بسم الله الرحمن الرحيم
أول مشاركة لي بالمنتدى كانت هالطبق بس وقتها ما كنت عاملته و شاركت بالوصفة بدون صور لذلك البنات مو كتير انتبهولوا
بما أني عاملته الآن حبيت تشوفوا
بصراحة طيبة و سهلة و صحية ، ان شاءالله تعجب الحبايب
رغود بلا كتر حكي
هاتي المفيد..
من عيوني
1- المكونات:
كيلو و نصف لحم دجاج مفروم ناعم
نصف كوب زيت زيتون
3 أكواب برغل ناعم مغسول و مصفى
1 م ك كزبرة يابسة
1 م ك سماق
ا م ص كمون
نصف كوب بصل مفروم للحشو
بصلة صغيرة للبرغل
1 و نص كوب جوز مفروم
2 م ك صنوبر( اختياري)
ملح..فلفل أسود..بهار
الطريقة:
*في مفرمة اللحمة نخلط لحم الدجاج و البرغل و البصلة و الملح و البهارات و الكمية حسب الرغبة
و نضيف الكزبرة اليابسة و نعمل هالشي عدة مرات متل الكبة العادية حتى تتشكل لدينا عجينة الكبة المتماسكة و ممكن نضيف القليل من الماء لما نلاقيها ناشفة.
* نحضر الحشو:
-نضع ربع كوب زيت في طنجرة و نضيف له البصل و لما يتحمر شوي نضيف الجوز المفروم و الكمون و السماق و الصنوبر.
* 
*ندهن قعر الصينية بالزيت و نفرد نصف كمية الكبة( سماكة نصف سم)
و نضع فوقها الحشوة
*الآن نضع فوقها طبقة مماثلة و نفردها بشكل جيد و نبلل ايدنا بالماء حتى ما تلصق العجينة فيها.
* نعمل على الوجه خطوط بالسكين و نصنع بالوسط ثقبا" لتسريب البخار حتى ما تشقق العجينة و ترتفع لفوق و ندهن الوجه بزيت الزيتون.
* ندخلها فرن متوسط الحرارة مدة (20-30) دقيقة بعدين نحمر الوجه شوي
و طبعا" شوربة العدس كتير طيبة جنب الكبة
زاد عندي شوي من العجينة عملتها اقراص و قليتها
على فكرة ممكن تعملوا منها أشكال الكبة المعروفة كمان لوحبيتوا و كانت جاية الهمة
و لما تقلوها لا تستنوا لتتحمر كتير
معلومكن لحم الدجاج أبيض و رح يستوي قبل ما يتغير لونه كتير
شوفوا كيف لونها فاتح
جربوها طيبة و مفيدة يلي ما بيحبوا اللحم الأحمر
بس ناشفة شوي لازم معها شوربة
₪طبق متميز₪كبة الدجاج..هالمرة بالصور..
رد مع الاستدلال
كتبت بواسطة soso22
الروابط المفضلة