كان نفسى اعملهالكم بالصور عشان تكون واضحة
بس للاسف جوزى من اعداء اى حاجة فيها خل وبالتالى مفيش امل اعملهالكم بالصور ابدا
قلت اقولكم الطريقة واللى تعجبها تعملها وتصورها
اولا نجيب حوالى نص كيلو بتنجان ابيض العاااااااادى اللى بنستعمله فى المحشى مش بتنجان المسقعة الرومى وممكن الاسود بس الابيض طعمه احلى
وفلفل اخضر قرون برضه مش فلفل رومى بس القرون الكبيرة
ونعمل خلطة التوم بالملح و الكمون و الشطة اللى بنعملها للبتنجان المخلل
ونشق البتنجان و الفلفل وهم نييين كاننا بنعمل بتنجان مخلل ونتبلهم بالخلطة
ونجيب صينية تنفع تتحط ع النار المونيوم او استانلس
ونرص البتنجان و الفلفل
وبعدين نجيب طماطمتين او حسب كمية البتنجان ونقطعهم شرائح فوق البتنجان
وربع كوب خل نصبه بالتساوى على البتنجان و الفلفل والطماطم
وربع كوب زيت برضه نصبه مع التوزيع على الصينية
ونغطيها باى حاجة ونحطها على ناااااااار هااااااااادية
حتى ينضح البتنجان و الفلفل
جربوها على ضمانتى ومش هتندمو ابداااااااااااااا

ماشاء الله تبارك الله..

تسلمين عزيزتي على الوصفه الطيبه

ملوكة ممممممممممم شهتيني يا بنت باين عليها تجنن ..

تسلم الايادي حبيبتي..

كتبت بواسطة عابرة الدنيا

ماشاء الله تبارك الله..

الف شكر عابرة الدنيا
ويااااااااارب تجربيها وتعجبك

كتبت بواسطة حنان(البحرين)

تسلمين عزيزتي على الوصفه الطيبه

الف شكر لمروك وتشجيعك يا حنونة
كان نفسى انزلك صور والله بس جوزى حالف على الخل ما يدخلش البيت
ههههههههههههه

كتبت بواسطة ward_84

ملوكة ممممممممممم شهتيني يا بنت باين عليها تجنن ..

تسلم الايادي حبيبتي..

تسلمى يا ورد بالهنا و الشفا مقدما
جربيها وابعتيلى شوية

تسلم ايدك

يسلموا ايديكي حبيبتي

يسلموو ايديك ملك على الوصفه