السلام عليكم
اخواتي اتمني الاكله تعجبكم وخصوصا ان ده اول موضوع اشارك بيه هنا بالمنتدي عاوزه الاقي تفاعل منكم ويارب تعجبكم ومعلش الصور مش حلوه اوي لانها بموبايل بس المره الجايه ان شاء الله بصورها احسن
نبدأ بسم الله
المقادير :
1 كيلو سمك هامور فيلية أو فيليه عادي
3 بصلات كبار مبشورين أو مقطعه اجزاء صغيرة
3 حبات طماطم مقطعه مكعبات صغيرة
1 رأس ثوم متوسطه مقطعه حلقات صغيره
3 حبات فلفل رومي أو فلفل حار حسب الرغبه ومقطع الي مكعبات صغيره
4 حزمه كسبره خضراء
2 جزره مبشورة
ملح وفلفل وكمون
3 حبات ليمون معصورين
3 ملاعق زيت
الطريقة:
يجهز الثوم ويقطه الي حلقات صغيره وليس مفروم
وتقطع الطماطم الي مكعبات صغيره
يخلط كل الخليط في اناء
ويوضع نصف مقدار الخليط في صينيه ثم يتم ترصيص السمك
ثم يوضع باقي الخليط فوقه
توضع في فرن متوسط الحراره لمده ساعه تقريبا وتغطي الصينيه ثم نرفع الخطاء قبل الانتهاء حتي يحمر الوجه
بالهنا والشفا
ملحوظات :
أولا احنا عملناها تقريبا نفس المقادير وكانت مناسبه ل 5 أشخاص كويس جدا وعملنها في 2 صينيه بيركس متوسطه الحجم ، وتتقدم مع رز أبيض بالكمون عادي
واي زياده في المقادير مش مشكله لان الصوص بتزودوه او تكتروه براحتكم وممكن تشيلو حاجه وتحطو بدلها براحتكم ومتقلقوش السمك هينزل شوربته وهيستوي فيها من غير ماء ولا اي اضافات ولو احتجتم حاجه ابقو اسالوني
وبالهنا والشفا
رد مع الاستدلال
الروابط المفضلة