شعار₪طبق متميز₪ ارز محشي بالدجاج والخضره ** طريقه جديده تعالوا شوفوها**
السلام عليكم يا صبايا
انا قبل فتره ... كنت مطلعه صدور دجاج .. وما كنت عارفه شو اطبخ
بس فكرت اني بالعاده بحشي الدجاج رز .. ليه ما اعمل العكس
فاذا كانت المقادير مش دقيقه كتيير سامحوني
لان الطبخه كانت وليدة اللحظه .. آسفه ازا طولت عليكم
حاكتب المقادير خلال الطريقه
الطريقه
ممكن تبدأي بالرز أو بالدجاج
صدور دجاج .. مقطعه لمكعبات صغيره .. تنظف وتتبل بملح وبهار
في وعاء على النار .. ملعقتين زيت نضيف بصله مفرومه ونقلبها شوي
نضيف الدجاج ونقلب لمدة بسيطه
نضيف مشروم ... طازج او علبة من المشروم المقطع
نقلب الجميع حتى ينضج الدجاج .. لا يأخذ وقت لانها قطع صغيره
نقطع خضره .. فليفله خضرا وحمراء وصفراء وجزر مكعبات
نقلبهم لحالهم شوي في ملعقة صغيره زيت .. اول شي الجزر حتى يلين بعدين نضيف بقية الخضرا
نقلبهم شوي نضيفهم بعدها للدجاج والفطر
يا صبايا انا ماحطيت قطع طماطم .. لاني ما بدي اياها تكون مرقه او فيها ميه كتيير
بس كان فيه شوي من عصارة الدجاج والخضره بتعطيها شوية طراوه
وضفت جبنة موزوريلا مبشوره .. ازا ما عندك ضيفي شيدر
اضبطي الملح والتوابل
لهون كانت الريحه بتشهيييييييييييييي
3 كوب ارز مصري .. طبخته او سلقته عادي
وضفت للرز جبنه مبشورة + ملعقتين او 3 زبده طريه
ممكن تستعملي مرجرين
في صينية او ممكن تستعملي قالب كيك
دهنتها زبده ورشيتها بفتات الخبز
ثلاثة ارباع الرز غطيت فيه القاع وجوانب الصينية
متل الوعاء
سكبت خلطة الدجاج
وبقية الرز غطيت فيه الوجه
يعني عملت الرز متل تغطيه حول الدجاج
حطيتها في الفرن على درجة حراره متوسطه
لمدة ثلاثة ارباع الساعه او حتى يحمر الرز او وجه الصينيه
نخرجها من الفرن .. وتقدم ساخنه
انا هون كنت كتييييير خايفه .. لانها يمكن ما تظبط .. وتفرط معي
بس الحمدلله .. ظبطت وطلعت متماسكه
و طلعت طييييييييييييييييييييييييييييبه كتيير
زينتها بعروق نعناع اخضر
الزبده والجبنه خلت الرز يتماسك
واعطته لمعان
هذا منظرها من الداخل
بعد التقطيع
والصحن هاد ممممممممم لمين ؟؟؟؟
ان شاء الله تعجبكم يا صبايا
انا كنت كتيير مبسوطه لانها عجبت اهل البيت عندي
والمره الجايه راح اعمل بجنبها صوص لاني لما سخنتها بعدين كانت بحاجه لسوائل
فممكن تنعمل صلصة طماطم ... مع بصله واعشاب عطريه
دمتم بود يا اغلى الصبايا
السلام عليكم ورحمة الله وبركاته
اعذروني لغيابي 
*
*
رد مع الاستدلال
كتبت بواسطة تغريد2007
الروابط المفضلة