|
للبحث في شبكة لكِ النسائية:
|
عضو جديد
الخبيرة فى كبة الارز تدخل بسرعه:(
اخواتى العزيزات ؛ مبارك عليكم الشهر وعساكم من عوادةالله يخليكم الى تعرف طريقة كبة الارز تخبرنى عنها انا مرة اكلتها فى الاردن عند جماعه وبصراحة كانت رائعه كانوا مسوينها مع لبن مثل طريقة الكبةالبنيةولكن بالرز وانا من يوم مارجعت من الاردن وانا احاول اعملها بس ماتضبط المقادير معى مرة تطلع يابسة ومرة مادرى شلون
والى تعرفها تكتبها لى وانا راح ادعيلها من كل قلبى ولكم منى الف سلام
النجم البرونزي
هذي طريقتي وانشالله تعجبج واهي تسوي 60 حبه كبه تقريبا
كوبين رز عادي مو بسمتي مغسول ومنقع شويه بالماي البارد ومصفى
نص كيلو لحم غنم مفروم امريكانا ويفضل طازج من اللحام
بقدونس مفروم
قليل صنوبر
شبنت مفروم ناعم
ملح
فلفل اسود
بهارات
كركم ملعقه صغيره تقريبا او حسب الرغبه
بصل ناعم
========
نسلق الرز واهم شي سلق الرز بطريقه صحيحه يعني تسلقينه بحيث مايبقى فيه ماي ويكون معجن اخر شي مو منثور وطبعا تسلقينه مع ملح وكركم
على ماتخلين الرز يبرد سوي حميسه اللحم المفروم بدون دهن نهائيا
لحم - بصل ونحركهم
ملح - فلفل اسود - بهارات ونحركهم
بقدونس وصنوبر ونحركهم
ونتركه يبرد
بعدين نييب الرز والشبنت ونبلل ايدنا شوي ونعجن وكل شوي نبلل ونعجن بس انصب ماي بس نبلله لحد مايكون عجينه تتشكل بس مو خفيفه
وبعدين شكليها بس قبل لاتاخذين كل قطعه بللي ايدج بالماي وحشي بالحشوة وسكريها
بس ديري بالج لاترققين الكبه وتقلللين سمكها عشان اذا حمستيها ماتصير يابسه ومحترقه
اذا بتقلينها على طول حطيها في دهن حار وغزير
واذا بتحطينها بالفريزر رتبيها بصحن بس مو فوق بعض عشان ماتتعجن وطلعيها قبل القلي بساعه
اهم شي انج تضبطين حمسة اللحم وعجينه العيش
بس طعمها لذيذ
بالعافيه وللتجربه سوي نص المقادير
على فكره مقادير البصل والشبنت والبقدونس اختياريه
يوعتونياللهم اني صائمه
عضو
هلا عيوني امس سويتها كاس ونصف رز مع بطاطس واحده مسلوقه والرز بعد مسلوق مظبوط وبهار وملح وبمفرمة الحم الي تطلع خيوط..فهمتيني
ثم حشيتها لحمه محموسه وبعدين بردتها شوي ثم قليتها خيالي طعمها
عضو جديد
تسلمون يااخواتى وماقصرتم وعساكم على القوة
أعضاء قرؤوا هذا الموضوع: 0
رد مع الاستدلال
الروابط المفضلة