بسم الله الرحمن الرحيم

السلام عليكم ورحمة الله تعالى وبركاته

اليوم حبيت حط لكم أكلة بحبها كتير

وما بس هيك كمان أكلة مفيدة كتير لأني قرأت الكثير عنها

بأنها تفيد للجسم بشكل عام وللعين بشكل خاص

بصراحة نسيانة لشو بتفيد أكثر بس بصراحة من كثرة ما قرأت عن فوائدها بعملها كتير خلال الشهر

وبفضلها تكون طازجة يعني لا مجمدة ولا مجففة من زمان

صحيح طرأت كتير تعديلات على طبخي للملوخية

فكانوا أهلي الله يذكرهم بالخير يطبخونها بطريقة خاصة

فعنا بالشام بيحبوا الملوخية ناشفة يعني بدون مرق كثير

بس عند أهل زوجي عادتهم غير هيك تماماً

لأنهم بيحبوها مغرفة بمرق الدجاج

اليوم ساويت ملوخية أهلي مع إضافة بسيطة


بسم الله نبدأ


أول شيء طبعاً نأتي بحزم الملوخية



طبعاً اللي على الملوخية هو عصير الليمون

وصحة وعافية

نقطفها ورقة ورقة وهو هيدا شيء متعب بالملوخية بس ممتع

وحاولوا إذا كان عندكم أولاد أنهم يساعدوكم


عندي ابني ما شاء الله عليه أول ما يشوفني حطيت حزم الملوخية بدي أقطفها مباشرة

يجلس معي ويساعدني ما شاء الله عليه الله يحميه ويحب شغلة اسمها قطف ورق الملوخية

طبعاً قطف الملوخية لازم يكون بدون أعواد الورقة لأنها مزعجة عند الأكل وغير لذيذة

نغسل الملوخية جيداً دفعة وراء دفعة لحتى نلاحظ أن ماء التغسيل تصبح نظيفة وخالية من التراب

المترسي بالأسفل

بعد أن نغسلها نضعها بالمصفاة حتى تتخلص من أكبر قدر ممكن من الماء

بعد ذلك إن كان يوجد لديكم قماش أبيض نظيف كبير

تفردونه على مكان مسطح ثم تفردون ورق الملوخية وتنثرونه بالتساوي حتى ينشف أكثر وتجفف

أنا بتركها تقريباً يومين لحتى تنشف قدر المستطاع

بلاقي بتنشيف الملوخية أنها تعطي زخماً أكبر من لما أضعها وهي طازجة للطبخ فوراً



وعندما يأتي وقت الطبخ

نسلق قطع اللحمة المطلوب طبخها مع الملوخية

أحياناً أهلي يعملونها بلحمة حمراء مقطعة قطع متوسطة

بس بشكل عام نعملها بالدجاج إما أفخاذ أو أية قطع أخرى مرغوبة مثل صدر الدجاج مثلاً

وفيه ناس كمان يسلقوا دجاجة كاملة للملوخية بس لازم هون تفصص من العظام قبل وضعها مع الملوخية

مشان هيك بلاقي أفخاذ الدجاج أفضل شيء للمنظر وللتعب بتفصيص العظام



طبعاً نضع مع الدجاج حين سلقه وبعد قش الزفرة

نضع شوية بهارات وملح

بعد ما يستوي الدجاج نصف استواء نضع فوقه الملوخية المجففة



ومن أجل تفادي ظهور خيوط عند طيخ الملوخية لأن الملوخية بطبعها لزجة

وفيه ناس ما بيحبوا تظهر خيوط من لزوجتها

نضع عصير نصف ليمونة معها قبل أن تغلي ونخلط الجميع

بعصير الليمون مستحيل يصير لها خيوط وتبقى لزجة

بعد ما نحط الملوخية نقطع ثوم حسب الرغبة

أنا بصراحة بحط أحياناً الثوم يكون مدقوق بس يومها كنت تعبانة وما قدرت أتحمل دق الثوم

مشان هيك قطعتهم تقطيع بالسكينة

أنا بضيف لها كمان في هالمرحلة معجون فليفلة حمراء تعطيها لون أحمر حلو



إذا كان مرقة الملوخية قليلة نضيف لها ماء حتى ما تنشف كتير

ونضع الجميع على النار حتى يغلوا وتقل المرقة بنسبة كبيرة

بس يبقى القليل من المرقة

طبعاً ما تنسوا تطبخوا الرز والملوخية على النار تغلي

رز عادي مع شعيرية مقلية

وتفضلوا هيدا أحلى طبق من الطنجرة مباشرة وهو ساخن

اشتهيت طبق منها
بس وين الصنوبر يا بنت الناس
من يد ما نعدمها

يسلمو هالايدين
عنجد الملوخية الورق لما تكون ناشفة بكون طعمها
كتير طيب
يسلمو يا عسل

كتبت بواسطة أناغيـم

اشتهيت طبق منها
بس وين الصنوبر يا بنت الناس
من يد ما نعدمها

تكرمي بعطيك عنواني وتفضلي

لعيونك أحلى طبق لك

بالنسبة للصنوبر بصراحة ما منحط عليها صنوبر

بس ليش لا

المرة الجاية إن شاء الله لما تأكلي عنا وألف أهلا وسهلا

كتبت بواسطة Rowaida

يسلمو هالايدين
عنجد الملوخية الورق لما تكون ناشفة بكون طعمها
كتير طيب
يسلمو يا عسل

أسعدني مرورك العطر

والله يسلمك ويعافيك يا رب

ملوخية بتشهى
تسلم الايادى حبيبتى

فعلا طبق رائع بس تختلف تماما عنا

يسلمو ايديك يا غاليه

جزاك الله كل خير

يسلمو هل الايدين

كتبت بواسطة أم شادى

ملوخية بتشهى
تسلم الايادى حبيبتى

الله يسلمك يا رب

ومشكورة على مرورك العطر

كتبت بواسطة randd

فعلا طبق رائع بس تختلف تماما عنا

يسلمو ايديك يا غاليه

جزاك الله كل خير

هلا وغلا بمشرفتنا العزيزة

الله يسلمك يا حلوة

ممكن أعرف بشو بتختلف

عشان تعم الفائدة