بسم الله الرحمن الرحيم

السلام عليكم ورحمة الله تعالى وبركاته

الكبسة وما أدراكم ما الكبسة

هيدي كانت من أكلاتنا المفضلة لما كنا بالسعودية

يعني إذا ما طبخت منروح على المطعم ونأكل كبسة

وعلى اعتبار أنها من الأكلة الوحيدة المنتشرة بالسعودية بأنواعها المتعددة وأسمائها المختلفة

ولكنها هي الكبسة رز ولحم وبهارات والكثير الكثير من الحب في عملها

أقول ذلك لأن الطبخ بالنهاية ليس مجرد خطوات نتبعها بل الطبخة والوصفة ما بتطلع طيبة

ولا لذيذة من دون نفس اللي عم يطبخها ومحبته لما يساويها للذين سيأكلونها

طولت عليكم بس عن جد هيدي الأكلة أنا اخترعتها يعني الكبسة معروفة إما لحمة غنم أو لحمة دجاج

بس جربت مرة لما كنت مغتربة ساويها بالقريدس وزبطت معي ومن يومها بعملها ونحبها كلنا

بسم الله نبدأ:

المقادير:

ربع كيلو قريدس مقشر ومنظف ومغسول

3 كاسات رز طويل الحبة (رز كبسة أي نوع بس المهم ما يعجن بالطبخ يعني مثل أرز بسمتي)

ربع كاسة زيت نباتي

3 حبات بصل كبيرة مقطعة لشرائح

3 حبات بندورة مقطعة مربعات

نصف كاسة زبيب بدون بذر

2 -3 حبات جزر مقطعة ناعم أو مبشورة

1 - 2 حبة أو حبتين بطاطا مقطعة مربعات متوسطة

ملعقة طعام كبيرة بهارات كبسة مشكلة

ملعقة طعام كبيرة كاري

ملعقتي طعام كبيرة ملح

6 كاسات ماء للرز

الطريقة:

نضع الزيت النباتي في الطنجرة على النار

نضع البصل فوق الزيت ونضع الملح فوق البصل

نقلب البصل حتى لا يحترق

ثم نضع حبات القريدس فوق البصل ونقلبها مع البصل حتى تقلى شوي بالزيت

نضيف البهارات كلها يعني بهارات الكبسة والكاري

نقوم بتغطية الطنجرة ونخفض النار حتى يستووا بهدوء من دون أن يحترقوا

ونقلبهم كل شوي

بعد أن نلاحظ استواء البصل والقريدس نضيف

البطاطا والجزر والزبيب

نقلبهم مع الجميع ثم نعيد تغطية الطنجرة حتى يستوي الجزر والبطاطا وينتفخ الزبيب

بعد أن نلاحظ استواء الجميع نضيف في النهاية البندورة المقطعة

ملاحظة: البندورة تضاف آخر شيء لأنها حامضية ولو أضفناها بالبداية

لمنعت الجميع من الاستواء لحموضتها.

ونقلب مرة أخرى الجميع مع بعضهم حتى تذبل البندورة قليلاً

نضيف الماء فوق الخلطة السابقة ونحرك الجميع حتى يغلي الماء

نضيف الرز ونقلب من جديد حتى يختلط الرز بجميع الخلطة السابقة

ننتظر قليلاً مرة أخرى حتى يغلي الماء ثم نغطي الطنجرة

ونخفض النار على آخر مستوى لها

حتى يستوي الرز على مهله

وعندما يستوي بيكون الشكل هيك

وهيك بنكون خلصنا طبخ الكبسة

إن شاء الله تكون عجبتكم

وهيدا شكلها عند التقديم

وهيدي صورة قريبة لحتى تشوفوا حبات القريدس كيف صارت لذيذة وشهية

طبعاً من أصول أكل الكبسة هو شرب الكازوز معها وهون عملت لكم دعاية لماونتن ديو

وما تنسوا صحن السلطة الشهية معها :

تسلم إيديكِ عزيزتي على الكبسه الطيبه والشهيه

يسلمو ايدكي يا عاشقة كلو بشهي من تحت دياتك

شكلو يشهي حبيبتي
بس ممكن توضحي القريديس
يعني في اسم ثاني او صورة
لاني ماعرفته

مشكوره عزيزتي

يسلمو اديكي يا رب ...

ما شاء الله روووووووعة
تسلم يديك

رررررروعه يعطيك العافيه بتشهي

تسلم ايدك حبيبتى
ماشاء الله عليكى تجنن ان شاء الله اجربها

ماشاء الله روعة
تسلم الايادي