اهلا بنات لك الحلوين
طبعا لا يخفى عليكم اهمية العدس الكبيييييييرة وخصوصا فى الشتاء
وانا قلت اكتبلكم كل الوصفات اللى اعرفها للعدس مجمعه مع بعضها
اول شئ لازم نغسل العدس" الاصفر طبعا"
وبعدين نحطه فى حلة مع بصلة وكام فص توم حسب كمية العدس وملح وكمون وزنجبيل وشوية مية
ونستنى لماالعدس يستوى
وبعدين نحطه فى الخلاط ونصفيه
ممكن نخفف العدس بشوربة فراخ او بمية ويتقدم على كدة ويتحطله ملح ولمون عند الاكل
وممكن نضيف خضار للعدس اثناء السواء لزيادة قيمته الغذائية
مثلا جزر بطاطس كوسة
وممكن نحمر شعرية فى حله وبعدين نصب عليها من شوربة العدس السابقة ونسيبها دقايق قليلة حتى تستوى الشعرية ونخف بمية برضه حتى نحصل على السمك المطلوب وتبقى شوربة عدس بالشعرية
وممكن نحط العدس فى حلة ونضيفله قليل من الارز المصرى المغسول
ونتركه حتى يستوى الرز ويكون ذو قوام غليظ شبه الكشك
ونغرفه فى اطباق
وبعدين نحمر بصلة زى بتاعت الكشرى
ونرشها على الوجه وده يتاكل مع بصل اخضر
وبالهنا و الشفا
وانصحكم تتوصوا بالعدس شويتين مع قدوم الشتا لانه فعلا بيمنح احساس بالدفء وطاقه للجسم
وفى فوائد غذائية كبيرة جدا
رد مع الاستدلال
الروابط المفضلة