انا كنت فاكره انا لوحدى اللى عندى المشكلة دى
بس لاحظت من ان كلنا احنا كمصريات عندنا مشكلة ان هنا فى الخليج الخضار غير بتاعنا خااااااااالص
عاوزين نتشارك ونقول لبعض ايه احسن الانواع او المنتجات من كل نوع اللى بتكون اقرب ما يكون لخضارنا انا هنا فى البحرين هقولكم على الانواع اللى بجيبها
انا بجيب بامية فرجللو لان حبوبها صغيرة واقرب للبامية بتاعتنا افضل من مونتانا كمان بس مونتانا هى تقريبا افضل ماركة هنا
واسواهم صراحة هى امريكانا الحبه كبيييييييييرة جدا
وكمان خضار فارم فريتس المشكل سئ جدا كله جزر
انا بجيب كل نوع مستقل وبعدين اخلطهم عند الاكل
الحاجة اللى مش عارفه اتصرف فيها لحد الان هى الكرنب
مش بينفع محشى خاااااالص طعمه مسكر هو اخره كولسلو
حد بيلاقى الكرنب بتاعنا ... او بيتصرف فى الكرنب ده بيحس يطلع شبه بتاعنا

انا اول واحدة رديت يا ملوكة
عندك حق ده غير بقى طعم الخضرة الشبت و البقدونس و الحاجات دى كلها شكل بسسسسسسسسسس من غير طعم و لاريحة

بصى يا ستى انا بجيب ملوخية مونتانا و بامية بسمة
بجيب فاصوليا و كوسة طازة عادى مش مجمدة
بجيب السلق مستوى معايا من مصر و بشيله فى الفريزر
مش بعمل محشى خاااااااااااااالص غير ورق عنب بس و بجيبه المحفوظ فى برطمانات
لما افتكر باقى الحاجات هقولك
الموضوع ممتاز دايما افكارك حلوة
ربنا يكرمك و ينولك اللى فى بالك عن قريب ان شاء الله

موضوع جميل فعلا يا ملك زى ما اتعودنا منك
بالنسبة لامريكانا انا حاسه فعلا ان كل حاجه جربتها منها وحشه وخصوصا فعلا الباميه انا اول مره جبتها اتخضيت من شكلها والملوخيه كمان بتاعتهم مش حلوه فعلا مونتانا بتعجبنى اوى ووليمه برضه معقوله انا لسه واخده قرار انى مش هشترى خضار امريكانا خالص
وجزاكى الله خيرا انك قلتى على الكنب اللى موجود ده مش حلو لأنى كنت بفكر اجيبه واعمل بيه محشى وطبعا انا اخدت وقت طويل على ما عرفت اصلا انه ممكن يتعامل على انه كرنب زى بتاعنا
وفى كمان مشكله تانيه التوابل مع انهم بيقلولى انتى فى بلد التوابل بس بجد انا جبت كمون ملوش اى علاقه بالكمون بتاعنا حاسه انه مش بيعمل اى حاجه على الاكل هو من شركة زين اى حد عنده معلومات فى موضوع التوابل ده ياريت يقولى انا فى جده
معلش طولت عليكوا بس بجد اصلى مضايقه اوى من الحاجات دى بس برضه ابتديت اتعود عشان اكون ببص لنص الكوبايه المليان

كتبت بواسطة zekrayat24

موضوع جميل فعلا يا ملك زى ما اتعودنا منك
بالنسبة لامريكانا انا حاسه فعلا ان كل حاجه جربتها منها وحشه وخصوصا فعلا الباميه انا اول مره جبتها اتخضيت من شكلها والملوخيه كمان بتاعتهم مش حلوه فعلا مونتانا بتعجبنى اوى ووليمه برضه معقوله انا لسه واخده قرار انى مش هشترى خضار امريكانا خالص
وجزاكى الله خيرا انك قلتى على الكنب اللى موجود ده مش حلو لأنى كنت بفكر اجيبه واعمل بيه محشى وطبعا انا اخدت وقت طويل على ما عرفت اصلا انه ممكن يتعامل على انه كرنب زى بتاعنا
وفى كمان مشكله تانيه التوابل مع انهم بيقلولى انتى فى بلد التوابل بس بجد انا جبت كمون ملوش اى علاقه بالكمون بتاعنا حاسه انه مش بيعمل اى حاجه على الاكل هو من شركة زين اى حد عنده معلومات فى موضوع التوابل ده ياريت يقولى انا فى جده
معلش طولت عليكوا بس بجد اصلى مضايقه اوى من الحاجات دى بس برضه ابتديت اتعود عشان اكون ببص لنص الكوبايه المليان

هو انتى قاعدة فى اى بلد عشان نقدر نساعدك
عموما نصيحة منى ماتشتريش التوابل اللى فى الاكياس
فى كارفور بيكون فى ركن كده بتتباع فيه التوابل بالكيلو و البقوليات و المكسرات انا بشتريها كده افضل و يدوب بجيب تمن كيلو (8/1) يعنى حوالى 125 جرام بيكفى فترة طويلة لأن التوابل يفضل تكون فريش ف ما تجيبيش كتير

جزاكى الله خيرا اختى ازاميرالد انا عايشه فى جده وعلى فكره انا فعلا جربت الفلفل الاسود من كارفور وطلع حلو بس كده انشاء الله اجيب منهم كل حاجه انتى فعلا فكرتينى بيهم شاطره جدا جدا وجزاكى الله خيرا

اهلا اخواتى جزاكى الله خيرا اختى ملك على هذا الموضوع المفيد
بالنسبه لى انا مقيمه فى جده
ومعظم الخضار بشتريه طازه ماعدا الملوخيه بجيب مونتانا وهى فعلا احسن ماركه
واوقات بجيب خضار مشكل مثلج
لكن الكوسه والجزر والباميه وبقيه انواع الخضار بجيبه طازه
فى سوق فى جده للخضار والفاكهه الطازه اسمه ( حلقه الخضار)
دا فيه كل حاجه وبلاقى فيه الكرنب بتاعنا العادى وبعمله كتير بس بيكون موجود طول شهر 11 و12 و1
يعنى طول اشهر الشتا بس
غير كدا مابيكونش حلو خالص
وبالنسبه للسلق بجيبه من هنا طازه برده وبيكون جميل
والبهارات احسن حاجه انك تجبيها من عطار او من العطاره اللى فى السوبر ماركت
بلاش الاكياس مش بتبقى طازه
وانا بجبها حب وبعملها فى البيت علشان يكون طمعها حلو ورحيتها كمان
دااللى انا فكراه دلوقتى
ولو حد عنده اى سؤال انا موجوده

اختى nhnh فين سوق الخضار دى فى جده؟ وانتى بجيبى الخضار بكميات وتشيلى فى الفريزر واللا بتجيبى أكله بأكله وجزاكى الله خيرا

كتبت بواسطة azmiralda000

بصى يا ستى انا بجيب ملوخية مونتانا و بامية بسمة
بجيب فاصوليا و كوسة طازة عادى مش مجمدة
بجيب السلق مستوى معايا من مصر و بشيله فى الفريزر
مش بعمل محشى خاااااااااااااالص غير ورق عنب بس و بجيبه المحفوظ فى برطمانات
لما افتكر باقى الحاجات هقولك
الموضوع ممتاز دايما افكارك حلوة
ربنا يكرمك و ينولك اللى فى بالك عن قريب ان شاء الله

ازمييرالدا الورق عنب البرطمانات مش حلو خاااااالص بتبقى فيه ريحة خل قوية وكمان بيفضل ناشف مهما تسلقيه
انا بجيب ورق عنب اكياس اسمها هنا وفى منها قلقاس و وسبانخ بس هى حلوة بس فى ورق العنب
لانه مجمد عادى مش محفوظ فى خل

مشكورين يا بنات على معلومة التوابل دى فعلا انا بجيب التوابل اللى فى علب او اكياس
وبفضل احط منها كميات كبيرة وجوزى بيقوللى ريحتنا هتبقى شبه الهنود من كتر التوابل ههههههه
بس انا بحس انها مش بتبان فى الاكل خاااااااااالص