بسم الله الرحمن الرحيم

عزيزاتي صبايا المنتدى الغالي يا هلا ومرحبا فيكم نورتوا موضوعي

والله اشتقتلكم كتير وطولت عليكم

بس بحكوا يا مطول الغيبات يا جايب الغنايم هههههههههه

ان شاء الله اكون جايبه شي حلو يعجبكم يااارب

اكيد شفتوا من العنوان انه الشغله فيها طنجره كهرباء هاد بدون طول سيرة اشتريت طنجره على الكهرباء عجبتني فكرتها وحكيت يا بنت مش غلط خلينا نشوف شو بنقدر نسوي فيها
واكيد كمان بدي اورجيكم اياها عشان الاستفاده وتبادل الافكار الحلوه وعشان تباركولي فيها هههههههههههههههه

طبعا هي

استعمالاتها متعدده وكتيره واول استخداماتها انها للبيتزا بيجوز تستغربوا بس انا راح اورجيكم صورتها عشان الفكره عندكم تزبط

زي ما انتوا شايفين استخداماتها كتيره تستخدم للشاورما
والستيك والروبيان او الجمبري والاكل الصيني والفطر وانواع متعددة بتقدر ست البيت اختراع شغلات كتيرة لاستخدامها
يعني انتي وشطارتك .....عشان هيك حبيت اليوم اسوي عليها دجاج مع البصل والبطاطا والفليفله يلا صبا يا معاي

اول شي بتخضري دجاجه مقطعه ومنظفه ومشرحه منيح
وبتقعيها بشوية صويا الصوص والملح والبهارات واكيد تومه مطحونه ناعم والفلفل الاسود
زي ما انتوا شايفين

طبعا في هاد الوقت انا بكون شغلت الطنجره للاحتماء
حتى تكون سخنة وبنحط شوية زيت زيتون في قاع الطنجره
وهاي شكل الطنجره من الخارج

وهلق بدنا نحط قطع الدجاج وبنقلب فيها لحد ما تصير قريبه على الاستواء

وبعدين بنضيف البصل الشرائح والفليفله الحاره

وهسه صار وقت اضافة البطاطا لما حسيت انه الدجاج صار قريب
على الاستواء

وبسكر الغطاء عشان يتبخر الماء وتستوي الطبخه
وكل وين وين بطل عليها وبقلبها لانها سريعة الاستواء والطنجره هاي حاميه كتييير يعني بدك تنتبهي وتضلك تقلبي

وهلأبضيف فنجان قهوة ماء
وبتركها وبخفف التيرموستات

وهاي المنظر النهائي

وبقدمها مع سلطه خضراء

وهاي منظر السفره النهائي

وصحتين وعافيه ياااارب

وانتظروني مع الحلقه التانية من مسلسل الطنجره هههههههههههههههه
بس بركن المعجنات

سلاااااااااااااااااااااااااااااااااااااام موااااااااااااااااااااااه

وأنا أول واحدة بقول لك ألف مبروك الطنجرة وألف صحة على قلوبكم الطبخة اللذيذة..

بس قوليلي بشو بتختلف هاي الطنجرة عن طنجرة الضغط والبخار أو حتى المقلاية؟؟

بسال لأني جربتها ولقيتها نفس المقلاية التيفال يلي لها غطاء بس طبعاً أسخن منها... وما بقيت استعملها ومركونة على جنب

يعطيك ألف عافية يا أم أيهم حبيبتي...

ما شاء الله ما شاء الله تبارك الرحمن
اول شي الف مبرووووووووووووك ما اشتريتي يا عسل
شو هالاكلات الطيبه هاي
شي بشهي والله
السر مش في الطنجره يا قمر
السر في حبيبتنا ام ايهم ونفسها الطيبه في الطبخ ممممممممممممممم روعه
من ايدين ما ننحرم منها يا عسل
ريتو صحه وهنا حبيبتي
ويعطيكي العافيه يارب

كتبت بواسطة لبنان وحبايبه

وأنا أول واحدة بقول لك ألف مبروك الطنجرة وألف صحة على قلوبكم الطبخة اللذيذة..

بس قوليلي بشو بتختلف هاي الطنجرة عن طنجرة الضغط والبخار أو حتى المقلاية؟؟

بسال لأني جربتها ولقيتها نفس المقلاية التيفال يلي لها غطاء بس طبعاً أسخن منها... وما بقيت استعملها ومركونة على جنب

يعطيك ألف عافية يا أم أيهم حبيبتي...

يا ميت هلا فيكي والله يا ام اللول والله يبارك فيكي يارب
انا كمان الطنجره عندي من زمان ومركونه على جنب لاني ما كنت كتير مقتنعه فيها بس في صديقه الي جربتها وحكتلي انه الطعم للاكل بطلع فيها اله مذاق خاص
فقررت اجربها وفعلا وجدتها مميزه لانها بتخلي الاكل طري يعني مو زي المقلاه وبتعطي طعم مميز للاكل بداخلها
وهي بتختلف عن المقلاة لانها بتغط الاكل بداخلها ومو متل طنجرة الضغط لانها ما بدها
تسكير وطنجرة الصغط فكرتها كتير بتختلف عن هالطنجره
ومن مميزاتها انك بتقدري تسوي عليها كتير شغلات بنفس الطنجره
واهم شي البيتزا وبعض المعجنات كمان يعني استخداماتها متعدده
وطبعا انتي اللي بتتحكمي فيها يا ام اللول وبتقدري تستفيدي منها قدر الامكان
ما عليكي معلم انتي ست النسوان يا عسل
ويسلموا على الرد حبيبتي

كتبت بواسطة ام شهد وحلا

ما شاء الله ما شاء الله تبارك الرحمن
اول شي الف مبرووووووووووووك ما اشتريتي يا عسل
شو هالاكلات الطيبه هاي
شي بشهي والله
السر مش في الطنجره يا قمر
السر في حبيبتنا ام ايهم ونفسها الطيبه في الطبخ ممممممممممممممم روعه
من ايدين ما ننحرم منها يا عسل
ريتو صحه وهنا حبيبتي
ويعطيكي العافيه يارب

ام شهووووووود يا ميت هلا فيكي والله
والله يبارك فيكي يااااااقمر والله حكيك الحلو بجنن
وخجلني كمان وبعدين شو انا جنبك ما انتي كمان ما في متلك واكلااااااااتك يممممممممممممممممممممممممممممممممم
شي بفتح النفس والله
والله يهنيكي عمرك ياااااارب
خلينا نشوفك يا عسل

أختي أم أيهم تسلم الأيادي
طبق رائع وشهي
أنا أيضا أستعمل الطنجرة هذه
خصوصا مع المكرونة وهي شهية جدا
لكن لا أعرف كيف نزل الصور
سلام حار لك نترقب المزيد من الأطباق

يسلموو ام ايهم
او ل شي بحب اباركلك على الطنجره الجديده
وعقباالي ياااارب
ههههه
وتاني شي انتي السر فيكي
مو بالطنجره
وشو ما بتعملي بيطلع طيب وبيشهي
وانا كتير بعجبني طرريقه طبخك ومعجناتك وحلويااتك
يا عم معدله
ما شاء الله عليكي
ويسلموو كتير على الوصفه الرائعه متلك يا روووز

احلاااااااااااااااااااااا ام ايهم الف مبروك الطنجرة والله ممتازة تتهني يارب وبنستنى ابداعاتك واكلك الزاكي .

يسلموا ايديكي ام ايهم
ومتل ما قالت الاخت سواد العيون السر فيكي مش بالطنجره
يعني انت ست المعدلات شو ما عملتي
والف مبروك على الطنجره وعلى فكره في منها بالاردن بتنصحيني اشتريها
الله يعطيكي العافيه

جميله ام ايهم..ما شاء الله..مباركه عليك ان شاء الله

و في الهنااااااااو الفرح دايما يا رب..