طرق تخزين( الكوسه -- الفاصوليا الخضراء -- البسله --الفول الأخضر)
تخزين
بدون أى اضافات
الكوسه
تقشر طبعا وتغسل جيدا وتقطع مكعبات
بلاش تقطعيها حلقات
تكونى جهزتى مياه بتغلى على النار
ضيفى لها الكوسه المقطعه مكعبات وخليها تغلى
غليه واحده يعنى دقيقه واحده مثلا وصفيها فى مصفاه واتركيها تبرد خالص
وبعدين قسميها فى أكياس حسب الكميه المطلوبه
لما تيجى تطبخيها فكيها الأول من التلج يعنى ضعيها فى حله
وهدى النار عليها تفك على البخار لو عايزه تعمليها صنية فى الفرن
وتضيفيها مع باقى المكونات وتضيفى لها الشوربه
الساخنه ونص معلقة سكر صغيره
تغلى الصنيه على النار وبعدين دخليها الفرن
بالهنا والشفاء
http://www.lakii.com/vb/smile/12-63.gif
الفاصوليا الخضراء
نفس الطريقه
تقطع ثم تغسل جيدا
تضاف الى الماء المغلى لمدة دقيقه واحده
ثم تصفى فى مصفاه واسعه تفرد حتى تبرد تماما
وتعبأ فى أكياس حسب الكميه المطلوبه
عند الطبخ
انا عن نفسى اعمله فول مدمس
يعنى اضعه فى الدماسه واضع معاه ثمرة طماطم مع ليمونه بقشرها
افتحها نصين واخرج منها البزر ضرورى علشان ما يبقى فيها مراره من البزر
واتركها ساعتين على النار
يعنى تغلى الأول وبعدين اما أهدىء عليها النار
او أضعها على سخان الفول ان وجد
وبعد ما تستوى اضع كميه فى الطبق مع قليل من الزيت وملح وكمون
وبالهناء والشفاء
اما البسله الخضراء
انا أخزنها خضراء
بدون ما أضعها فى ماء مغلى
والنتيجه ممتازه
لكن ممكن تغسليها وتنشفيها كويس قبل ما تخزنيها
وعند الطبخ تضعيها فى الشوربه بدون ما تفك من التلج
عادى ما فيش مشكله
يارب اكون قدرت افيد ولو بشىء بسيط
ملحوظه علشان الخضار أو أى شىء مخزناه حتى اللحوم
تفك من التلج بسرعه
يستحسن لما تغلفيه فى أكياس يبططى أو تفردى الخضار فى الكيس وتخزنيه مفرود
حيفك فى وقت بسيط جدا وبسرعه
