حبيباتى هادى اول مرة اكتب فى هذا القسم ولى عندكن طلب نصيحه انا متبعاكوا كويس ومعجبه جدا بطرق الاكل التى تكتبوها وسؤالى بخصوص الفراخ المحشيه بالرز انا بعملها وعارفه طريقتها ولكن دائما عندى مشكله هى ان جلد الفراخ يتمزق اثناء السلق مع انى لا تركها حتى تتهرى ولكن مجرد سلقها تتمزق مش عارفه ليهوببقى حزينه لانها بتشوه منظر الفرخه وكمان بتخرج الخلطه فى الشوربه

السلام عليكم ورحمه الله وبركاته
شوفى حبيبتى اللى بتحكيه ده سبببه انك بتكثرى من الرز اللى تحت الجلد
فبيتمدد وبيقطع الجلد
وعموما امامك اختيارين
اما انك تكتفى بحشوها من الداخل فقط
او انك تحخشى تحت الجلد كميه قليله جدا جدا
وانتى بتسلقيها هدى النار تماما عليها
وان شاء الله حتنجح معاكى

اولا ما تكتريش حشوة وماتحطيش حشوة تحت الجلد في حالةالسلق
ثانيا لو حبيت تقلبيها قلبيها برفق

راجعة ان شا ءالله

حبيبتى نور الهدى سعدت جدا بمرور وردك على فانا متبعاكى كويس جدا واكلك كله جميل ومميز اما بالنسبه للحشو فانا لا اضع حشو تحت الجلد حتى لا يتقطع ومع ذالك بتتقطع هحاول اهدى النار عليها اثناء السلق تسلم ايدك حبيبى حبيبتى وعود الخير جزاكى الله خيرا على الاهتمام والمرور للرد على انا فعلا مش بحط حشو تحت الجلد وهحاول ان شاء الله ثانية لانى فعلا متضايقه جدا من ده

السلام عليكم حبيبتى
ممكن يكون صنف الفراخ التى تستعمليها جلدها رقيق جدا و هذا بيرجع سببه لنوع الاكل او العلف بتاع الفرخه نفسها جربى اشترى فراخ من مكان اخر او صنف فراخ غير المعتاد و جربى حبيبتى اعتقد كمان الجلد الرقيق للفرخه لما تكون صغيره فى الحجم و علشان كده مش بتتحمل السوا و تتهرى بسرعه

اختي العزيزه للمصادفه انا امبارح عامله دجاج محشي مع ملوخيه يا ريتني صورتهم و الدجاج كان من النوع الصغير اللي اسمه بيبي هين و طريقتي المعتمده اني لا بسلق ولا بغلب حالي فبعد حشو الدجاج و بتهيره اضعه في صينيه عليها زيت زيتون و ليمون و تقريبا قدر فنجان شاي من الماء الحار و اضعه في فرن حار مسبقا لدرجه حراره 400 فهرنهيات و اتركه لمه نصف ساعه ثم بعدها اخرده و اسقيه من المرقه و اذا قلت ازيد شويه ماء ساخن و اقفل عليه بورق القصدير و اتركه بنفس الحراره كمان من ثلث الى نصف ساعه و اخرجه و اسقيه و احمره من الاعلى بالشوياه و اخد مرقه للملوخيه و هكذا يظل محتفظ بجلده و منظره و يكون طعمه ادسم كمان و على فكره الشوي كله يكون في الرف الوسط جربيها و حلاوتها انه حتى الحشوا ما بتطلع منه انا حتى لا اقفلها اخليها مفتوحه ارجو ان تجربيها و تعلمينا انا ثاني مره راح اعمله سانزل الوصفه ان شاء الله و اصوره