بط ...بط...بط ..افيدونى افادكم الله

**weza2000** · 07-05-2008, 07:34 PM

السلام عليكم يا قمرات ...........الحقونى ارجوكم عندى بطة كبيرة ومش عارفة اعملها ازاى

كان عندى كتير سلقت وحمرت وكمان حشيت رز وفريك

..........بس عاوزة اخر واحدة تبقى جديدة
طريقة مختلفة

...........سمعت عن طريقة بتتحشى تفاح اخضر اللى تعرفها تقولهالى

وكمان اعمل ايه جنبها افيدونى بسرعة

منتظرة ردودكم

**رندوش** · 07-05-2008, 07:41 PM

اهلا وسهلا عزيزتي
بحثت ووجدت هالطريقه ارجو ان تفيدك
لمقادير:
بطة تزن 2 كيلو
ملح وفلفل
1 ملعقة صغيرة توابل
1/2 ملعقة صغيرة زبد
3 ملاعق صغيرة شرائح بصل
5 أعواد كرفس مقطع إلى أجزاء صغيرة
3 أكواب تفاح (مقشر ومقطع إلى أجزاء صغيرة)
3 أكواب كسارة خبز
1 ملعقة صغيرة زيت زيتون

* الطريقة:
- تغسل البطة جيداً، ثم تتبل بالملح والفلفل والتوابل من الداخل والخارج.
- يصهر الزبد فى إناء فوق نار متوسطة الحرارة، ثم يشوح الكرفس والبصل فى الزبد.
- فى إناء آخر متوسط الحجم تخلط قطع التفاح مع كسارة الخبز مع إضافة القليل من الماء إليهما.
- يدفأ الفرن لدرجة حرارة 175 درجة مئوية.
- يحشى تجويف البطة بالتفاح وكسارة الخبز، ويدهن الجلد الخارجى بالزيت ثم توضع البطة فى صينية لخبزها فى الفرن.
- تقدم البطة وهى ساخنة بعد تمام نضجها.

**noorelhoda** · 07-05-2008, 07:56 PM

حبيبتى حظك ان اليوم عملت بط ودايما بعمله بالطريقه دى
المقادير
بطه
2 برتقاله
كرفس
روزمارى اللى هوه اكليل الجبل
صويا صوص
2 ملعقه عسل نحل
جزر مكعبات
بطاطس مكعبات
بصلتين حوانح
ملح وفلفل واى توابل عندك وحبهان
معلقتين معجون طماطم
ثلث كوب زيت زيتون
مشمش وقراصيا
ههههههههههههههههههه لا تستغربى الوصفه دى من ايد الشيف اسامه انا اتعلمتها واصبحت معتمده عندى
شوفى حبيبتى قطعى الكرفس وقطعى البرتقال مكعبات وتبليه بالملح والفلفل والروزمارى والحبهان وياريت لو عندك
زعتر
احشى البطه بالمكونات دى
وفى طبق حطى زيت زيتون وعسل والصويا صوص والتوابل برده اللى تحبيها ومعجون الطماطم وادهنى جسم البطه كله من كل الجوانب
وهاتى صينيه كبيره حطى فيها البصل الجوانح ومكعبات البطاطس والجزر والمشمش والقرااصيا وطبعا تبليهم كلهم وحطى نص كوب ماء
وحطى البطه فوقهم واقفلى بقصدير لمده ساعه واختبرى البطه سوفيها استوت ولا لا لو استوت شيلى القصدير وشغلى عليها الشوايه من فوق تتحمر
حتعجبك موت موت موت
ولعلمك مش حتحسى بطعم السكر اللى فى المشمش والقراصيا
قدميها مع رز مفلفل
وعلى فكره ساعات بعملها جوه كيس الشواء بعمل كل اللى فات بس بدل صينيه بحطها جوه كيس الفرن وبتتطلع تحفه

**رندوش** · 08-05-2008, 08:15 AM

مشكوره عزيزتي نور الهدى
انا اليوم معزومه على بط هههههه وعمري ما عملته ولواني لي خبره في الطبخ 20 سنه
لهيك ما بقدر افيد بشي بس طريقتك حلو خالص ان شاء الله بجربها تسلمي يا عسل

**weza2000** · 08-05-2008, 09:47 AM

رندوش ونور الهدى عزيزتى مشكورات جدا على الافادة بس يا نور الروزمارى والزعتر عندىناشفين مش طازة تفرق والا هى هى وكمان ما قلتيشكمية المشمش والقراصيا قد اية كوب مثلا والا اقل احسن تطلع مسكرة
وتسلمو غالياتى

**الذوق الرفيع** · 08-05-2008, 09:56 AM

وانا متلك امبارح جابلي زوجي بطة وعمري ما عملت بط ومش عارفة شو اعمل فيها

**weza2000** · 08-05-2008, 10:02 AM

ربنا يوفقك جربى هالطرق وانشاء الله تعجبك
مشكورة حبيبتى

**noorelhoda** · 08-05-2008, 10:43 AM

كتبت بواسطة weza2000

رندوش ونور الهدى عزيزتى مشكورات جدا على الافادة بس يا نور الروزمارى والزعتر عندىناشفين مش طازة تفرق والا هى هى وكمان ما قلتيشكمية المشمش والقراصيا قد اية كوب مثلا والا اقل احسن تطلع مسكرة
وتسلمو غالياتى

حبيبتى ولا يهمك ناشفين
انا بستعملهم ناشفين لان معنديش فرش
وعارفه كوب الماء
يبقى زياده عن منتصفه بحاجه بسيطه مشمش
وبرده نفس الكلام بالنسبه للقراصيا
ونصيحتى اهتمى بالتوابل
انا باضيف توابل كتير بكميات صغيره
فلفل كمون حبهان مطحون جوزه الطيب توم باودر وممكن طازج بابريكا وساعات بضيف نص ملعقه شاى كارى
يالله ابقى قوليلى النتيجه طلعت ايه وطبعا متنسيش البطاطس والجزر بس يستحسن تقطعيهم مكعبات كبيره
انا معرفش وزن البطه كام بس لو كيلو مثلا تبقى ساعه فى الفرن وكل ماتبقى اكتر زودى الوقت

شوفى حبيبتى الرابط ده هوه منقول من احد المنتديات وانا نزلته هنا انا عملت البط مرتين بالطريقه دى هى تقريبا متشابهه بسيط مع اللى كتبتهولك بخلاق المشمش والقراصيا
دى طريقه ديك رومى بس جربتها فى البط وطلعت هايله
http://www.lakii.com/vb/showthread.php?t=390308

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: بط ...بط...بط ..افيدونى افادكم الله

أدوات الموضوع

العرض