تفضلي دعاء ماء زمزم
تستقبلي القبله و تسمي بالله و تقولين
اللهم اني اسألك علما نافعا و رزقا واسعا و شفاء من كل داء

3 مرات

السلام عليكم

اختي لبنان لابأس على ابنك آدم((الله يشفيه ويعافيه ويفرج همك))

وانا اقرا موضوعك واقول ان شاء الله في صلاه المغرب ناويه ادعي لي

الا سبحان الله وفي نفس اللحظه الي كنت ناويه ارد عليك يجي ولدي عمر_5_ سنوات ويقول لي((ماما دخلت حديده في اذني )) وضاق صدري وحاولت اطلعها جبت الملقط والبجلي ولا عرفت

واتصلت على زوجي وجا على طول وحاول معي ولا عرف

واخذه على المستشفى وعملو له تنظيف اذن

وطلعو الحديده في حجم حبة العدس والحمدلله هو بخير الحين

الله يحفظهم هالأطفال لا زم حصن نفسنا بالنهار واليل ونسوتدعم الله ولا بد من الصدقه ودفع البلاء كل حين والآخر

ربي يحفظ لنا اطفالناآمين ويسلمهم من كل شر

بلبل
الله يحفظه ويحميه يارب
هو اخوته
ويبعد عنهم كل مكروه وشر ويحفظهم
وتفرحى بشهاداتهم واولادهم


الصبايا ما قصروا وما بقدر زيد على كلامهم
لكن
المؤمن لا يلسع من جحر مرتين
الافضل تفصلى لسرير ويكون سرير منفصل
واحنامعك لحد ما طمنينا يا قمر

لولو يا غالية
انا هلأ اللي شفت الموضوع
سلامة قلبه ان شاء الله ما عليه شر
هدي حالك وطولي بالك وان شاء الله مافيه الا العافية
وابقي طمنينا
طبعا مقدرين الظرف اللي انت فيه وما حدا بيلومك ..
اما الدعاء .. انت تؤمري مو تطلبي ..

لبنان و حبايبه الف سلامه حبيبتي على ابنك بكره بيكبر و بيحكيها لاولاده ان شاءالله و اسمعي ما احن من الله على عباده و خاصه الاولاد الصغار فهم احباب الله الله يحميهم لا تخافي حياتي ما فيه اللا العافيه يا رب طبعا راح ادعيله ليل مع نهار عزيزتي و انتي ديري بالك عل نفسك ووكلي امرك لله الاولاد ياما بيشوف منهم الواحد و الله على بال ما يكبروا الواحد بيشيب الله يحميه الله يحميه يا رب و يخليلك اياهم اسمالله عليهم كلهم الللللللف سلالالالالالالالامه علييييييه

عزيزتي لبنان كان الله في عونك وصبرك الله وربط على قلبك وقلب والده
ربي ما تشوفي شر يا رب
قلبي عندك لان هالظروف ياما مرينا فيها واطفالنا بيمشوا وبيلعبوا والمهم الدكاتره طمنوكي
ان شاء الله ربي الحامي والشافي يشفيه ويحميه بكل كلماته التامه يا رب
عزيزتي ما تنسي طمنينا وانت مؤمنه عزيزتي بالله والقدر ما تقلقي واقرأي قرآن بيطمن القلب
اما الدعاء ان شاء الله ما بنقصر لان احنا اخوات وهو ابن اخت غاليه على قلبنا كتير
حماك الله وحماه

الله يطمنك عليه حبيبتي ما تخافي صدقيني الاطفال الهم ملائكة بتحميهم:
بنت اخوي وقعت عن سطح غرفة، تخيلي؟ كانت غرفة بينام فيها حصان ابوها وهي طلعت على سطح الغرفة
تلعب ووقعت على ظهرها وامتنا من الخوف بس الحمد لله ربك ستر وما صار شي،
كمان بنتي عمرها 9 شهور وقعت عن الكرسي على رقبتها، وكان زوجي موجود و ما قدر يمشي من الخوف مع انه
طبيب بس اخدها وصورها والحمدلله ما في شي و عدت على خير..............وقاللي ما توقعت تقوم منها سالمة،
بس الاطفال عظامهم ناعمة و سهل تتكيف مع اي وضع.......
ابقي طمنينا حبيبتي

أم العريف حبيبتي تسلميلي على ردك يا قلبي وأنا بعرف أنكم معي وربي معي بإذن الله.

الله لا يضر حدا منكم بولاده يا رب ولا تشوفي شر يا أغلى الغوالي.


nana حبيبتي شكراً ردك يا قمر وان شاء الله لك بالمثل أجر وعافية يا رب.


سوسن يا قمر سلامة عيونك من البكى يا غالية، اشتقتلك حبيبة قلبي..

شفتي والله مبارح قاعدة وفرحانة بدردش مع نواعم المطبخ وسمعت اللبجة (صوت قوي) وصرخة آدم فاتت بقلبي متل السكين.. والله بكتب وانا بتذكر وبدمع.... الله لا يعيدها ويجعلها أكبر المصايب ولا يجربنا باولادنا يا رب.

الحمد لله ما بقيت خايفة بس أنا من النوع يلي بس عصب أو أزعل بتنسد نفسي عن الأكل وبصير أقلق بالليل.. يلا الحمد لله على كل شي وأحمده لأن الصبي اليوم عادي بكل تصرفاته ونشاطه ، وحتى جاب الغيتار تبعه ودق عليه شوي حتى يفرجيني انه بخير..يا حبيب قلبي والله لهلق ما بقدر افتكر الأسواء 10 دقائق في حياتي يلي مروا علي مبارح وربي يتوب علينا ولا يجربنا آمين .

شكراً سوسن حبيبتي على الدعاء وربي يحفظلك جنى من كل سوء يا رب.


أم البنين يا حبيبة قلبي ان شاء الله ألف سلامة ولا بأس عليه، والله يتم الشفاء يا غالية والله قهرتيني عليه، ربي يعينا على ترباية هالأولاد ونكون قد الحمل ان شاء الله.

شكراً يا عمري على ردك ودعائك وربي يحفظلك كل أهل بيتك.



لنلونتي يا قمر أولاً الحمدلله على سلامتك يا غالية وان شاء الله بتشوفيه عريس وشاب قد الدنيا ومكمل بدينه وأخلاقه.

أنا والله يا لونلي اليوم نيمتهم بغرفة الضيوف كمان فيها تختين لبين ما أجبلهم تخوت جديدة.

تسلميلي يا قمر والله لا يشغل بالك على أولادك غلا بالفرح والخير يا رب.



وعود يا حبيبتي، والله ردك وردود الصبايا أثلج صدري وخلاني حاسة إني فعلاً بين أخواتي مع العلم أنا ما لي غير أخ بس الله عوضني فيكم.

الله يسلمك يا وعود ويسلملك ولادك إلهي من كل أذى وبلاء ولا يمررك بهالتجربة يا رب... شي بيقطع القلب وبيخوف ربي يشهد انو حسيت قلبي راح يطلع من مكانه ...

أنا هادية بردودكم يا عمري وان شاء الله ما يؤمر عليك ظالم وربي يردلكم كل الدعوات يلي بتدعولي ياها بالمثل ويجعلها صحة وعافية وبراء من كل داء لكم ولأولادكم ان شاء الله.


Ammoun حبيبتي ربي ييسر أمرك ويهدي بالك وشكراً على الدعاء وان شاء الله ربي يردلك ياه بعشرة أضعاف انت وكل أخواتي يلي دعوا لي .
ربي يحفظلك أهل بيتك ولا يضركم بسوء.

رندوش يسعدلي مساك يا غالية حبيبة قلبي والله مو عارفو شو قول غير الحمدلله على كل شيء والله يبعتلكم مين يوقف جنبكم بأزماتكم يا رب ويحنن عليكم خلقه أنت وكل الأخوات الغاليات.

وانتو والله غاليات علي كتير وربي يعلم بما في الصدور.

أكيد بطمنكم والحمدلله هو اليوم ما في شي بس أنا بوكرا ان شاء الله باخده زيارة طبيب جهاز عصبي بس لأطمئن أكثر وارتاح. ربي لا يشغلك بال.

شكراً يا ست الكل للدعاء وان شاء الله ما تشوفي شر يا رب انت وأهل بيتك.


yolla حبيبتي تسلمي يا رب غاليتي شكراً لك وحمداً لله على كل ما يصيبنا.
ربي يحفظلك بنوتك ولا يضرك فيها أبداً ويسلملك أهل بيتك .

السلام عليكم ورحمة الله وبركاته..

ألف الحمدلله على سلامة آدم وربي ما يوركم مكروه أبداً .. حبيبتي ما تقلقلي .. شعورك طبيعي جداً .. والحمدلله إنو بخير ..

بنات أختي كان عمرهم 10 شهور (توأم) سبحان الله ال2 نفس الوقعة ونفس المكان على راسهم وصابهم شرخ بالجمجة وسبحان الله هياتهم بخير ولله الحمد وعمرهم 13 سنة .. ويارب تشوفي آدم شب مشورب وتفرحي فيه ويكون بألف خير وعافية وربي يحميلك ولادك وبناتك يارب..

وأسامة من شهر أيمن وقعوه من فوق التخت .. تخيلي عمرو 9 شهور .. وانجنينا انا وابوه وعلى المستشفى والحمدلله مافي شي هلأ هو بيضرب راسو بالحيط وبالأرض ..

صدقيني ربك الحامي والساتر .. وطمنينا عليك وعليه ..