انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 8 12345 ... الأخيرالأخير
عرض النتائج 1 الى 10 من 76

الموضوع: ₪طبق متميز₪وجبة الباشا بالحبق من مطبخي عاشقة الحلويات سهلة ولذيذة بالخطوات المصورة

  1. #1
    تاريخ التسجيل
    May 2005
    الموقع
    بدأت غربتي بالهفوف - محايل عسير - خميس مشيط ثم بأبو ظبي - الشارقة - دبي وعدت لأبو ظبي من جديد
    الردود
    12,093
    الجنس
    أنثى

    المواضيع المتميزة ₪طبق متميز₪وجبة الباشا بالحبق من مطبخي عاشقة الحلويات سهلة ولذيذة بالخطوات المصورة





    بسم الله الرحمن الرحيم

    السلام عليكم ورحمة الله تعالى وبركاته


    كيفكم يا حلوات ويا أقمار المنتدى


    رح تقولوا لحالكم شو صاير معي وخير إن شاء الله

    الحمد لله خير

    البارحة كنت صايمة وحبيت دلل حالي شوي وساويت شغلة

    نادراً ما أعملها لأني ما بنعطى وش فيها

    ليش : السبب بسيط لأني باكلها كلها بيوم واحد

    الأكلة كتير سهلة ولذيذة وما بس هيك يحبها الكبار قبل الصغار


    والصغار قبل الكبار

    حتقولوا ليش :

    لأنها أكلة تتقنها كل الستات الخبيرات والمبتدئات

    ولا فرق في عملها بين كل البلدان

    تشوقتوا لتعرفوا شو هالأكلة

    إنها

    إنها

    إنها







    وجبة الباشا



    أو اسمها كما هو متداول


    الباشا ميل




    بلا كثرة هرج وحكي وهذرة ورغي (بكل اللهجات)

    يلا نبلش:



    الحشوة:


    4 بصلات كبيرة مقطعة ناعم

    3 بندورات كبيرة مقطعة ناعم

    2 جزرة مقطعة ناعم

    علبة فطر مقطع شرائح رقيقة

    لحمة ناعمة (اختيارية) (اللي ما بيحبها دسمة ما يحط لحمة)

    بهارات

    ملح

    زيت نباتي


    وطبعاً ما تنسوا مثل ما قرأتوا بالموضوع الحبق


    الطريقة:

    نبدأ بوضع الزيت النباتي والبصل والملح في طنجرة على النار ثم نقلب البصل حتى يتغير لونه

    ويصبح طرياً

    ثم نضيف اللحمة الناعمة ونقلبها قليلاً حتى يذهب لونها الوردي (مثل ما قلنا اللحمة اختيارية)

    ثم نضيف الجزر مع الفطر ونقلبهم جيداً مع البصل واللحمة حتى يستووا






    عندما ينضج البصل واللحمة والجزر والفطر

    نقلب فوقهم البندورة والحبق







    والحبق هو سر النكهة بالوصفة

    بدونه بحس وصفة المعكرونة ما لها طعمة ولا رائحة

    الحبق هو الطعمة الحقيقية في الطبق كله

    عم تقولوا أني أقول شعر بالحبق

    سأقول لكم نعم الحبق غير شكل

    بدون مزح وخلينا بالجد عن جد الحبق يعطي طبق الباشا ميل نكهة غير شكل







    نسوي البندورة حتى تستوي ثم نطفئ النار تحت الحشوة






    وننتقل لسلق المعكرونة


    المعكرونة:





    نضع ماء على النار مع ملح وننتظر حتى يغلي

    ثم نضع كيس معكرونة 400غ بالماء المغلي

    ونقلبها قليلاً قبل أن يبدأ الماء بالغليان مجدداً

    تحتاج المعكرونة للتحريك كل شوي خلال السلق

    كي لا تلصق بقعر الطنجرة وكي يتوزع الاستواء على جميع قطع المعكرونة

    أستدل على استواء المعكرونة بخروج طبقة بيضاء مع فقاقيع على الوجه







    نصفي ساعتها المعكرونة ونصب فوقها ماء بارد وهي بالمصفاة

    ونضعها على جنب حتى تصفى من الماء تماماً


    نبدأ بعمل الصلصة:



    الصلصة:



    نضع 3 إلى 4 ملاعق طحين مع ملعقة طعام كبيرة سمنة ممتلئة

    نضعهم في طنجرة على النار ونبدأ بالتقليب حتى يبدأ لون الطحين بالتغير











    ثم نضيف لهم دفعة واحدة كاسة حليب سائل






    نحرك جيداً على النار وننتظر حتى يثخن المزيج ويتماسك

    وإذا حصل معك كتل بالمزيج فلا تخافي

    ضعي المزيج بالخلاط واخلطيه وساعتها لن تجدي كتلة واحدة

    أو اجلبي جهاز الخلط الطويل إذا عندك وضعيه داخل الطنجرة واخلطي وشوفي ساعتها ما أجمل المزيج

    لن تجدي به كتلة واحدة بصراحة أنا بتبع هالطريقة كلما حصل تكتل بالمزيج










    عندما يصبح المزيج مثل ما قلنا ثخين نطفئ النار

    ونبعد الطنجرة من على البوتوغاز ونفقس فوق المزيج بيضة ونخفق جيداً

    حتى يتمازج الجميع

    ملاحظة: البيضة مهمة من أجل الشواء ويمكن الاستغناء عنها ولكن لا ينصح بذلك

    لأنها تعطي لوناً جيداً عند الشوي


    تحضير صينية وجبة الباشا (الباشا ميل)




    نقوم بفرد نصف المعكرونة في صينية الخبز بالفرن





    ونسكب فوقها حوالي نصف مزيج الطحين والحليب والبيض ونخلطها جيداً






    ثم نقوم بفرد الحشوة فوق المعكرونة التي بالصينية

    نوزعها بشكل متساوي مع عدم التأثير وزحزحة المعكرونة التي بأسفل الصينية







    ثم نقوم بفرد بقية المعكرونة فوق الحشوة بالتساوي كمان

    بصراحة أنا بصفهم واحدة واحدة رح تضحكوا علي بس بعمل هيك لحتى يطلع منظرها من فوق حلو

    ثم نقوم بفرد بقية مزيج الطحين والحليب والبيض فوق الجميع ونوزعهم بحذر

    أنا بفردهم بملعقة صغيرة وشوي شوي لحتى ما زحزح شو معكروناية من مكانها

    (معكروناية = مفرد معكرونة)

    وهي صورة لحتى تشوفوا تدرج الطبقات





    وهي صورة للصينية بعد ما زبطت كل الطبقات وفردتهم فوق بعضهم وقبل دخول الصينية الفرن







    ندخل الصينية للفرن ونشويها من فوق ومن تحت

    أنا بصراحة بظل مرابطة بجانب الفرن بخاف تعبي كله يروح لأني ياما بنسى اكلاتي بالفرن وبتنحرق

    مشان هيك صرت رابط بجانب الفرن لحتى يخلص الشوي

    وهي صورة الصينية بعد خروجها من الفرن










    وهيدي صورة قطعة من الصينية









    وصحة وعافية
    آخر مرة عدل بواسطة حنان(البحرين) : 27-07-2008 في 09:39 AM السبب: أضافة شعار التميز

  2. #2
    تاريخ التسجيل
    Mar 2007
    الموقع
    رام الله --فلسطين
    الردود
    25,653
    الجنس
    امرأة
    التكريم
    • (القاب)
      • الوصيفة الأولى
      • لمسة ديكورية مبدعة
      • متميزة ركن المقبلات
      • مُبدعة صيف1431:1430هـ
      • سيدة مطبخ لكِ
      • مبدعة البوفيهات
      • فنانة التقديم
    (أوسمة)
    ما شاء الله روووووووووووووووووووووووووعه يسلمو دياتك حبيبتى
    نحمدك ربي حمداً طيباً مباركاً فيه

  3. #3
    تاريخ التسجيل
    May 2005
    الموقع
    بدأت غربتي بالهفوف - محايل عسير - خميس مشيط ثم بأبو ظبي - الشارقة - دبي وعدت لأبو ظبي من جديد
    الردود
    12,093
    الجنس
    أنثى

    heart2

    تعقيب كتبت بواسطة تغريد2007 عرض الرد
    ما شاء الله روووووووووووووووووووووووووعه يسلمو دياتك حبيبتى
    ما شاء الله عليك شو سريعة بالرد

    لسه هلأ نزلت الموضوع

    بسم الله عليك

    الله يسلمك ويعافيك يا رب

  4. #4
    تاريخ التسجيل
    Jul 2007
    الموقع
    الريــــاض = قــلب = الســـــعوديه
    الردود
    4,041
    الجنس
    أنثى
    من جد طبق الباشا هههههههههه
    يسلمووووووووووووووووووووووو

  5. #5
    تاريخ التسجيل
    Jul 2007
    الموقع
    الريــــاض = قــلب = الســـــعوديه
    الردود
    4,041
    الجنس
    أنثى
    من جد طبق الباشا هههههههههه
    يسلمووووووووووووووووووووووو

  6. #6
    تاريخ التسجيل
    Jun 2008
    الموقع
    قطر الجميع
    الردود
    515
    الجنس
    أنثى
    تسلم أيدك حبيبتي بتجنن ما شاء الله

    بس مو قريبة جدا من المكرونة بالباشاميل بس لولا الحبق؟

    الله يعطيكي العافية نشيطة ما شاء الله اليوم

    وصياما مقبولا وافطارا شهيا...

  7. #7
    تاريخ التسجيل
    May 2005
    الموقع
    بدأت غربتي بالهفوف - محايل عسير - خميس مشيط ثم بأبو ظبي - الشارقة - دبي وعدت لأبو ظبي من جديد
    الردود
    12,093
    الجنس
    أنثى

    heart2

    تعقيب كتبت بواسطة ام خالد* عرض الرد
    من جد طبق الباشا هههههههههه
    يسلمووووووووووووووووووووووو
    الله يسلمك ويعافيك

    مشكورة على مرورك

  8. #8
    تاريخ التسجيل
    May 2005
    الموقع
    بدأت غربتي بالهفوف - محايل عسير - خميس مشيط ثم بأبو ظبي - الشارقة - دبي وعدت لأبو ظبي من جديد
    الردود
    12,093
    الجنس
    أنثى

    heart2

    تعقيب كتبت بواسطة درة الوجود عرض الرد
    تسلم أيدك حبيبتي بتجنن ما شاء الله

    بس مو قريبة جدا من المكرونة بالباشاميل بس لولا الحبق؟

    الله يعطيكي العافية نشيطة ما شاء الله اليوم

    وصياما مقبولا وافطارا شهيا...
    هلا بك أختي درة

    الله يسلمك ويعافيك

    اي ما شاء الله لهلأ ما نمت سهرانة

    وتعبانة وطبعي من تعبي ما بعرف نام

    فقلت لحالي نزل وصفة من وصفاتي المكومة على جهازي

    وهي نفسها الباشا ميل

    بس ليش لنحكي اسمها بالانكليزي

    مشان هيك ترجمتها ميل تعني وجبة

    فبتطلع بالعربي وجبة الباشا

    وبالنسبة للحبق هيدي اضافة من عندي وعن تجربة

    الحبق بيعطيها طعمة ولا أروع من هيك

    مثل كيف بتحطي نعنع يابس للبنة

    كمان الحبق بيعطي طعمة غير شكل للمعكرونة

    واشكرك على لطفك وذوقك بردك ومرورك

  9. #9
    تاريخ التسجيل
    Jul 2008
    الموقع
    الامارات
    الردود
    925
    الجنس
    أنثى
    machaelah 3aliki sarahatane...ana awal mara asema3 behadi al akela basse fatahetili nefessi 3aliha...inchaelah basse yetewafare 3andi lehaba9 rahe jaribeha... yeselamo hale idine

  10. #10
    تاريخ التسجيل
    Feb 2007
    الموقع
    الرياض
    الردود
    1,281
    الجنس
    أنثى
    ما شاء الله تسلم إيديك شي بيشهي

مواضيع مشابهه

  1. شوربة الشوفان بالخضار من مطبخ عاشقة الحلويات سهلة ولذيذة بالخطوات المصورة
    بواسطة عاشقة الحلويات في المقبلات والسلطات والشوربات والمشروبات
    الردود: 34
    اخر موضوع: 25-06-2010, 05:52 AM
  2. الردود: 32
    اخر موضوع: 31-01-2009, 11:33 PM
  3. الردود: 33
    اخر موضوع: 18-10-2008, 07:20 PM
  4. الردود: 58
    اخر موضوع: 18-10-2008, 10:43 AM
  5. شعار₪طبق متميز₪ & سمـــكـــة البـ باستري ــف & وجبة سريعة ولذيذة
    بواسطة مكعـــ(وردية)ـــبات في الأطباق الرئيسة
    الردود: 43
    اخر موضوع: 16-01-2008, 09:43 AM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ