كوسى باللبن اكلة طيبة وسهلة
ملاحظة : في ناس بتحط بيضة وناس بتحط نشاء الذرة الكورن فلاور وناس بتحط طحين حتى ما ينفصل اللبن , وانا بوعدك انك لو جربت انك تغلي اللبن لوحده من دون ماء مع التحريك المستمر الى ان يغلي وساعتها ضيفي الماء المغلي مش رح يفصل معك ابدا جربيها
وشوفي الكمية اللي بتلزمك عالتقدير انا ما بحدد مقادير بطبخي
الحشوة لحم غنم مفروم خشن + رز مصري + لبن ملح
+ بهار مشكل + ثوم+ نعنع يابس + نعنع اخضر لو وجد
+سمنة النوع اللي بتفضليه -------------
الطريقة منغسل الرز ومنصفيه منحط عليه اللحمة المفرومة
مع الملح والبهار والصنوبر المحمر بالسمن منخلط المقادير
ثوم مدقوق ونعنع يابس منقلبهم شوي على النار ومنتركهم
على جنب للاخر الكوسى منحفرها ومنغسلها من الداخل
والخارج ونحشيها بالحشوة اللي حضرناها واتركي مقدار
عقلة اصبعك فارغ لا تحشيها للاخر لان الرز رح ياخد حجمه
بداخلها طبعا نضع اللبن على النار <<< طبعا بالطنجرة ههههه
التحريك المستمر للبن ضروري لان ممكن يمصل عن بعضه لو
وقفت التحريك
بتكوني خربت الطبخة ولما بيغلي منزيد عليه كمية الماء
ولازم يكون مغلي لا تحطيه بارد بطول عليك التحريك وهيك
بتكوني هونت عليك مدة التحريك اللبن صار مغلي وبعدين
ضفتي الماء المغلي خلصت الطبخة تقريبا باقي عليك تزيدي
الكوسى المحشي على اللبن المغلي وقبل الاستواء بربع
ساعة زيدي عليهم تبلة الثوم والنعنع اليابس اللي بتكوني
قلبتيهم شوي مع السمنة ولو عندك نعنع اخضر ممكن تزيني
فيه الطبق منشوف الصور
انتهى صحة وعافية
وهلاء لب الكوسى
اسلقيه شوي مش كتير خمس دقايق بيكفي حطيه
بمصفاة ولو بقي فيه كتير ماء اضغطي عليه حتى تنزل
كل المي اللي فيه دقي ثوم وملعقتين نعنع يابس
وحامض حسب الرغبة وملح اخلطيهم منيح و هالاكلة
تعتبر من المقبلات متل متبل الباذنجان والحمص بالطحينة
حطيهم بصحن واسع وصبي عليهم زيت زيتون جربيها
ومنشوف الصورة
وهي صينية معكرونة بالصلصة والجبنة واللحمة المفرومة
وهي التبولة حبيبتي
وان شاء الله يعجبكن
رد مع الاستدلال
الروابط المفضلة