شعار₪طبق متميز₪ تعالوا شوفوا طريقتي بتقديم شوربة العدس كوجبة رئيسيه بالصووووووور
بسم الله الرحمن الرحيم
بعد التشجيع منكم طبعا حبيت انزل كمان وكمان أطباقي للفائده طبعا
امس عملت شوربة "احمر"وانا في ايام الشتى والبرد بحب اقدمه كوجبة رئيسيه مو شوربه على المائده مع اصناف اخرى اتفضلوا المقادير والطريقه وطبعا رح تلاقوها كتير سهله وسريعه وزااااااااااااااااكيه أهم شئ
المقادير :
2 كوب عدس أحمر "مجروش"
2ليتر ماء صافي
1بصله كبيره
10ملاعق زيت زيتون"الطعم كله بالزيت لاتحكي كتير 10"
خبز عادي "رغيف" طبعا كمية الخبز حسب حجم الرغيف من بلد لبلد بختلف
ملح
فلفل اسود
كمون مطحون
الطريقه :
بنفرم البصله صغيره وبنقلبها بالزيت كله حتى تتحمر وتشقر بنكون غاسلين العدس ومنظفينه بنحطه على البصل وبنحركه لمدة دقيقه نضيف الماء بعد دقيقه ويفضل ان يكون الماء ساخن نتركه على الغاز مدة 45 دقيقه بالطنجرة العاديه وانا بعمله بطنجرة الضغط بس بوخذ وقت 10 دقائق نفتح طنجرة الضغط ونضيف رشة فلفل اسود ملعقة صغيره كمون مطحون وملح حسب الرغبه ونتركه 5 دقائق
بعد هيك بنكون فاتين الخبز بجاط وبنسكب الشوربه فوق الخبز بحيث يكون الخبز مشبع جيدا بالعدس ويزين بالسماق والبقدونس او البصل الاخضر يقدم مع المخلالات وصحتين وعافيه أتركم مع الصور
ان شاء الله يعجبكم الطبق ودعواتكم لي
اختكم ام مالك
رد مع الاستدلال
كتبت بواسطة ام ادم 007
الروابط المفضلة