السلام عليكم ورحمة الله وبركاته
عندى طلب
عايزه أعمل بطاطس وكوسه محشيين لحمه مفرومه
أعملهم ازاى
انا عندى حوالى8بطاطسيات و6كوسيات
ونص كيلو لحمه مفرومه
أعمل ايه بقى
قولولى بقى انا مستنيه عشان ألحق اعملهم على الفطار
ان شاء الله
نسيت اقولكم حاجه
اعمل معاهم ايه وللا كده كفايه
اصل اللى هاياكل انا وجوزى بس
وبصراحه هوه اللى طلبهم
وانا خيبه

أول شيء بتقلي بصلة مفرومة بالزيت...ثم تضيفي عليها اللحمة المفرومة و الملح و البهارات...و شوية عصير طماطم...لحد ما تستوي نصف سوى اللحمة المفرومة
وبعدين بتجيبي البطاطس الصغيرة...حاولي يكون شكلها مدوّر...و تقشريها...ثم تقوريها من الداخل بحيث يكون حجم جدار البطاطس تقريبا نصف سم...بس الباقي من تقوير البطاطس ما ترمي...لأننا بنحتاجه
وبعدين بتقوري الكوسى و بعدين... بتسخني زيت كتير...و تقلي البطاطس والكوسى لحد ما يبقي لونها ذهبي بس...
تبدأي عملية حشو البطاطس والكوسى باللحمة المفرومة...و في البداية...تضعي في قاع البايركس باقي تقوير البطاطس مع شوية لحمة مفرومة...ثم ترصي البطاطس والكوسى المحشوة.
في الخلاط...تضربي 3 حبات طماطم...مع البهارات...مع فص ثوم...و كوب شوربة علشان الطعم...و لو ما عندك ممكن تستعملي مكعب ماجي...و تصبيه على البطاطس والكوسى...
تغطي البايركس بورق الفويل...و تضعه في الفرن تقريبا مدة ثلاثة أرباع الساعة...لحد ما تنشف الصلصة...ثم تفتح الفويل و تحمري من الأعلى...

وألف صحة وهنا...

الله يكرمك حبيبتى
هاقوم ابدأ فى التجهيز
جزاكى الله خيرا
ووفقك لما تريديه

ما شاء الله وصفة الاخت ندوون روعة

او اذا بدك اعملي حشوة رز ولحمة وشوية زيت وملح وبهارات وفلفل واخلطين مع بعض واحشي الخلطة وخلين يغلوا على النار وبعدين ليقربوا يستوا حطي صلصلة بندورة..

كتبت بواسطة yara.yara

الله يكرمك حبيبتى
هاقوم ابدأ فى التجهيز
جزاكى الله خيرا
ووفقك لما تريديه

تكرمي يا حبيبتي وألف صحة وهنا.

واو الطريقة دي جميلة جدا و دي اللي بعملها بالظبط

خلاص مش ححتار لفطور بكرا ان شاااااء الله
فكرتك هايله

عملت البطاطس والكوسه وعملت جنبهم بوفتيك واو
عجبوا جوزى جدا وقاللى ماعملتيش كتير ليه هههه
انا كنت فاكره انه هاياكل زى كل يوم قليل جدا عشان احنا فى صيام وكده
بس ماشاء الله الاكل كله خلص
شكرا لكى نادوون
وشكرا للى دخلوا وردوا

بتمنى انك استفدتي من الصبايا
واحنا بعد استفدنا ههههههههههههه

الحمد لله استفدت كتيييييير
شكرا لمروركم