مرحبا للكل و الو شي كل عام وانتم بالف خير بمناسبة شهر رمضان المبارك
عندي سؤال لو سمحتوا عن عجينةة الشوشبرك كيف يتنعمل وشو المقادير و كيف بتنلف
انا كتير بحبه خصوصا في رمضان بس للاسف ما بعرف كيف بنعمل

ما حدا جاوبني

اهلا ام البوبو العجينه سهله وهي 3 اكواب طحين ابيض
رشه ملح ماء للعجن تقريبا كوب ونص بدك 2 زيت نباتي وتعجن كويس هلا بتخليها لترتاح وبعدين بترقيها وتعمليها بالفنجان وممكن متل ما نزلت الاخت رند عن الاله بتقدري تابعيها واهلاااااااانا برقها علي كميه من النشا افضل بالشوبك انتظري رح انزل الوصفه كامله باذن الله

السوسنة السوداء حبيبتي يسلوما هالايدين والله طلعت العجينة سهلة انا فكرت انها قصة انشاء الله بجربها وبقلك
وانشاء الله رح استنى كمان لما تنزلي الوصفة كاملة اضمن
يسلمواااااااااا حبيبتي على الرد

مرحبة اخت ام البوبو انا فلسطينية وبتعرفي احنا النا روح حلوة في الطبخ بس يا رب تعجبك طريقتي في الشيشبرك0 مقادير العجينة 3 كوب كبير طحين و1 ملعقة كبيرة ملح ومقادير الحشوة نص كيلو لحمة ناعمة مفرومة و3 حبات من البصل حجم وسط وبهار مشكل حسب ما انتي بتحبي و2 ملعقة صغير ملح0 ومقادير الطبخ النهائي 1 قرص لبن وسط يطحن ناعم وينقع بالماء الساخن ويوضع على جنب0و1 كوب كبير من الارز وينقع ويوضع على جنب0وهلاء يا ستي العزيزة طريقة التحضير000 بنجيب مقادير العجينة وبنعجنها لتصير متماسكة جااامدة وبنوضعها على جنب لمدة ساعة حتى ترتاح0 وبعدين بنيجي على الحشوة بنحضر البصل ونفرمة فرم ناااااعم وبنوضعة في القلاية مع زيت الزيتون وبنقلبو لحتى يتذبل ويصير لونو ذهبي ونضيف علية اللحمة وبنضل نحرك فية لحتى يتغير لونها وتتنشف من ميتهاوبعدين بنضيف علية البهارات المشكلة والملح وبنخلية لمدة ربع ساعة يتقلبوا وبنتركها لحتى تبرد0هلا بتكون مدة العجينة انتهت بنحضرها وبنقطعها لقطع صغيرة وبنجيب المرق او الشوبك وبنرقها لحتى تصير رقيقة وبنحضر اداة المشراط الي تقطعها لدائرةمثل حجم فنجان القهوة الصغير ونحضر الحشوة الباردة ونضع في كل قرص بمقدار ملعقة صغيرة لحمة ونمسك بها ونكبسها متل حبة القطايف وبنلفها كمان لفة ليصبح منضرها دائري جميلوبعد الانتهاء بنحطهم في صينية وبنحطهم في الفرن للتحمير البسيط حتى يطير منضرهم في الاكل اشهىوهيك احنا خلصنا من طريقة العمل لتجهيزها هلاء طبخها اول شيء يا ستي العزيزة والحكي للجميع وتهونن يا حلوات بنجيب اللبن الي نقعنا وبنحطو في الخلاط الكهربائي وبنخلطو منيح وكمان كاسة الرز بنصفيها من ميتها وبنجهزهم على جنب للطبخوهلاء0يا اختي بنجيب طنجرة وبنوضع فيها خمس كاسات ماء وبنتركها لحتى تغلا وبنضيف عليها اللبن والارز وبعدما يستوي الارز بنضيف الهم اقراص الشيشبرك الشهية مممم وبنصير نحركهم بعدكل وقت والتاني ولمدة نصف سااعة وبنجيب سن هالثوم وبنفرمو ناعم وبنقلية بهالزيت وبنضيفو الو ويا سلام ما اطيب واشهى ريحتو بعدهيك ما ر ح تقدري اتقاوميةوبتقدمية وهو ساخن انا بشوفو ازكا وصحتين والف عاااافية ورمضان كريم وادعولي ربنا يرزقني انا وزوجي ويسدد عنا الدين ويا ريت ما اكون طولت عليكي بس انتي بدك تفصيلي والسلام عليكم ي

حبيبتي الخالصة لله اول شي يسلموا ايديكي بعدين طلعنا قرايب انا كمان فلسطينية و كتير باركلها عند خاله لالي بتعملها مع كبه كمان بس دايما بنسى اسألها عن الطريقة قد ما بكون مندمجه بالاكل هههههههههه
يسلموا ايديكي و اكيدرح اعملها بس احنا منستعمل بدل اللبن الي قلتي عنه لبن نعاج ولبن مخيض وكمان طعم اللبن بكون زاكي
ويسلموا كمان مرة حبيبتي

اختى الغاليه مرحبا بك وكل عام وانت بخير

هى طريقه الشيشبرك وموضوعى لادات الشيشبرك

http://www.lakii.com/vb/showthread.php?t=300048

http://www.lakii.com/vb/showthread.php?t=476813

هون ملفى لكل الاطباق الرئيسيه وممكن تشوفى الشكل

http://www.lakii.com/vb/showthread.php?t=347879

دمتى بخير

كتبت بواسطة randd

اختى الغاليه مرحبا بك وكل عام وانت بخير

هى طريقه الشيشبرك وموضوعى لادات الشيشبرك

http://www.lakii.com/vb/showthread.php?t=300048

http://www.lakii.com/vb/showthread.php?t=476813

هون ملفى لكل الاطباق الرئيسيه وممكن تشوفى الشكل




http://www.lakii.com/vb/showthread.php?t=347879

دمتى بخير

يسلموا ايديكي يا رب عنجد كتير استفدت وانشاء الله رح اطبقها هاليومين وافرزها عشان رمضان الله يجزيكي كل الخير