رجو المساعدة من الناس الخبرة فى اختيار الخضار والفاكهة الجيدة زى مثلا القلقاس ازاى اعرف انه جيد وبيستوى وغيره

اية يا بنات مفيش رد لية كدة اهىء اهىء

بالنسبه للقلقاس مش حقدر افيدك لانى بجيبه مجمد مونتانا جميل اوى واريح فى الطبخ
الخضار والفواكه بتبقى باينه من شكلها انها طازه او لاء لو كانت دبلانه يعنى الطماطم حمرا وجامده والخيار اخضر وجامد البصل شكله بيبقى باين ان جديد وحلو الخضار زى الشبت والبقدونس والملوخيه والحاجات دى بتبقى باينه من ريحتها انها طازه الخش يبقى ورقه شكله حلو ومش دبلان الكوسا تبقى قشرتها حلوه مش دبلانه كده يعنى
والفواكه مش مفعصه وريحتها حلوه

ويمكنكِ عزيزتي الأطلاع على هذا الرابط ان شاء الله يفيدكِ

http://www.lakii.com/vb/showthread.php?t=266290

مشكورين اخواتى

أنا كمان في حاجات ما بعرفش أنقيها زى البطيخ يقولى بابا خبطى عليها لو رنت تبقى حمرا وحلوه لو الصوت مكتوم تبقى قرعه ووحشه لكن معرفش افرق برضه جربى كده يمكن تنفع معاكى

بصراحه انا نفسي اعرف القلقاس ايه هو ؟؟؟
انا فلسطينيه وكتير بسع فيه بس ما بعرف شو هو وكيف شكله فاكه او خضار ؟؟؟

تسمحيلى ارد على ام مالك
القلقاس ده خضار وبيتعمل بالخضره

لو عايزه تريحى نفسك ممكن تشترى مجمد حتلاقيه فى التلاجات مع الخضار متقطع مكعبات ولونه ابيض وجوه الكيس فى كيس صغير معاه الخضره
كل اللى تعمليه تكونى سالقه اللحمه تاخدى شوربتها وتحطى عليها القلقاس مع الخضره وتوم اما نى عشان السم او تقليه فى شوية زبده او سمنه او زيت زى ما تحبى وتضيفيه على القلقاس فى الاخر لما يستوى
على فكره القلقاس ما بياخدش وقت فى السوا يعنى على طول زى البطاطس

معقولة يا ماما مش بتعرفى تنقى الخضار......بصى يا ستى بيقولوا خير الامور الوسط ابقى نقيه متوسط الحجم وما فيهوش ثقوب وكمان اما تشتريه فى نص الموسم بتاعه بيبقى اكيد كويس