انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 7 12345 ... الأخيرالأخير
عرض النتائج 1 الى 10 من 66

الموضوع: ₪طبق متميز₪ العكوب لاغلى صبايا من البيت الفلسطيني (ورحلة العكوب)

  1. #1
    تاريخ التسجيل
    Apr 2007
    الموقع
    تحت سماء فلسطين
    الردود
    4,187
    الجنس
    أنثى

    المواضيع المتميزة ₪طبق متميز₪ العكوب لاغلى صبايا من البيت الفلسطيني (ورحلة العكوب)





    السلام عليكم ورحمة الله وبركاته

    طبختنا لليوم يمكن تكون غريبه على معظم الاخوات لكن معروفه كتير بالنسبه للفلسطينيات منهم

    ولانه هلاء موسمها حبيت تتعرفوا عليها عن قرب وطريقة الاعداد

    انا اليوم طبختها وحبيت تشاركوني اهم الاطباق الفلسطينيه

    اول شي بدي اعرفكم فيها اسمها العكوب

    صورته قبل القطاف (هوه النبته الشوكيه في الصوره)



    هذه صورته في الاسواق

















    والعكوب لمن لا يعرفه نبات شوكي يتواجد بكثرة في فلسيطن لا سيما في جبال الجليل
    والاغوار ونابلس، وتميزت مدينة نابلس بأهتمامها الشديد بهذا النوع من الغذاء فيطهونه على مدار العام سواء في موسمه أو غير موسمه حيث يتم تجفيفه وتجميده ليبقى محفوظا طوال فصول السنة



    و تعتبر هذه الأكلة من الأكلات التي تميز بعض المدن الفلسطينية، فهي لا تطبخ إلا لكل عزيز وغالي، ويكثر استخدامها في المواسم وخاصة في الأعياد شهر رمضان، وفي شعبان حيث يحتفل أهالي المدينة بطقوس نادرة بهذا الشهر من خلال الولائم التي تقيمها الأسر



    و العكوب كما هو أكله الغوالي في الأراضي الفلسطينية فهي أيضا هدية لها قيمتها حيث تقوم كل عائلة بإرسال كميات ليست قليلة لأقاربها المتواجدين في الخارج
    أن تناول هذه الوجبة أمر سهل جدا وممتع لكن الصعب هو اعداد هذا الطبق ليكون جاهزا للأكل، حيث تعتبر عملية الإعداد مهمة صعبة تبدأ بجمعه من الجبال ومن ثم البدأ بما يسمى " التعكيب " وتعني تنظيفه من الاشواك والقشور وهذا الامر يعتبر متعب ويأخذ الكثير من الوقت لذلك لا مناص من أن يشارك أفراد العائلة في هذا العمل.
    أما ان كان الهدف تخزين العكوب ليبقى على مدار العام فان ذلك يتطلب تجفيفه أو تجميده.




    متل ما شفتوا انه العكوب نبات شوكي وتنظيفه صعب جدا بتلاقي في نساء بتعرف تنظفه

    وفي نساء لا ما بيعرفوا بشتروه وبيعطوه لستات

    شغلتهم تنظيف العكوب في هاد الموسم وطبعا بفلوس او بتشتريه نضيف بس بكون سعره
    اغلى شوي


    اترككم مع بعض الصور عن تنظيف العكوب


    التعكيب









    وبعد التنظيف هيك بكون شكله





    هاد هلاء من مطبخي




    بعد ما نضفناه منقليه بالزيت حتى ما يصير لونه اسود في ناس بتسلقه

    هيك صار جاهز للطبخه او للتفريز

    ان شاء الله هلاء بعد ما تعرفتوا على نبتة العكوب راح اعرفكم على طريقة طبخه


    يتبع ارجوا عدم الرد
    آخر مرة عدل بواسطة حنان(البحرين) : 05-04-2008 في 07:19 PM السبب: اضافة شعار التميز

  2. #2
    تاريخ التسجيل
    Apr 2007
    الموقع
    تحت سماء فلسطين
    الردود
    4,187
    الجنس
    أنثى
    المقادير والطريقه حسب ما بعمله انا

    كيلو عكوب منظف ومقلي

    نصف كيلو لحمة خاروف

    لبن رايب مخفوق مع صفار بيضه

    بصل وثوم وملح ورشة بهار

    الطريقه

    نغسل اللحمه جيدا ونقليها مع البصل ونضيف الملح في الزيت حتى يذبل البصل

    منضيف الماء وتنركها لتستوي هيك صار عنا شورة اللحمه اللي راح نشتغل عليها

    بعد ما تستوي اللحمه نضيف العكوب للشوربه ومنتركها تغلى قليلا (انا بتركه لحتى يستوي العكوب)





    بعد ما يستوي منكون محضرين اللبن بخفقه مع صفار بيضه او ملعقة نشا ونغليه على النار شوي

    ومنسكبه على العكوب والشوربه في ناس بتحط اللحمه والبص والعوب كله مع بعض اول شي

    بس انا بحب استوي اللحمه بالاول منحبها مستويه عالاخر (ما عنا اسنان )ههههههههههههههههه



    منحركه ونتركه ليغلى اللبن قليلا

    نهرس الثوم ومنقليه ونحطه على الشوربه وصحتين وعافيه ما في اسهل منها الطبخه متل

    المنسف او الفول و مناكله مع الارز البيض


  3. #3
    lone~ly's صورة
    lone~ly غير متواجد كبار الشخصيات-نبض وعطاء
    متألقة صيفنا إبداع 1431 هـ-شعلة العطاء
    تاريخ التسجيل
    Apr 2005
    الموقع
    مدرسة الحياة
    الردود
    13,181
    الجنس
    امرأة
    التدوينات
    2
    ام ادم بارك الله فيك وجزاك الله كل خير
    زكرتينا بايام هداه البال والروقان
    الله يسهل على هديك الايام
    بجد اكله رائعه
    أكله ملوك
    متل ما قلتى
    واحلا شى فيها التعكيب بتفضلى تتشكشكى (ذكريات)
    لكن طالعه منك بتشهى
    ريتها صحه وهنا يا رب
    بالعافيه عليكم



    إحناكنا نعمله بنفس طريقتك بالضبط
    الاختلاف باخر شى
    ما كنا نضيف لبن نخليه على مرقته ونضيف ليمون بالاخر
    يمىىىىى
    لكن اكيد باللبن كمان طيب


    تسلم ايدك يامعدله
    آخر مرة عدل بواسطة lone~ly : 01-03-2008 في 06:20 PM





  4. #4
    تاريخ التسجيل
    Mar 2007
    الموقع
    رام الله --فلسطين
    الردود
    25,653
    الجنس
    امرأة
    التكريم
    • (القاب)
      • الوصيفة الأولى
      • لمسة ديكورية مبدعة
      • متميزة ركن المقبلات
      • مُبدعة صيف1431:1430هـ
      • سيدة مطبخ لكِ
      • مبدعة البوفيهات
      • فنانة التقديم
    (أوسمة)
    اخ اخ اخ اخ اكمن شوكه غزتك ههههههههههههههههه
    يسلمووووووو يا ام ادم هاى اكله فلسطينيه بحت
    شفقت عليك من الشوك هههههههههههههه
    نحمدك ربي حمداً طيباً مباركاً فيه

  5. #5
    تاريخ التسجيل
    Dec 2007
    الموقع
    حبيبتي تونس
    الردود
    1,310
    الجنس
    أنثى
    اول مره نسمع بيه

    شهيتيني نذوقو

    الله يعطيك العافيه اختي

  6. #6
    تاريخ التسجيل
    Apr 2007
    الموقع
    تحت سماء فلسطين
    الردود
    4,187
    الجنس
    أنثى
    هلا لونلي اذا بدك طبخه بعكبلك ها وببعتها لكندا

    هاي اول طبخه بشتريها هاد الموسم وعنا بعملوها كمان بدون لبن بس انا بحبه مع لبن

    مو على ادامه مشكوره لمرورك وعلى ردك الجميل

    تغريد بدك الصراح ههههههههه انا اشتريته نص منضف ونضفت من وراها للست لانه

    ما عجبني تنضيفها يعني صحلي من الشوك نصيب

    ما بعرف اذا انتوا في رام الله بتعملوها او لا

    يتسلميلي على ردك المتعاطف ههههههههه مشكوره

  7. #7
    تاريخ التسجيل
    Mar 2007
    الردود
    14,616
    الجنس
    امرأة
    يسلموا ام آدم على العكوب الظريف
    انا بحط عليه كزبرة وبقلي بصلة ناعمة وبحطا على الوجه بدل التوم
    عموما الله يسلم هالايدين
    هالاكلة كتير طيبة وانا بحب العكوب اكتر من الفول الاخضر
    بس ما قلتيلي مين ساعدك بتنضيف العكوب؟؟؟؟؟؟ههههههههههه

  8. #8
    تاريخ التسجيل
    Apr 2007
    الموقع
    تحت سماء فلسطين
    الردود
    4,187
    الجنس
    أنثى
    ام سوسو لا تزعلي مني لاني نزلت العكوب بس انت شكله مطوله لتنزلي طبختك

    ههههههههههههههه

    لسه يا ام سوسو هاد دلع كله كيلوا كمان شوي لما ينزل منيح منصير ندور على

    مين ينضفه واااااااااااااااااااااااع

    مشكوره حبيبتي على المرور

    وهاد الموضوع باسم البيت الفلسطيني منا كلنا طبعا

  9. #9
    تاريخ التسجيل
    Aug 2002
    الموقع
    جدة
    الردود
    1,129
    الجنس
    أنثى
    شهيتيني هون بالسعودية ما بعرفوه

  10. #10
    تاريخ التسجيل
    May 2007
    الردود
    14,492
    الجنس
    امرأة
    التكريم
    • (القاب)
      • متألقة ركن المعجنات
      • درة صيفنا إبداع 1432هـ
      • متألقة صيفنا إبداع 1431 هـ
      • زهرة العطاء في ركن المعجنات
      • مترجمة متميزه
      • أميرة البرتقال|لغوية بارعة
      • الذوق الراقي
      • ضياء القرآن
      • ضياء مناهل النور
    (أوسمة)
    تسلمي على الوصفة اول مرة اسمع بها يا ريت كنت جارتك حتى اذوقها.






مواضيع مشابهه

  1. الردود: 56
    اخر موضوع: 19-05-2014, 11:40 PM
  2. صيفنا إبداع: ₪₪₪₪ ₪₪₪₪ أجمل بوفتيك بانيـــه بســر خلطة .... فرح الإسلام ₪₪₪₪ ₪₪₪₪
    بواسطة فرح الإسلام في الأطباق الرئيسة
    الردود: 33
    اخر موضوع: 05-12-2013, 12:30 AM
  3. الردود: 81
    اخر موضوع: 19-11-2009, 12:28 AM
  4. الردود: 32
    اخر موضوع: 13-02-2009, 05:24 PM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ