السلام عليكم حبيباتي:
كنت عم استرجع ذكرياتي القديمة و اتذكرت أول طبخة عملتها بعد الزواج صرت أضحك على حالي من الموقف فخطر ببالي أسألكن هالسؤال،شو أول طبخة عملتوها بأنفسكن بعد الزواج و شو كان موقف الزوج منها؟؟!!
بالنسبة إلي عملت فاصوليا خضرا مع اللحمة و جنبها رز، هي الأكلة طلعت طيبة و طول الوقت أنا مع ماما على التلفون ، بس المشكلة أنو بما أني كنت عايشة ضمن عيلة كبيرة و متعودة على الكميات الكبيرة رحت طبخت بالطنجرة الكبيرة و ضلينا أربع أيام ناكل فاصوليا لحتى طلعت من عيوننا. و صرت بعديت عير بالصحن على قدنا لأنو جوزي بيحب الأكل الطازج دايما"، بس بالأول مرقها.
على فكرة أمي و خالتي و أختي كمان أول طبخات عملوها الفاصوليا و بالصدفة ما بعرف يا ترى إذا في علاقة بين الفاصوليا و الوراثة؟؟!!
يلا احكولي أنتو شو صار معكن
الروابط المفضلة