مرحبا صبايا ,, الي من مبارح بحاول انزل الموضوع بيجي 5 مرات يا اما بتفصل الكهربا يا اما بيعلق الكمبيوتر يا اما فصل النت وصلت لمرحله بدي ارمي الجهاز من الشباك ,وهيني هنزل الموضوع للمره السادسه والله يستر
يلا نبلش بسرعه قبل ما يصير شي
مكرونه باشميل
-نقطع بصلتين كبار ونقلبهم علىالنار لين ما يدبلو وممكن تحطوا فلفل اخضر اذا بتحبوها حراقه وبعدين بنحط اللحمه ولمن تنشف بنبهرها ربع ملعقه صغيره فلفل اسمر وربع ملعقه صغيره بهار وملح وانتبهوا ما تكتروا بهار وممكن تحطوا شوي جوزة طيب للي بحبها
-نخلط بالخلاط الكهربائي حبتين بندوره كبار وسن تومه ومكعب ماجي وملعقه كبيره صلصه حمرا
-نحط في اللحمه ملعقتين كبار صلصه حمرا ونقلبهم شوي وبعدين نحط صلصه البندوره ونسبكها شوي
-بنسلق المكرونه في ماي مغليه عليها شوي فلفل اسمر وشوي زيت وبعدين نبردها في مصفايه
-بنعمل صلصه الباشميل بنسيح زبده على النار وبنقلب فيها 5 ملاعق طحين كبار ولمن تصفر بنحط عليها 4 كوب حليب ساخن ونقلب لين ماتسمك وتصير صوص ونحط عليها شوي فلفل اسمر وذره بهار وملح ولمن تبرد شوي بيضه وبنخلط فيها ملعقه كبيره من الصلصه الحمرا اللي هنعملها هلا
-بنرفع على النار كوب ونص ماي وعليها مكعب ماجي وبنحط ملعقتين كبار صلصه وشوي فلفل اسمر وذره بهار ونسبكها شوي
-هلا بنخلط المكرونه بالصلصه الحمرا
-بندهن صنيه زبده وبنحط عليها نصف كميه المكرونه وبعدين اللحمه وبعدين جبنه
-بنحط باقي المكرونه
-واخيرا صلصه الباشميل
-بندخلها فرن محمي مسبقا 180د لنص ساعه وممكن تاخد اكتر شوي بنحمرها
وصحتين على قلبكم ياحلوين ,, وهاي طبق لسواد العيون غلبتها امبارح لتستناني عشان تصغرلي الصور وطلع على الفاضي في الاخر
الروابط المفضلة