الى الاخوات المقدسيات وخصوص ام مالك

**ام صبا وعمر4** · 01-04-2008, 03:06 AM

اختي لعزيزة ام مالك
بدي منك طريقه طبخ الجريشة على الطريقة االمقدسية
اكلتها مره عند صديقه من سلوان وسافرت واستقرت في القدس
ياريت تكتبي طريقتها مادمت من القدس
بتعملي معروف معي
وبكون ممنونة جداا لك

**سواد العيون** · 01-04-2008, 07:38 AM

بانتظار رد ام مالك
بس شوو الجريشه
؟؟؟؟

**أم مــــالــــك** · 01-04-2008, 08:17 AM

السلام عليكم ورحمة الله وبركاته
وصباح الخير للجميع
ام عمر بعتذر اذا تاخرت عليكي بالرد انا قرأت طلبك في زيارة مطبخ بس للاسف الموضوع حول للاطباق المتميزة وأغلق فما قدرت ارد عليكي
وسبحان الله الدنيا تلاهي وانسيت ارجعلك بخاص
الجريش هو حب القمح الصافي بكون مجروش على طاحونة الحجرين طريقته سهلة بس بتوخذ وقت لانه الجريش "القمح"بده وقت حتى يستوي
ممكن تعمليه على دجاج او لحمة لكن الافضل اللحمة وكمان ممكن يكون عندك باقي مرق لحم او دجاج وتعمليه على المرق لحاله
ممكن تسلقي اللحمة وترفعيها من المرق على جنب وتطبخي الجريش
وممكن تتركي الجريش يستوي مع اللحمة كيف بتفضلي كل ناس برغبوعه بطريقه بس الافضل ينطبخوا مع بعض بكون الطعم الذ واللحمة بتذوب ذوب
المقدار لكل كوب جريش بنحتاج ربع كوب ارز
بتسلقي اللحمة وبتشيلي الرغوة عنها وبتحطيلها الباقه العطرية "البصله,حب هال,ورق الغار,عودقرفه"
بعدين بضيفي الجريشه عليهم واتركيها ساعه تقريبا ثم ضبفي الارز مو ضروري يكون منقوع بس اغسليه وضفيه ولازم تتأكدي من كمية الماء تكون مناسبه ,بدا كمان نص ساعه ممكن اكتر او اقل برجع لحجم حبة الجريشه وكم بدها من الوقت على الغاز حتى تستوي
بتحضري اللبن الرايب العادي مع بيضه اضربيهم بالخلاط واسكبيه فوق الجريشه شوي شوي مع الاستمرار بالتحريك بشكل دائري علشان اللبن ما يفرط
بدها 10 دقائق على النار تقريبا وبعدين اسكبيها ولا تنسي لازم تكون خثره"جامده "
في ناس بعملوا تقلاية توم الها بس اصلا ما بتحتاج للتقلاية وصحة والف هنا وانا بالخدمه اي سؤال او استفسار

مكن تستخدمي لبن الشنينة "المخيض"خصوصا انه هلأ فترة ربيع وماشاء الله لبن الشنينة بالاردن كتير طيب

**راحيل11** · 01-04-2008, 09:23 AM

اللــــــــــــــــٌه حلوة كلمة مقدسية . يا بختكم يا مقدسيات

تســـلم ايديكي على الوصفة

**حنان(البحرين)** · 01-04-2008, 12:28 PM

جوزيتي كل خير غاليتي أم مالك على الأكله الطيبه جزى الله كل خير ام صبا وعمر التي عرفتنا بالأكله وياريت غاليتي أم مالك تعمليها بالصور

**ام صبا وعمر4** · 01-04-2008, 10:00 PM

يسلموا اايديكي اختي ام ماالك
بس القمح المجروش وين ممكن االاقيه
ومره تانيه يسلموا ايديكي وعينيكي ويبارك لك في زوجك واولادك شرحك كتير واضح
وسلس وعملتي معروف في لاني بتوحم ومش جي على بالي الا هاي االطبخه

**ام صبا وعمر4** · 01-04-2008, 10:04 PM

اختي حنان هااي الاكله فعلا رائعه ومعاكي حق تطلبيها من ام مالك
مش بس لانها لذيذه جدا وكمان لانه نفس ام مالك فيها
الله يعطيكم الصحه والعافيه جميعا يارب

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: الى الاخوات المقدسيات وخصوص ام مالك

أدوات الموضوع

العرض