السلام عليكم يا صبايا المعجنات الفنانات....ولكل الصبايا الحبيبات

اليوم ان شاء الله بدي نزل الكلاج بطريقتي الخاصة... يعني يلي بيحبوا الدسم والزبدة والسمنة لا يشوفوا الوصفة

الحكي لك يا جارة.....ويلي بالي بالها أكيد بيكونوا طن طن طن طن طنوا أدانها ههههههه

الكلاج باللحمة والخضار

المقادير

ورق كلاج أو بقلاوة
سبانخ مثلج وممكن طازج
بندورة مقطعة صغير بدون مرق أو بذور
لحمة هبرة مفرومة ناعم مقلبة بشوية زيت مع بصلة وبهارات وملح وصلصة البندورة

بيشاميل قليلة دسم!!!!!!!!!!!!!!!

نخلط ليتر حليب سائل بدون دسم مع ملعقتين كبار دقيق ونرش عليهم شوية جوزة الطيب وبهار أبيض وشوية ملح ونضعهم على النار ونحرك إلى أن يبدوا بالغليان وتسمك الصوص، نضيف صفار بيضة مع الخفق بقوة وبعدي ما يغلوا 5 دقايق نضيف 3 ملعقة كبار جبنة صفراء لايت (قليلة الدسم) ممكن شيدر أو غرويير...ونطفيء النار.

الطريقة

ندهن الصينية بالزيت النباتي ونفرد ورقة الكلاج وندهنها بشوية زيت يا دوب حتى نمسحها كلها ..ونكرر العملية...

بعد 4 طبقات نفرد اللحمة ثم نضع البيشاميل ثم نوزع السبانخ بعدها البندورة....

بعدين نكرر عملية الكلاج...ممكن توضعي الحشوة طبقة أو ممكن طبقتين أو أكثر..متل ما بتحبي..

نخلط صفار بيضة وثلاثة أرباع كوب حليب سائل وشوية ملح وفلفل أسود ونسكبهم على آخر طبقة بالتساوي..

نخبز إلى أن تتحمر الأطراف وبعدين نحمر الوجه...

أترككم مع الصور

ما شاء الله ولا قوة إلا بالله

هاي بعد ما طلعت من الفرن

وهاي كمان صورة

وهاي بعد ما قطعنا شقفة للصبايا

وهاي شقفة الصبايا الغاليات

بالهنا يا رب

لا تنسوني من دعواتكم الحلوة غالياتي

أختكم أم آدم

بسم الله ما شاء الله
باين لدييييييدة
ممكن آخد الطبق انا ما عاملا رجيم
هههههه
تسلم الايادي

الحكى الى اه يلى ما بحبو الدسم ما يشوفو طيب شو عامله للى بحبو الدسم هههههههههههههه
الله يرضى عليكى يا رب لالالالالالالالالالالالالالالا اليوم نشيطه ما شاء الله عنك يا قمر
الله يعطيك العافيه ياااااااااااااااااااااارب ويسلمووووووووووووووووو دياتك حبيبتى

ما شاء الله ام آدم وصفة رائعة جدا

يا واد يا رايق انت ... احنا ندبس باشي شحم واشي سمن حموي واشي زبدة وانت بتدوري على كل شي لايت هههههه


يعطيك العافية يا قمر وتفرحي باولادك .. وما يحرمنا منك ومن ابداعاتك الحلوة يارب

ما شاء الله لا قوة إلا باللهتسلم ايدك شكلها تجنن وانا استوليت علي هالصحن قبل ماتجي شخبوطه ههههه

يسلمو اديكي لبنان حبيبتي ... ما شاء الله وصفة روووعة
والله انا زيك ما بحب الدسم .. الاكل الصحي اخف و احسن
يعطيكي الف عاااااااااافية يا قمر

ماشاء الله شكلها رائع
عجبتنى فكرة الكلاج بالبشميل فكره حلوه وجديده وشكلها رائع
تسلم الايادى يا قمر

يسلمو أم آدم أحلى لبنان ،، عن جد روعة وبالنسبة للحمة قصدك يللي بيسموها راس العصفور؟؟؟؟؟

دائما ما شاء الله اطباقك شهية
الله يعطيك العافية