السلام عليكم يا ستات يا حلوات

صار لي فترة مش داخلة على المنتدى فقلت لازم ارجع بمجموعة اطباق ان شاء الله تعجبكم و تحبوها

الكباب الهندي ( داوود باشا)

المقادير و الطريقة:

- نحضر نص كيلو لحمة كفتة (بستعمل البقري بدون دهون) وبخلطه مع بصلتين و فص ثوم وكمشة كزبرة مخلوطين على الخلاط ناعم (الكزبرة اطيب بكثييييير من البقدونس وبتعطي طعم مميز و طيب

- نضيف للكفتة ملح + بهار + قرفة + كاري و نعجنها و نكورها و نحمرها في قليل من الزيت

- في طنجرة نضع القليل من الزيت و نحمر فيه بصلتين مقطعين جوانح + فصين ثوم شرحات وبعد دقيقتين نضيف حبة فلفل اخضر مقطعة شرحات طويلة ورفيع+حبتين بندورة مفرومة ناعم

- نضيف القليل من الملح و الكاري للبصل + كرات الكفتة +مكعب ماجي + 3-4 ملاعق اكل رب بندورة +ماء حتى يغمر اللحم ونضعه على نار متوسطة حتى يتسبك جيدا

- قبل التقديم نذوب ملعقتين من الطحين في القليل من الماء البارد ونضيفه للصلصة( يجعلها اثخن ولونها افتح واجمل)

- تزين بالصنوبر المقلي و تقدم مع الرز الابيض( ممكن وضع بعض الصنوبر بعجينة الكفتة نفسها )

صينية الكفتة المحمرة

استخدم نفس الكفتة اللي في الداوود باشا (مع الكزبرة)

وارص الكفتة في الصينية المدهونة بزيت الزيتون مع البطاطا و البندورة و البصل بالتناوب

- الصلصة المستخدمة هي رب بندورة + دبس رمان + ماء + ملح + كاري (كمية كافية لغمر المواد فقط)

-تدخل لفرن حامي مدة 25- 30 دقيقة ثم يحمر الوجه جيدا

الفرييييييييييييييكة بالدجاج

- يسلق الدجاج بالهيل و البصل و القرفة و المستكة و البهار المشكل

- تغسل الفريكة وتنقع في ماء دافيء 10 دقائق

- نقلب بصلة مقطعة ناعم في قليل من الزيت و ملعقتين اكل من الزبدة

-نضيف الفريكة للبصلة ونقلب + رشة بهار + ملعقتين صغار رب بندورة (بتعطي شوية حموضة )

- نضيف ماء سلق الدجاج ( لكل كوب فريكة كوب ونص شوربة الدجاج) ونترك المزيج يغلي على نار هادئة حتى تستوي الفريكو وتصبح طرية

- يحمر الدجاج في فرن حامي مع اضافة خلطة مكونة من ( الخل + الثوم + بهارات الدجاج + زيت الزيتون)

- تزين الفريكة باللوز و الصنوبر المقلي

البرياني البحري بالسمك و الجمبري

عزيزاتي هذا هو رابط الموصفة

http://www.lakii.com/vb/showthread.php?t=273907&highlight=%C8%D1%ED%C7%E4% ED+%C7%E1%D3%E4%CF

استخدمت فيليه الهامور و الجمبري الكبير وتركتهم بالخلطة ربع ساعة فقط و قلبتهم بحذر مع الارز

ان شاء الله تكون المجموعة عجبتكم وادعوا لي من قلبكم ودمتم سالمين

مشرفاتنا الغاليات نرجو زيادة مساحة التحميل لانه بطلت توسع وعم نضطر نمسح صور وصفات سابقة وشكر و جزاكم الله خيرا

ما شاءالله رووووووووعة حبيبتي ...
اطباق شهية من اديكي الحلوين ....
يعطيكي الف عااااافية يا رب و الله يباركلك و يديمها عليكي من نعمه

واااااااااااااااااااااااااااو ... انا اول رد .
الاطباق كلها اليييييي لحاااااااااااااااااالي ...
ممممممممم ... كتيييييييير زاكييين

ماشاء الله اكلات روووعة

يسلمووووو ايديكي على الوصفات الرائعة والمميزة

ماشااء الله تبارك الرحمن كل طبق احلى من الثاني
يعطيك الف عافيه

ما شاء الله تسلم اديكى على الوصفات الجميلة والمميزة

بسم الله ما شاء الله ياام العريف شو هاااااااااااااااد!!!!!!!!!!!!

كل شي بياخد العقل حبيبتي الله يعطيك العافية وريتو صحة وهنا يا رب

يا سلاااااااام يا ام العريف
اطباق و لا اروع
بيشهواااااااااااااااا يا قمر..الله يباركلك

ام العريف
يسلم هالايدين يااااااارب
والله يعطيكي الف عافيه
الصرااحه كله احلى من بعضه البعض
وانا اكتر شي بموت عليه
الفريكه يممممممممممممممممممممم
شو طيبه ونفس طريقتي
كمان مرة يعطيكي الف عافيه