مرحبا يا صبايا كيفكم
انا اليوم عملت شاكريه بس مش اي شاكريه حتوكلوا اصابعكم وراها
المقادير
لحمه خاروف مع عظم
ثوم
لبن
نشا
وزيت لتحمير اللحمه
مراميا ناشفه
ملح وفلفل
ورز مطبوخ
اول شئ تحمر اللحمه بشويه زيت حتي نشيل الزنحه وتصير ريحتها طيبه
وبعدين بحط البصل والمراميه وبحركه شوي
وبضيف الماء حتي يغلي طبعا سالتوا ليش حطيت المراميه ؟ حتي تمتص الزنخه وبتطلع الريحه زاكي وطيبه
لما الماء بغلي تطلع الزفره بشيلها وبخفف الحراره
وهون لما شيلت الزفره
وبعدما استوت اللحمه صفيتها وحطيت اللبن ومرقه اللحمه والثوم في الخلاط اليدوي وخلطهم انا بحب اخلطهم بالخلاط حتي يمتزج المرقه مع اللبن حتي لا يفرط طبعا حطيت نشا مذوبه بشويه ماء
وبعدين رجعت اللبن الي الطنجره حتي يغلي مع التحريك وبعد ما غلي اضيفت اللحمه حتي تغلي مع بعض وعدلت الملح والفلفل وطعم الثوم واذا شوفتي ان اللبن بعده ما ثقل او خفيف ذوبي نشا بشويه ماء وضيفيها علي اللبن وحركي ما تخافي ما حيفرط
وللتقديم جانبه رز بس انا زينته بقدونس لانه ما كان عندي مكسرات اعذوني وصحتين وعافيه
يمكن اضافه نعنع ناشف علي وجه اللبن بس زوجي ما بحبه
الروابط المفضلة