بنات ...
ما هي أفضل طريقة لغسل الدجاج ولسلقه أيضا ؟
أنا حديثة العهد بالطبخ ... ساعدوني بلييييييييييييييييييز ...
للبحث في شبكة لكِ النسائية:
|
بنات ...
ما هي أفضل طريقة لغسل الدجاج ولسلقه أيضا ؟
أنا حديثة العهد بالطبخ ... ساعدوني بلييييييييييييييييييز ...
اهلا فيكي معنا عزيزتي
بالنسه لغسل الدجاج
انا في الاول بفركه بملح عشان يروح الزنخ بعدين بغسله بماء ثم بفركه بخل و ليمون و بتركه في وعاء في الخل و الليمون شي ربع ساعه بعدين بغسله و بتركه يصفي كل الماء
بالنسبه للسلق
بتقطعي الدجاج بعدد القطع اللي بتحبيه و تصبي عليه الماء (كقاعده خلي مستوى الماء في الطنجره على الاقل 2 سم اقل من ارتفاع الطنجره حتى ما تفور لما تغلي) و ضعي البهارات اللي بتحبيها في ماء السلق حتى الدجاج ياخد النكهه البهارات اللي انا باستعملها ملح،فلفل اسود،شويه هيل،كزبره،ورق غار،قليل من القرفه
طبعا بامكانك استخدام البهارات اللي بتحبيها
و بعد استواء الدجاج (بتعرفي ان الدجاج استوى بغرس سكينه في احدى القطع فاذا كان اللون لا زال زهري او كان هناك دم فهذا يعني انها لم تستوي بعد) بامكانك استخدام المرق الناتج في الطبخ (لعمل المقلوبه و الشوربات)
د. سوسن ...
شكرا ما قصرتي ...
مع اني خيبة بالطبخ بس باقدر اساعدك عن غسل الدجاج ع طريقة الماما
اول شيء بنغسل الدجاج بالماء البارد
وبعدين بنجيب طحين وملح وفلفل اسود وكمون وشوية كركم اصفر مع شوية زيت زيتون وبنفرك فيه الدجاج منيح
وبنتركه كم دقيقة وبعدها بنشطفه بماء بارد وبنفرك الدجاج بنص ليمونة لحتى نتخلص من الزفرة
وبعدها بمية وخل ابيض بنترك الدجاج شوية وبنشطف تاني وبنحطه في مصفاة لحتى يتخلص من المية
اما السلق
في ماء بارد بنحط الدجاج لغاية ما تظهر الزفرة وبعدها بنرفعها بكبشة وبنضيف بصلة مغروز فيها كبش القرنفل (المسمار) وكم حبة هيل وفلفل ابيض صحيح وورقتين غار وعود قرفة
وبنتركها لحتى تستوي الدجاجة
وان شاء الله اكون افدتك
..........
ياطفل لا تكبر..
كذا أجمل .... كذا أطهر ....
لادين يتراكم .. ولا ضغط .. ولاسكر ...
ترى أكبر كذبه عشناها..
(( يالله متى نكبر !! ))
اما انا طريقتي في الغسل نفس طريقة د. سوسن بالضبط.......بفركه بملح وليمون وخل...
وبخليه منقوع ربع ساعة بالليمون و بعدها بغسله مزبوط بالماء.....
اما السلق: بغمره في الماء مع بصله مقطوعة نصفين( حتى تشرب زنخة الدجاج)...لما يبدا يغلي بشيل الزفرة عن
الوجه " ضروري" عشان صحي وكمان الزفرة بتعطي نكهة مش طيبة للأكل و بتصيرلون المرق غامق......
بعد ما اشيل الزفرة: اضع المنكهات مثل: جزرة، 3 ورقات غار، 3 حبات هال، عود قرفة، فلفل اسود حب، عقدة زنجبيل طازج.......وممكن 3 حبات قرنفل..
وطبعا ملح، الدجاج بيمتص ملح اكتر من اللحمة، يعني لسلق دجاجة واحدة اضع 3 ملاعق صغيرة ملح..
لما تشيليه من المرق بتقدري تدهنيه بزيت وترشي عليه البهارات اللي بدك اياها وتحمريه في الفرن
وتعملي على المرق اي شي بتحبيه.........
آخر مرة عدل بواسطة yola : 07-07-2008 في 01:46 PM
جزا كن الله كل خير عزيزاتي ويمكنكِ عزيزتي الأطلاع على هذا الرابط سيساعدكِ كثيرا
http://www.lakii.com/vb/showthread.p...=1#post2953430
وكذلك هذا رابط الدورات ستفيدكِ كثيراً
http://www.lakii.com/vb/showthread.php?t=266162
الروابط المفضلة