شكرا لك ياحنان افدتينى جزاك الله خيرا

شكرا لك يانورالهدى فكرة الورقة دى كانت تايهه عن بالى بس فكرة جميلة ان شاء الله هاعملها من الأن جزاك الله خيرا

ازميرالدا حبيبتى زوجك ما شاء الله عليه انا زوجى كل لما اقوله تحب تأكل ايه يتنرفز عليه ويقولى انا مابحبش السؤال ده اللى تعمليه انا هاكله هوه انا فاضى افكر فبضطر اسألكوا وأدخل المنتدى عشان اعرف شوية اكلات اعملها جزاك الله خيرا

شكرا لكل الأخوات اللى افادونى

ايوتا االبنات قالولك كل الاقتراحات ماشاءالله
بس انا حبيت اسلم عليكم
لان بقالنا كتير مبنتقابلش
مش عارفة ليه على راى يا هند اتفرقنا كلنا

ملوكه كيفك انتى كتير وحشتينى بس انا اللى مقصره معاكم لأنشغالى غصب عنى بس كل لما ببقى فاضيه بكلمكوا انتى عارفه الدنيا تلاهى

السلام عليكم ورحمة الله وبركاته :
أنا سأنصحك كالتالي : سجلي الأكلات لخلال أسبوع ، وسجلي لوازم هذه الأكلات ، واشتري لوازمك ، وحافظي عليها ، فالتي تحتاج للبراد ضعيها فيه والتي لا تحتاج براد ضعيها بخزائن المطبخ المخصصة لها ، وهكذا لن تذهبي للسوق يوميا ، وتكون لوزمك عندك خلال أسبوع . أنا هكذا أعمل ، لكن أكتب طلباتي لزوجي وهو الذي يشتري وأحيانا أكون برفقته
أرجو أن أكون قد أفدتك

الاخت العزيزه ايوتا السلام عليكم اولا الصلصه مادامت فى الثلاجه وو عليها زيت من اعلى و محكمه الغلق فلا ضرر ابدا منها زيها زى الصلصه اللى فى البرطمانات
اما بالنسبه لزوجك الذى يكره السؤال اليومى عن الاكل فجوزى ايضا يشكو من ذلك بس احنا حلينا الموضوع ده كل اول اسبوع بشوف المتاح من الاكل عندى ( يعنى عندى فراخ لحمه سمك خضار ) و اعمل جدول للاسبوع الكامل و هو يختار بالترتيب اللى هو عاوزه و اضع الجول ده امامى و كل يوم اعمله بدل السؤال الممل

مثلا : السبت باميه مع اللحم و طبعا ارز و شوربه و سلاطه
الاحد صينيه فراخ مع البطاطسالبيضاء اى بدون صلصه فى الفرن و سلطه ذبادى
الاثنين كشرى
الثلاثاء مكرونه حمراء بالصلصه و فراخ بانيه ................... و هكذا

اتمنى ان اكون قد افدتك