شعار₪موضوع متميز₪ البازلاء....واطيب طريقتين لطهيها .(برأيي).
بسم الله الرحمن الرحيم :
الحمد لله هدا ثاني طبق اللي في منتدانا الغالي وان شاء الله تكون بداية موفقة يا رب
خلينا نبدا بالصلاة على حبيب الرحمن عليه الصلاة والسلام :
مرقة البازلاء الحمراء .
المقادير حسب افراد الاسرة انا عملت الكمية لثلاث اشخاص:
كيس بازلاء ,جزر مقطع مربعات , لحمة حسب الرغبة (انا جوزي ما بحبها كتير مع الاكل فما كترت)
بصلة صغيرة, سنين ثوم ,
بهارات (فلفل اسود , بهارات مشكلة , كمون , فلفل احمر ) اكيد ملح حسب الرغبة .
عصير البندورة او دبس البندورة المحلول بالماء .
ما صورة الكل مشان ما تكتر الصور هههههه.
وهلق بنبدا بالطريقة:
نحمس البصل والثوم مع بعض بشوية سمنة ليحمروا شوي بعدين بنضيف اللحمة وبس تستوي شوي يعني شي خمس دقائق بنضيف الجزر ,بنقلب شوي وبنضيف البازلاء مع التقليب ,بعدين بنضيف البهارات وبتتقلب مع اضافة شوية مي مشان ما يحترقوا ولازم ما تنشف المي اللي فيه يعني كل ما تقل المي بنزيدها متل الصورة:
بعد ما تستوي المقادير (يعني بعد شي نصف ساعة )
بنضيف عصير البندورة وبنتركها تتعقد (تتسبك) كمان شي ثلث ساعة
وبتتقدم مع المخلل و الرز والفلفل الاخضر وصحتين وهنا .
وهدا صحن للجوعانة كتير ههههه.
اما الطبق الثاني فهو الرز بالبازلاء مع الجزر:
المقادير تقريبا متشابهة بس اللحمة مفرومة وبصلة صغيرة كتير وجزر ووبهارات حسب الرغبة وبازلاء و الرز المنقوع حسب افراد الاسرة واكيد بدون عصير البندورة ههه:
اما الطريقة :
بنحمس البصلة بعدين اللحمة وبعدين الجزر و البازلاء وبنضيف الماءوبس تستوي المقادير بنشيل شوي من الخلطة على جنب وبنحط مقدار الماء الكافي لطهي الارز بنضيف الرز المنقوع ويطبخ كالعادة وبعد الاستواء والسكب تضاف( الكمية الي حطيناها على جنب) على وجه المنسف مع رشة فلفل اسود صغيرة على الوش وهي صحن تاني :
واكيد مع المخلل وصحتين وهنا ولا تنسوني من الدعاء .
رد مع الاستدلال
الروابط المفضلة