أنجل يا قلبي والله أبدلتم الغم الذي في قلبي بالفرح والشكر والحمد لله دائماً وأبداً على هالأخوة يلي بعتلي ياهم...
الله يخليلي ياك وان شاء الله الرسول والملائكة تدعيلك وتحرسك انت وأهل بيتك.
والله يا أنجل من غير قصد وهاد شي من غير ما نحس نقوله في بلادنا والله أعلم ما قصدي شي، وأنا أصلاً ما كنت بعرف انها حرام إلا الآن ربي يخليلي ياكم ويجزيكم كل خير.
بصراحة الغرفة واسعة بس أنا جايبة تختين عاليين ومن تحت بيكون فيهم مكتبة ومكتب للدراسة، بس حلفت مبارح أنو آخر ليلة بهالغرفة واليوم نيمتهم بغرفة الضيوف كمان فيها تختين عاديين لبين ما أغيرلهم تخوتهم.
حقيقة يلي خوفنا أنه أول 10 دقائق كان فاتح عونو وبيتحرك وبيبحلق بس مو بشي، الله أعلم بشو بس ما كان يرد علينا وصار يدفش بإيديه وبعدها رجع نام وقال لي الطبيب أنها أثر الصدمة قال لي قومي صحي أي واحد بالأول حتشوفي بيبحلق وممكن يتصرف بغير وعي فما بالك بالولد يلي واقع ولقى كل هالضجة حواليه؟
بس الحمد لله ما بقول غير هيك وربي يباركلك بصحتك وبولادك أنجولة ولا يحرمني منكم.
أختي ليبيا قلبي ربي يخليلي ياك والله هذا لطف منك حبيبتي وان شاء الله دعواتك مقبولة ومردودة بالعافية عليكم بإذن الله.
لالي حبيبتي مشكورة على الدعاء والله يحفظك انت وعيلتك من كل سوء ولا تشوفي ولا نهار أسود بحياتك يا رب.
أنا الحمدلله بتحسن والله أن ردودكم ردت فيني الروح الله لا يردلكم طلب يا رب.
رواد حبيبتي الحمد لله الذي لطف ببنتك ، هو اللطيف الرحيم..والله موقف صعب ربي يعينك...
شكراً لك يا عمري وان شاء الله ما تشوفي شر بولادك ولا فيك يا رب.
شهد يا شهودة يا حبيبة قلبي وسلامة قلبك من الوجع يا عمري، والله ترددت قبل ما أنزل الموضوع بس ما كان لي غير الله ودعائكم يا غاليات أستنجد بها...
ربي يرزقك الزوج الصالح والذرية الصالحة ويحققلك كل مرادك يا قلبي..
اللبنانيين جامدين بس أنا والله دغري بفرط، قلبي وأعصابي متل الورقة!!!! ودايماً بدعي ربي يقويني عشان أقدر أتحمل الصدمات يلي ما في أكتر منها بهالدنيا.
ان شاء الله بطمنكم وربي لا يشغللكم بال إلا بالأفراح والسعادة.
سمسماية يا عسل شكراً يا حبيبتي وربي يبعد عنك السوء ويحفظك أنت وأهل بيتك يا رب.
أنا مقدرة كل كلمة كتبتيها لي أنت وكل الغاليات .. ان شاء الله بميزان أعمالكم يا رب....
نورتوني وخففتوا عني ربي يحميكم يا غاليات.
الروابط المفضلة