي على الوصفات الطيبه والشهيه وكل عام وأنتِ بخير