السلام عليكم ورحمه الله وبركاته *****
جهزت لكم طريقه السمك المشوى فى البيت ووالله احلى كمان من الجاهز لانه بيتى ومضمون
يالله نبدا
سمك بورى كبير طبعا على حسب عدد الاسره
انا شويت اربعه
علبه سبايسى للسمك المشوى وده شكلها
المرفق 75596
تجيبى الخلطه وتضعى عليها شويه ماء وزيت وتدهنى السمك من جوه وبره كويس اوى زى كده
المرفق 75597
وتضعيه فى الثلاجه اطول فتره ممكنه اه نسيت اقول لكم ممكن تعصرى عليه ليمون وممكن تحشيه بصل او طماطم وبقدونس انا عن نفسى اوقات احشيه واوقات لا لكن المره ديه مش حشيته تبلته بس بالخلطه
بعد كده عند الشوى لازم يكون عندك صاجه كبيره للشوى تضعيها على البوتاجاز على الشعله العاليه وتجيبى السمك تدهنيه زيت وبعدين تضعيه فى رده كتيره تمليه كله زى كده
المرفق 75598
وبعدين تضعيه على الصاجه وهى ساخنه والنار عاليه وتسبيه شويه لحد لما الوش الاول يتشوى وتقلبيه على الوش التانى وتعصرى عليه ليمون وهو بيتشوى وده شكله بعد الشواءعلى الصاجه
المرفق 75599
وبعدين تقدميه مع ارز بالبصل وانا عملت معاه شوربه جمبرى خطيره وده شكلهم
المرفق 75600

على فكره انا قاعده على النت مستنيه ردودكم الحلوه

العزيزه ساره انا اول واحده ارد على موضوعك يعنى لازم تكافئينى وتعطينا سمكه وعندى ليكى سؤال انا معنديش صاجه بس عندى صينيه تيفال كبيره بستخدمها كقاعده لخبز المعجنات ممكن استخدمها وشكرا على الوصفه الجميله

تسلم ايدك يا سارة انا من هواة السمك المشوي جدا بس باحب البلطي اكترلكن ما دام من ايدك يبقى كله مقبول ولأني باحب السمك المشوي جدا نورت لك الصور علشان تكون اوضح

الفكرة حلوة.. يسلمووو.. شكله بيشهي
ممكن تقول لي شو هي الرده وهل لها اسم ثاني؟

الردة هي النخالة
عفوا ياسارة رديت بدل منك

كتبت بواسطة roza1

تسلم ايدك يا سارة انا من هواة السمك المشوي جدا بس باحب البلطي اكترلكن ما دام من ايدك يبقى كله مقبول ولأني باحب السمك المشوي جدا نورت لك الصور علشان تكون اوضح

حبيبتى اولا اشكرك على تنوير الصور
ثانيا السمك البلطى جميل طبعا بس انا بحبه مقلى لانى جربته مشوى ومعجبنيش انا وزوجى
حبينا اكتر البورى

كتبت بواسطة roza1

الردة هي النخالة
عفوا ياسارة رديت بدل منك

ولا يهمك حبيبتى انا بجد مكنتش اعرف اسم ليها غير الرده

كتبت بواسطة noorelhoda

العزيزه ساره انا اول واحده ارد على موضوعك يعنى لازم تكافئينى وتعطينا سمكه وعندى ليكى سؤال انا معنديش صاجه بس عندى صينيه تيفال كبيره بستخدمها كقاعده لخبز المعجنات ممكن استخدمها وشكرا على الوصفه الجميله

مشكوووووره حبيبتى على ردك اول واحده
بس انا اسفه السمك دمرناه من كتر جماله
يالله المره الجايه انتى معزومه عندنا
وعلى فكره انا على ما اظن ان الصينيه التيفال مش هتنفع فى الشوى ممكن تجرح وانتى بتقلبى السمك وتبوظ منك ممكن تستعملى صاجه الفرن
او اى صينيه اخرى

تسلم ايديكِ حبيبتي على الوصفه الطيبه