آلــسلآمـ علـيكمـ ورحمـة وبركـآته

قصة الطبخة هذي

تاريخ عمل الطبخة 28-01-2008 ... أيام إجازتيب الجامعية


أخليكم مع القصة


أمس بعد المغرب طفشانة وجوعانة .. دخلت المطبخ ما حصلت رز >>ما تاكل إلا دسم

فـ عصبت جوعاااااااااانة + فراغ + اجازة = الحاجة ام الاختراع

بدت أجمع المقادير وانا مافي شي في بالي أسويه


قررت آخذ من كل شي شوي واطبخ .. 2 في 1 .. اضيع الوقت + أسكت عصافير بطني


يللا ندخل في صلب الموضوع

المقادير :

حبة بصل مقطع قطع صغيرة + ((فلفل رومي+ثوم =مخلوط مع بعض فالخلاط))
حسب الطلب مو لازم لو ما تحبين الفلفل الرومي



حبة طماطم مقطع قطع صغيرة + حبة باذنجان مقطع = ترا قشرته لاني ماحب اللي فوق مادري شو يسمونه خخخخخ



حبة بطاطس مقطع قطع صغيرة .. ويستحسن تصغيرنه أكثر



حبتين من النقانق .. مقطعتهم قطع دائرية




كوب ونص من الرز .. اول شي تغسلينه ،، بعدين تحطينه فالماي لمدة 10 دقايق
وبعدين نحط الرز فالقدر +ماي +شوية ملح + زيت زيتون ((حسب الرغبة ))




طبعا تخلينه لما يفووووور وينضج ..وبكيفج تبينه يكون رطب وايد ولا شوي براحتج
انا خليته رطططططططططططططب بزيادة


طريقة عمل المقادير اللي فوق

نحمس البصل + البطاط على زيت زيتون (( ترا محطية زيت الزيتون الأصلي لانه صحي ولو ماعندج بإمكانج تستخدمين الزيت العادي ))





بعدين لما تحسين إنه البطاطس بدا ينضج ،، تحطين باذنجان



بعدها تحطين النقانق
بعدين تحطين الطماطم + ملح + بهارات
وبعد ما تخلطينه وتحسين الطماطم ذبل شوي ... تجيبين صلصة وتحطينه ((ملعقة وحدة))



طبعاً لا ننسى الرز إللي عالنار ... لما نشوفه خلاص استوى وصار تمام

نطلعه وطبعا ما يبالها شرح


وبعدين نخليه على نار هادية لما يخلص



وهذا الشكل النهائي



كأنه رز صيني من رطوبته خخخخخخخخخ


أتمنى يكون أعجبكم

تسلمين عزيزتي على الوصفه الطيبه

يسلموا ايديكي حبيبتي

تسلم ايديكي على هالاختراعات الشهيه

تسلم ايدينك اختي

اختراع جميل بس يا خسارة ما ظهرت عندي الصور الاخيرة

تسلم الايادي مشكورة بس الصورة الاخيرة ما ظهرت

مشكوره عزيزتي وصفه شهيه

تسلم ايديك اختراع لذيذ بس الصوره الاخيره برضو ما ظهرت

صورة الطبق في الاخر مو شايفة بس باين عليه روعة