شعار₪موضوع متميز₪من المطبخ الدمياطي...رز بالجمبري وطاجن جمبري....اتفضلوااااااا

**هناء روح** · 15-11-2007, 09:49 AM

اخواتي في الله.. انا من دمياط ودمياط مشهورة بالبحريات وتنوع طريقة طبخها
جبتلكو وصفتين يمكن تعرفوهم.... حبيت اشارككم بيهم

رز صيادية بالجمبري

المقادير(حسب عدد افراد الاسرة)

بصلة كبيرة
كمون
ملح وفلفل
كسبرة مطحونه
ملعقة صلصة
شوية كركم
الجمبري مش عارفة بصراحة موزنتش عملت بالنظر
رز مصري مغسول ومنقوع قليلا

الطريقة:
نقطع البصل شراءح ونحمرها حتي يغمق لونها وحسب ماانتي عايزة لون الرز لو غامق احرقي البصلة شويه مش اوي ليشييط

بضيف للبصلة وهي بتتحمر شوية سكر حوالي ملعقة صغيرة بتعطي لون وطعم
لما توصل للون مناسب احط الماء وكل البهارات والصلصة وغطيها
خليها تغلي كتير لحد ماتنزل اللون في الماء وحطي الجمبري وطبعا الملح
الجمبري مش بياخد وقت في الطبخ
اول متحسي انه ابتدا يستوي حطي الرز وماتنسيش تظبطي كمية الماء في الاول
هدي النار
وصحة وعافية

الجمبري لما حطيته في ماء البصل

طاجن الجمبري

المقادير:

جمبري حسب عدد افراد الاسرة
بصلة كبيرة
2فص ثوم
حبة طماطم مقشرة كبيرة
صلصة
فلفل اخضر صغير
ملح وفلفل
كمون
كسبرة ناشفة
جوزة الطيب

الطريقة:

في نلس بتحب تحط كله ني وتحطه في الطاجن وتدخله الفرن
انا بحب احمر البصلة شوية عشان تستوي معاها الفلفل والثوم
بعدين الطماطم وكللله مقطع مكعبات صغيرة
بعدين حطي الصلصة والبهارات والماء
خليهم يغلو وحطي الجمبري
يغلي شويه وصبيه في طاجن او صينيه
دخليه الفرن يكمل التسوية وتنشف الصلصة شوية
بقدم مع الاكلة دي سلطة خضرا وسلطة زبادي وسلطة طحينة

طريقة تقديم اخرى مع السمك المقلي

**حنان(البحرين)** · 15-11-2007, 01:39 PM

تسلم ايديكِ عزيزتي على الأطباق الشهيه

**سكره منوره** · 15-11-2007, 01:48 PM

ماشاء الله شكله شهى
تسلم ايديك يا قمر

**لبنان وحبايبه** · 15-11-2007, 01:50 PM

الله يسلم يداك حبيبتي.....أطباق شهية وطريقة تقديم أشهى...

**sama_sehab** · 15-11-2007, 10:47 PM

ماشاء الله تسلم ايديكي وحشتني دمياط ومصر كلها

**هناء روح** · 16-11-2007, 10:55 AM

كتبت بواسطة حنان(البحرين)

تسلم ايديكِ عزيزتي على الأطباق الشهيه

تسلمي ياحنونة شكرا لك

**هناء روح** · 16-11-2007, 10:57 AM

كتبت بواسطة سكره منوره

ماشاء الله شكله شهى
تسلم ايديك يا قمر

منورة ياسكرة هههههههههههه
تسلميلي

**هناء روح** · 16-11-2007, 11:01 AM

كتبت بواسطة لبنان وحبايبه

الله يسلم يداك حبيبتي.....أطباق شهية وطريقة تقديم أشهى...

تسلمي لبنان وحبايبه
بارك الله بك

**هناء روح** · 16-11-2007, 11:02 AM

كتبت بواسطة sama_sehab

ماشاء الله تسلم ايديكي وحشتني دمياط ومصر كلها

مين سمعك ياحبيبتي...مرحتش السنة اللي فاتت وهتهبل
ربنا يكرمك...شكرا ليكي

**ghada_osama** · 16-11-2007, 11:04 AM

تسلم الايادى يا قمرررررررررررررررر
ماشاء الله

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: شعار₪موضوع متميز₪من المطبخ الدمياطي...رز بالجمبري وطاجن جمبري....اتفضلوااااااا

أدوات الموضوع

العرض