السلام عليكم ورحمة الله بركاته
رح قدملكم شيش طاووق من مطبخي سهل كتير وما بياخد وقت ولا جهد
المقادير
5 او 6 صدور دجاج مقطعة مكعبات
مشروم
فليفلة حمراء حلوة
بصل
التتبيلة
4 ملاعق لبن
ملعقة كبير كتشب ومثلها شطة
رشة واحد لكل من (ملح فلفل اسود زنجبيل بودرة توم بودرة بصل بهار حلو )
حمض ليمون
بشر ليمونة
الطريقة
تخلط مقادير التتبيلة جيد وممكن الاستعاضة عن البصل البودرة والتوم بالصحيح مها بعد فرمها ناعم
تغمر قطع الدجاج بالتتبيلة وتترك ليلة كاملة
ثم تشك في اسياخ الشواء مع الخضار بالشكل الذي تفضليه
وهاي صورتها بعد الشك
تدخل الفرن لتلت ارباع الساعة او حسب الفرن الي عندك
وهون حطيت فليفلة حارة وكم حبة بندورة وتوم وبصل زيادة شويتها مع الشيش
طبعا الخضار بعد الشوي حطيتها بمفرمة الخضار مع حبة بندورة فريششششششش ورشة ملح وخلطتها لحتى تناسقت وسكبتها بصحن ورشيت عليها شوية زيت زيتون
وهاي منظر السفرة
عملت سلطة بطاطا مقلية وخضار مشوية
وهون الشيش لوحده يا عيني عليه شو طيب الي ع بالها تتفضل
ولا تنسونا من خلص دعاءكم
جربوه كتير لذيذ وطعمه رائع
تقبلن احترامي
الروابط المفضلة