₪وصفه متميزه₪**سمـــــــــــــك بـــــــــورى**من مطبخ شهدالملكة
السلام عليكم ورحمة الله وبركاته
اخواتى فى المنتدى العزيز- اليوم بقدم لكم طريقة السمك البـــــــــورى فى الصينية مثل طريقة المطاعم تــــــــمام وان شاء الله تجربوها وتدعولى - يلة ندخل على طول فى الموضوع - اتفضلوا
المكونات
سمك بـــــــــورى حجم وسط او كبير عشان يستحمل الفرن
ثوم مهروس ناعم
كسبرة خضراء مفرومة ناعم
نعناع اخضر طازج
فلفل اخضر حلو وحراق كمان
كرفس مفروم ناعم
كمـــــــون - شطة - فلفل احمر بابريكا- رشة كارى - ملح
ليمون معصور مع الاحتفاظ بالقشرة
طماطم مقطعة حلقات او انصص لو صغيرة الحجم
زيت زرة او زيت زيتون
بطاطس مقطعة حلقات رفيعة لقاع الصينية
الطريقة
ينظف السمك جيدا ويفتح البطن ونخرج الاحشاء ويغسل ويتبل بملح وكمون والبهارات السابقة ويترك جانبا لمدة ربع الى نصف ساعة
نخلط المكونات السابقة معا عدا الطماطم والبطاطس ونتبل الخلطة ايضا بنفس البهارات
نحضر الصينية ونفرش البطاطس فى القاع ونرشها رشة خفيفة من الزيت وشوية من الخلطة - نحضر السمك ونحشية من الداخل بالخلطة على خفيف جدا وممكن كمان شريحة بطاطس فى قلب السمك بعد ان نرص السمك جامبا فى الصينية نضع باقة الخلطة على وجه السمك وفى النهاية شرائح الطماطم وقشر الليمون - ثم نأتى بقليل من الماء نصف كوب متوسط من الماء ونصبة فى الصينية من الجنب لاجل ان نسوى البطاطس شوية اعلى البوتاجاز قبل الدخول للفرن فقط لمدة 5 دقائق ونكون مجهزين الفرن على اعلى درجة - نرش الزيت على وجه السمك ونغلفة بالزيت جيدا ثم يدخل الفرن الحار حتى يحمر الوجه ويخرج بعد الاحمرار والنضج يقدم مع الارز او الخبز البورى والطحينة
دة شـــــــــــــكل السمك قبل دخوله الفرن
ودة شــــــــــــكله بعد خروجة من الفرن
ملحوظة مهمة جدا
يجب ان يبرد السمك نسبيا قبل التقديم اى يقدم دافـــــــــــــئ وليس ساخن اى يقدم دون وجود البخار به حتى تشعرى بجمال الطعم والنكهه
وبالف هنا وشفا يا جميـــــــــــــــــــــلات لك
رد مع الاستدلال
[
كتبت بواسطة noorelhoda
الروابط المفضلة