السلام عليكم ورحمة الله وبركاته
يا واتي زوجي طلب منى اكلة صينية اسمة شيكن لومين هاي الاكلة تتكون من جاج مسحب مقطع و اسباغيتي و بصل اخضر و جزر و خس او ملفوف على ما اعتقد ارجوكم ساعدوني بسرعة جزاكم الله خير

كان بودي اساعدك عيوني بس شكلو بيدي حدا يساعدني اهلا وسهلا فيكي......................................!

يا سبحان الله كنت بدي اسأل عنها لأن الناس بكندا دائما يطلبوها في المطاعم واشوفهم واتحسر لان اللحمة حرام واتمنى اعرفها ............يا ريت وحدة من الاخوات الي هون تكون بتعرفها .

أما هذه طريقتي إنشاء الله تعجبك...
المقادير:
نصف كوب زيت الفول السوداني أو ربع كوب زيت السمسم أو زيت الذرة
فلفل حار حسب الرغبة
نصف كوب جزر مقطع
صدور دجاج أو أوراك
بصل أخضر مفروم
3 م ثوم مفروم
نصف كوب ماء
4 م سوي صوص (soy sauce)
4 م خل أبيض
4 م نشاء
1 م سكر
باكيت من الشعيرية الصينية الخاصة لهذا الطبق

-سخني الزيت ثم أضيفي الجزر وقلبيه حتي يدبل قليلآ (مع الجزر يمكنك إضافة الخضار التي تريدينها مثل الملفوف المقطع والفلفل الأخضر والأحمر البارد المقطع قطع كبيرة).
-الآن ضعي الدجاج علي الخضر وأطبخيه الي أن ينضج.
-ضعي اليصل الأحضر والثوم وأطبخي لمدة 3 دقائق الي أن ينضج الدجاج تمامآ.
-في وعاء آخر أخلطي الماء البارد مع الsoy sauce والخل والسكر و النشاء.
-أضيفي الصوص للدجاج وحركي حتي يتخن الصوص قليلآ.
-أطبخي الشعيرية بإتباع الإرشادات علي الباكيت.
وفي طبق التقديم ضعي قليل من الشعيرية وفوقها مزيج الدجاج...وصحتين

ولا تنسي تبعتي شوية لستار و زينب

اخت ام شهد انا بعرف النودل لابيض الرفيع جدا الي مثل الشعيريه هل هذا قصدك .بتعبك معي بس شو بدي اعمل حابة اعملها وما افشل بدي اسالك عمرك جربيتي تعمليها .

الله يسلمك ام شهد
يا ريت لو تكتبيلي اسم الشعيرية بالزبط .

هلا بزينب ..ياستي الشعيرية موجودة في المحلات في قسم الأكلات الصينية orintal food
وإسم الشعيرية Rice noodles .

ممكن كمان إستعمال الرز بدل الشعيرية..وإذا بدك أي سؤال أنا حاضرة

ولو.يا زوزو تعبك راحة..
الشيعيرية البيضة واحدة من الأنواع وأنا بصراحة بحب الشعيرية الي حكيتلك عليها لاكن ما جربتش الشعيرية البيضة ..ممكن إتجربيها وتقوليلي.
شعيرية الرز موجودة عادتآ في نفس القسم مع الأنواع الأخري من الأكل الصيني..
إسمعي إنتي وين ساكنة في كندا علشان أخبرك عن أسماء المحلات الموجودة فيها.

اهلين فيكي ام شهد
_________انا في اوتاوا .بتعرفي انا ما بستخدم غير الشعيرية تبع الرز فقط للرز والماجي علشان هيك خايفة اشتري نوع غلط.......فقط اوصفيلي الباكيت لونه مثلا لأنك حاطه اسمه ورايحة ابحث على الاسم وان شاء الله يكون البحث سهل علي .والف شكر لكي .

في أتوا محلات الخضرة مثل
الprice chopper ..food basic..dominiom..lablaws
وكلها متوفر فيها هذه الشعيرية وبتكون في باكيتات مختلفة..
أسهل شيئ لما تروحي المحل تسألي حد بيشتغل هناك وأكيد حيديلوكي..
وخبريني شو صار معك