السلام عليكم ورحمة الله وبركاته

معلش سامحونى زهقتكم من اسئلتى الكتيره

اشتريت امبارح كابوريا وخليت الرجل نظفها فهوا شال القشره اللى فوق وفى طريقة عمل الكابوريا للأخت الملكه القشره ديه موجوده وبيبقى لونها برتقالى بعد السوا قولولى اعمل ايه بالله عليكم اعملها بنفس طريقا الأخت الملكه ولا ليها طريقه تانيه؟؟؟؟؟

جزاكم الله كل خير

اهلا حبيبتي ونفسي اساعدك بس ما بعرف ولاز الاخت ملكه هى تجاوبك امل تشوف الموضوع

حبيبتي اسألى احنا خوات ولا يهمك

دمتى بخير

هل تقصدين بالكابوريا يعني القريدس ؟؟؟؟؟

حبيبتى آسفة جدا انى اتأخرت فى الرد - بس اعزرينى اختى النت كان فاصل ولسة جاى حالا
حبيبتى الكابوريا مين قالك انه تتشال القشرة اللى عليها؟؟
ما ينفعش كدة يا قمر كدة تبوظ وتفقد كل اللى فيها اثناء السوا
وميزة الكابوريا هية المزمزة والتقشير والتسلية - لماذا نظف لك الراجل - هية حبيبتى بتكون نظيفة وزى الفل سبحان الله لوحدها ما بها شئ غير شوية رمل نتقعيها نصف ساعة فى ماء يغمرها ثم تضعيها فى الحلة بدون ماء خالص مثل طريقتى - وانا كتبت لك الطريقة حبيبتى فى الموضوع بتاعى ارجعيله ادخلى فى موضوعاتى وارجعى للموضوع هتجدى طريقة التنظيف
كدة بقة ممكن تسلوقيها فى ماء وتعملى منهاشوربة
بس تانى مرة لا تخلى الراجل يشيل القشرة - دى مهمة جدا حبيبتى عشان تحافظ عليها
واى سؤال تانى انا تحت امرك يا قمر لا تخجلى نحن اخوات

قبل ما انسى كمان عندى طريقة تانية -طاجن - اعمليها طاجن مدام بدون قشرة
ضعى عليها وهية نية بصل حلقات وفلفل اخضر حلقات وثوم وفلفل اسود وكسبرة جافة
وعصير طماطم وماء ودعيها تغلى على النار من فوق البوتوجاز ربع ساعة ثم رشة زيت على الوجة ودخليها على الفرن حتى يحمر الوجه
وقدمى بجانبها ارز احمر صيادية
وبالف هنا يارب

جزاكى الله كل خير اختى الحبيبه وانا مكنتش اعرف اى حاجه عن الكابوريا

ربنا يبارك فيكى

جوزيتي كل خير غاليتي شهد
وأيضا هناك طريقة آخرى نتبعها في الخليج وعندنا بالبحرين خاصة مثل ماقالت الغاليه شهد ماتشيلي القشره بس تغسليه وتضعيه بالقدر مع الماء ونضيف إلى الماء الكركم وقليل من البهارات الخليجيه وقطعه صغيره من التمر وملح وتتركيه ينسلق وبعد ماينضج نصفيه من الماء ويؤكل وهناك طريقة آخرى يضاف عند السلق سفن آب

وكذلك عزيزتي نأكل الكابوريا في شهر فبراير ومارس وأبريل لأننا نختار أنثى الكابوريا وهذا وقت البيض فيطلع لذيذ جدا جربي هذه الطريقه ستعجبكِ كثيراً